Motivation: విజేతల జీవిత రహస్యాలు ఇవే.. మీరూ అనుసరిస్తే విజయం సాధించడం ఖాయం!
ఈ వార్తాకథనం ఏంటి
ఎవరు ఎలా విజయం సాధించారు? సాధారణ నేపథ్యం నుంచి వచ్చిన వారు ఎలా కోట్ల ఆస్తుల అధిపతులయ్యారు? తమ వ్యాపార సామ్రాజ్యాన్ని ఎలా విస్తరించారు? వీటన్నింటిపై ప్రతి ఒక్కరికి ఆసక్తి ఉంటుంది. అసలు వీరు సాధించగలిగినదానికి మూలం ఏంటి? వారి జీవిత విధానం, ఆలోచనా సరళి, అలవాట్లు ఏంటి? అన్నదే అందరినీ ఆకర్షించే ప్రశ్న. విజయవంతమైన వ్యక్తులను పరిశీలించినప్పుడు.. కొన్ని ప్రత్యేక లక్షణాలు, అలవాట్లు, అభ్యాసాలు కనపడతాయి. ఇవే వారు చేరుకున్న శిఖరాలకు దారి చూపిన కీలక రహస్యాలు.
Details
1. స్పష్టమైన దృష్టి (Clear Vision)
విజయాన్ని కోరుకునే ప్రతి ఒక్కరూ తొలిగా స్పష్టమైన లక్ష్యాన్ని నిర్ణయిస్తారు. వారి లక్ష్యం గంటకొకటి, రోజుకొకటి మారదు. ఏం కావాలో తార్కికంగా తెలుసుకుని, దాని దిశగా అచంచలంగా ప్రయాణిస్తారు. లక్ష్యాన్ని చేరుకోవాలన్న బలమైన ఉద్దేశమే వారికి దారిదీపంగా ఉంటుంది. 2.క్రమశిక్షణ(Discipline) విజయం క్రమశిక్షణకు బానిస. ప్రతిరోజూ ఒకే ధోరణిలో జీవించటం, దినచర్యలో నిబంధనలకు కట్టుబడి ఉండటం, పరధ్యానానికి లొంగకుండా పనిపై దృష్టిపెట్టడం విజయవంతుల నిత్యకర్మ. సమస్యలు ఎదురైనా వెనకడుగు వేయరు. 3.నిరంతర శ్రమ(Continuous Effort) విజేతలు జీవితాంతం విద్యార్థులే. వారికెప్పుడూ ఇంతే చాలుఅని భావం ఉండదు. చదువు, నూతనఅభ్యాసం, పెట్టుబడులు, వ్యాపార ప్రణాళికలు వంటి కొత్త మార్గాల్లో అడుగులేస్తూనే ఉంటారు. డబ్బు సంపాదించాక అలసిపోరు. ప్రతిదీ అభివృద్ధి దిశగా మలచుకునే వారే వారు.
Details
4. సమయ నిర్వహణ (Time Management)
సమయం మన చేతిలో ఉన్న అత్యంత విలువైన సంపద. దాన్ని సద్వినియోగం చేసుకోవడమే విజయం సాధించేందుకు మొదటి మెట్టు. వాయిదాలు, ఆలస్యం అనే అలవాట్లను విడిచిపెట్టి, ప్రతి పని సమయానుసారంగా చేయడం నేర్చుకోవాలి. విజయవంతులు దీనిపైనే ఎక్కువ దృష్టిపెడతారు. 5. సానుకూల దృక్పథం (Positive Attitude) సవాళ్లు వస్తే కొందరు నెగెటివ్‌ దృక్పథంతో వెనక్కి తగ్గిపోతారు. కానీ విజేతలు ఎప్పుడూ ఆశావాదంతో ముందుకెళ్తారు. సమస్యల కంటే పరిష్కారాలపై ఎక్కువ దృష్టి పెడతారు. 'నేను సాధించగలను' అనే విశ్వాసాన్ని ఎప్పుడూ కోల్పోరు. అదే వారికి విజయానికి మార్గం చూపుతుంది.
Details
6. డబ్బు నిర్వహణ (Financial Discipline)
విజయవంతమైన వారు ఎప్పుడూ తమ ఖర్చులను అదుపులో ఉంచుకుంటారు. ఎంత సంపాదించినా దానికి మించి ఖర్చుపెట్టరు. పెట్టుబడులు పెట్టడంలో ఆసక్తి చూపిస్తారు. ఆదాయాన్ని రెట్టింపు చేసుకునే మార్గాలు అన్వేషిస్తారు. అప్పుల మీద ఆధారపడకుండా, తమ డబ్బుతోనే ముందుకు సాగతారు. మీరు కూడా నిజమైన విజేతగా ఎదగాలనుకుంటే ఈ లక్షణాలను అభ్యసించండి. ఇవి అలవాటవుతే.. మీ విజయానికి ఎవరూ అడ్డు రాలేరు.