ఆహారం: వేసవిలో ఫుడ్ పాయిజన్ ఎందుకు అవుతుంది? కాకుండా ఉండాలంటే ఏం చేయాలి?
ఈ వార్తాకథనం ఏంటి
వేసవి వేడి తీవ్రంగా ఉంది, ఉష్ణోగ్రతలు విపరీతంగా పెరిగిపోయాయి. ఇలాంటి సమయంలో ఫుడ్ పాయిజన్ అయ్యే అవకాశాలు చాలా ఎక్కువ. వెచ్చని వాతావరణం కారణంగా ఆరోగ్యానికి హానికలగజేసే బ్యాక్టీరియాలు, వైరస్ లు, పరాన్నజీవులు పుట్టుకొస్తాయి.
అందువల్ల వేసవిలో ఆహారం పట్ల జాగ్రత్తగా ఉండాల్సిన అవసరం ఉంది. ప్రస్తుతం ఫుడ్ పాయిజన్ కాకుండా ఉండాలంటే ఏం చేయాలో తెలుసుకుందాం.
ఆహారం సరిగ్గా ఉడికిందా లేదా చూసుకోవాలి:
మీరు తినే ఏ ఆహారమైనా సరిగ్గా ఉడకాలి. ముఖ్యంగా మాంసాహారాన్ని బాగా ఉడికించాలి.
మరో విషయం ఏంటంటే, ఇంకా వండని మటన్, చేప, సముద్రపు ఆహారాలను, కూరగాయలను ఒకే దగ్గర ఉంచకూడదు. దీనివల్ల కూరగాయలు కలుషితం అవుతాయి.
Details
చేతులు శుభ్రంగా ఉంటే ఆరోగ్యం బాగుంటుంది
కూరగాయలను తెచ్చిన వెంటనే ఫ్రిజ్ లో పెట్టాలి
మార్కెట్లో కూరగాయలు కొన్న తర్వాత ఇంటికి వచ్చేసి ఫ్రిజ్ లో పెట్టడం మంచిది. దీనివల్ల కూరగాయలు ఫ్రెష్ గా ఉంటాయి.
కూరగాయలను నీటితో కడగాలి
సలాడ్లు, పచ్చి కూరగాయలు తినే అలవాటు మీకుంటే ఈ విషయంలో మీరు చాలా జాగ్రత్తగా ఉండాలి. కూరలు వండేటప్పుడు కచ్చితంగా కూరగాయలను బాగా కడగాలి. ఆపిల్, క్యారెట్ లాంటి వాటిని నీళ్ళతో కడిగి వెజిటబుల్ బ్రష్ తో నెమ్మదిగా రుద్దాలి.
చేతులు శుభ్రంగా ఉంచుకోవాలి:
బాత్రూంకి వెళ్లినా, పిల్లలకు డైపర్లు మార్చినా, పెంపుడు జంతువులతో ఆటలాడినా చేతులను శుభ్రం చేసుకోవాలి. పచ్చి మాంసాన్ని ముట్టిన తర్వాత కూడా చేతులను కడుక్కోవాలి.