Jowar Breakfast Recipe: వెయిట్ లాస్కు బెస్ట్ ఆప్షన్.. జొన్నలతో హై ఫైబర్ బ్రేక్ఫాస్ట్!
ఈ వార్తాకథనం ఏంటి
ఆరోగ్యకరమైన జీవనశైలి ఒక్కరోజులో అలవాటయ్యేది కాదు.ప్రతిరోజూ మనం అనుసరించే చిన్న చిన్న మంచి అలవాట్ల సమాహారమే నిజమైన ఆరోగ్యానికి బలమైన పునాది. సరైన ఆహారాన్ని ఎంపిక చేసుకోవడం, శరీరానికి అవసరమైన పోషకాలను సహజమైన మార్గాల్లో పొందడం, ప్రాసెస్డ్ ఫుడ్కు దూరంగా ఉండడం వంటి అంశాలు బరువు నియంత్రణతో పాటు మొత్తం ఆరోగ్యాన్ని మెరుగుపరుస్తాయి. ముఖ్యంగా రోజును బ్రేక్ఫాస్ట్తో ఎలా ప్రారంభిస్తామన్నదే రోజంతా ఎనర్జీ లెవల్స్ను నిర్ణయిస్తుంది. హై ఫైబర్, హై ప్రోటీన్ కలిగిన సంప్రదాయ ధాన్యాలను రోజువారీ ఆహారంలో భాగం చేసుకుంటే జీర్ణక్రియ మెరుగవడమే కాకుండా వెయిట్ మేనేజ్మెంట్ కూడా సులభమవుతుంది. అలాంటి మంచి హెల్త్ హ్యాబిట్స్లో భాగంగా, జొన్నలతో తయారుచేసుకునే సింపుల్ కానీ న్యూట్రిషన్తో నిండిన బ్రేక్ఫాస్ట్ రెసిపీని ఈరోజు తెలుసుకుందాం.
Details
వారానికి రెండు నుంచి మూడుసార్లు తినాలి
ఇది ఉదయాన్నే కాకుండా, ఎక్కువ ఆకలిగా ఉన్నప్పుడు స్నాక్గా కూడా సర్వ్ చేసుకునేలా ఉంటుంది. హై ఫైబర్, హై ప్రోటీన్ ఉండటంతో బరువును సమర్థంగా నియంత్రించడంలో ఇది ఎంతో ఉపయోగపడుతుంది. ఈ రెసిపీ శరీరానికి అవసరమైన ముఖ్యమైన పోషకాలను అందించడమే కాకుండా, త్వరగా బరువు తగ్గాలనుకునే వారికి మంచి ఆప్షన్. వెయిట్ కంట్రోల్లో ఉంచుకోవాలనుకునే వారు కనీసం వారానికి రెండు నుంచి మూడుసార్లు అయినా ఈ బ్రేక్ఫాస్ట్ను తప్పకుండా ట్రై చేయాలి. తయారీ విధానం కూడా చాలా సులభమే. ముందుగా ఒక గిన్నెలో ఒక కప్పు జొన్నలను తీసుకుని శుభ్రంగా కడిగి, నిండుగా నీళ్లు పోసి రాత్రంతా నానబెట్టాలి. పచ్చజొన్నలైనా, తెల్ల జొన్నలైనా ఉపయోగించవచ్చు. జొన్నలు బాగా నానితే అవి సులభంగా ఉడుకుతాయి
Details
రుచికి సరిపడా ఉప్పు కలపాలి
అలాగే జీర్ణక్రియకు కూడా మేలు చేస్తాయి. బ్రేక్ఫాస్ట్ తయారుచేసే అరగంట ముందు మరో గిన్నెలో 1/3 కప్పు పెసరపప్పు, 1/3 కప్పు వేరుశనగ గుళ్లు వేసి శుభ్రంగా కడిగి నీళ్లు పోసి నానబెట్టాలి. వీటిని ఎక్కువ సేపు నానబెట్టాల్సిన అవసరం లేదు. హాఫ్ అవర్ నానితే చాలు. జొన్నలు, పెసరపప్పు, వేరుశెనగ గుళ్లు బాగా నానిన తర్వాత నీళ్లు పూర్తిగా వడగట్టి కుక్కర్ గిన్నెలోకి మార్చాలి. జొన్నలను కొలిచిన కప్పుతోనే రెండు కప్పుల నీళ్లు వేసి, రుచికి సరిపడా ఉప్పు కలపాలి. మీడియం ఫ్లేమ్పై సుమారు ఎనిమిది విసిల్స్ వచ్చే వరకు ఉడికించాలి. స్టవ్ ఆపిన తర్వాత ప్రెజర్ పూర్తిగా తగ్గాక మూత తీసి చూడాలి. జొన్నలు మెత్తగా ఉడికిపోయి ఉంటాయి.
Details
జొన్నలకు తాలింపు పెట్టుకోవాలి
ఇప్పుడు వాటిలోని నీటిని పూర్తిగా వడగట్టి పక్కన పెట్టాలి. తర్వాత జొన్నలకు తాలింపు పెట్టుకోవాలి. స్టవ్పై పాన్ పెట్టి రెండు టేబుల్ స్పూన్ల నూనె వేయాలి. ఇష్టమైతే నెయ్యి కూడా వాడవచ్చు. నూనె వేడెక్కిన తర్వాత శెనగపప్పు, మినప్పప్పు, ఆవాలు, జీలకర్ర, ఎండుమిర్చి వేసి దోరగా వేయించాలి. ఆపై సన్నగా తరిగిన వెల్లుల్లి, అల్లం తురుము, చిన్న ముక్కలుగా కట్ చేసిన పచ్చిమిర్చి, రెండు రెమ్మల కరివేపాకు వేసి మరోసారి వేయించాలి. ఇప్పుడు సన్నగా పొడవుగా కట్ చేసిన ఉల్లిపాయ తరుగు వేసి, త్వరగా మగ్గేందుకు కొద్దిగా ఉప్పు చల్లాలి. ఉల్లిపాయలు ట్రాన్స్పరెంట్గా మారిన తర్వాత పావు టీ స్పూన్ పసుపు, కొద్దిగా ఇంగువ వేసి కలపాలి.
Details
తయారు చేసే విధానం ఇదే
ఆపై ముందుగా ఉడికించిన జొన్నలను పాన్లోకి వేసి హై ఫ్లేమ్పై రెండు నుంచి మూడు నిమిషాలు బాగా టాస్ చేయాలి. చివరగా కొద్దిగా కొత్తిమీర వేసి కలిపి స్టవ్ ఆపేయాలి. స్టవ్ ఆపిన తర్వాత అర నిమ్మకాయ రసం పిండితే రుచి మరింత పెరుగుతుంది. ఇలా జొన్నలతో సింపుల్గా, త్వరగా తయారయ్యే హెల్తీ వెయిట్ లాస్ బ్రేక్ఫాస్ట్ సిద్ధం. వేడి వేడిగా సర్వ్ చేసుకుంటే రుచి అద్భుతంగా ఉంటుంది. మీరు కూడా ఈ రెసిపీని ఇంట్లో తప్పకుండా ట్రై చేయండి. ట్రై చేసి టేస్ట్ చేసిన తర్వాత మీ ఫీడ్బ్యాక్ను కామెంట్ రూపంలో షేర్ చేయండి.