Sravana Masam 2023: నేటి నుంచి శ్రావణమాసం ప్రారంభం; ఈ నెల విశిష్టతను తెలుసుకుందాం
ఈ వార్తాకథనం ఏంటి
హిందూ క్యాలెండర్‌లో శ్రావణ మాసాన్ని చాలా పవిత్రంగా భావిస్తారు. ఆధ్యాత్మికత, సాంస్కృతిక ఐక్యతను పెంపొందించడంలో ఈ నెల దోహదపడుతుంది.
ఈ ఏడాది శ్రావణమాసం మంగళవారం (జులై 4)న ప్రారంభమైన నేపథ్యంలో ఈ నెలకు సంబంధించిన విశిష్టత, ఎలాంటి దైవిక కార్యక్రమాలు చేస్తారో ఓసారి తెలుసుకుందాం.
తెలుగు సంవత్సరాది ప్రకారం శ్రావణ మాసాన్ని 5వ నెలగా భావిస్తారు. ఈ నెలలోని పౌర్ణమినాడు చంద్రుడు శ్రవణ నక్షత్రానికి చాలా సమీపంలో ఉంటాడు కాబట్టి, దీనికి శ్రావణ మాసం అనే పేరు వచ్చింది.
మహావిష్ణువు జన్మనక్షత్రం కూడా శ్రవణ నక్షత్రం కావడంతో ఈ మాసం విశిష్టత మరింత పెరిగింది.
శ్రావణ మాసంలో లక్ష్మీదేవి కటాక్షం కోసం భక్తులు నియమ నిష్టలతో పూజలు చేస్తారు.
శ్రావణ మాసం
నెల పొడవునా ఆ మూడు రోజులు వ్రతాలు, పూజలు
శ్రావణ మాసంలో శివపార్వతులను భక్తులు ప్రత్యేకంగా కొలుచుకుంటారు.
సముద్ర మంథనం సమయంలో వచ్చిన విషం మొత్తాన్ని శివుడు మింగి విశ్వాన్ని రక్షించాడని పురాణాలు చెబుతున్నాయి. అందుకే ఈ మాసంలో శివుడు, పార్వతిని ప్రత్యేకంగా ప్రార్థిస్తారు.
శ్రావణ మాసంలో సోమవారం, మంగళవారం, శుక్రవారాలను ప్రత్యేకంగా జరుపుకుంటారు.
శివుడికి ప్రీతిపాత్రమైన సోమవారం నాడు శివపూజను ఎంతో భక్తి శ్రద్ధలతో నిర్వహిస్తారు.
అలాగే మంగళవారం పార్వతీ దేవీ అనుగ్రహం కోసం మంగళగౌరీ వ్రతాన్ని చేస్తారు.
సిరిసంపదులు కలగాలని ఈ నెలలోని ప్రతి శుక్రవారం రోజున లక్ష్మీదేవి కటాక్షం కోసం వరలక్ష్మీవ్రతాన్ని ప్రత్యేకంగా నిర్వహిస్తారు.
ఈ పూజల చేయడం ద్వారా లక్ష్మీదేవి మన కోర్కెలను వింటుందని పురాణాలు చెబుతున్నాయి.
శ్రావణ మాసం
ఈ మాసంలో ప్రతిరోజు ఒక పండగే
శ్రావణ మాసం నెలపొడవునా సోమవారం, మంగళవారం, శుక్రవారాల్లో భక్తులు చాలా మంది భక్తులు ఉపవాసం ఉంటారు.
శ్రావణ మాసంలో ఉపవాసం చేయడం ద్వారా ఆధ్యాత్మిక భావన పెరగడంతో పాటు స్వీయ క్రమశిక్షణ కూడా అలవడుతుంది.
శ్రావణ మాసం సమయంలో భక్తులు శివాలయాలను సందర్శించి ప్రత్యేక ప్రార్థనలు, అభిషేకాలు చేస్తారు.
ఈ పూజల్లో ప్రత్యేకంగా బిల్వ ఆకులు, నీరు, పాలు, తేనె, పెరుగు, విభూతి ఉపయోగిస్తారు.
ముఖ్యంగా మహిళలు ఈ మాసంలోని ప్రతిరోజును ఒక పండగలా జరుపుకుంటారు. జులై 4న ప్రారంభమైన శ్రావణ మాసం ఆగస్టు 31తో ముగుస్తుంది.