Motivational:జీవితంలో సుఖంగా ఉండి.. విజయాన్ని అందుకోవాలని కోరుకుంటే.. ఈ 4 విషయాలు తప్పకుండా గుర్తుంచుకోవాలి
ఈ వార్తాకథనం ఏంటి
గొప్ప వ్యూహకర్తగా పేరుగాంచిన ఆచార్య చాణిక్యుడి గురించి తెలుగు ప్రజలకు ప్రత్యేకంగా పరిచయం చేయాల్సిన అవసరం లేదు. ఆయణ్ణి రచించిన 'చాణిక్య నీతి' అనే గ్రంథంలో మనకు జీవితంలో ఉపయోగపడే అనేక ముఖ్యమైన నియమాలు ఉన్నాయి. మనం సుఖంగా జీవించాలని, అలాగే విజయం సాధించాలని అనుకుంటే ఆచార్య చాణిక్యుడు చాటిన మార్గాన్ని అనుసరించడమే సరైన మార్గం. ఆచార్య చాణిక్యుడు అనేక గ్రంథాలను రచించగా, వాటిలో 'నీతి శాస్త్రం'కు ప్రత్యేక ప్రాధాన్యత ఉంది. మానవ జీవితానికి సంబంధించిన అనేక ముఖ్యమైన విషయాలను ఆయన ఈ గ్రంథంలో వివరించారు. ఇప్పటికీ చాలామంది ఈ చాణిక్య నీతిని పాటిస్తూ విజయాన్ని సాధిస్తున్నారు.
వివరాలు
మనల్ని విమర్శించే, నిందించే వ్యక్తుల నుంచి దూరంగా ఉండాలి
జీవితంలో ఎదురయ్యే ప్రతి సమస్యకు తగిన పరిష్కారం ఈ చాణిక్య నీతి శాస్త్రంలో చెప్పబడింది. మనం సంతోషంగా ఉండాలంటే ఈ నియమాలను గమనించి పాటించడం చాలా అవసరం. చాణిక్యుని నీతి ప్రకారం ఎల్లప్పుడూ మనల్ని విమర్శించే, నిందించే వ్యక్తుల నుంచి దూరంగా ఉండాలి. అలాంటి వారు మనలో ప్రతికూల శక్తిని నింపుతారు. వారి సన్నిహితంగా ఉండటం వల్ల మన జీవితంలో నెగటివ్ భావోద్వేగాలు పెరుగుతాయి. వారు మనకు సంతోషాన్ని ఇవ్వలేరు. అదే విధంగా మూర్ఖులతో స్నేహం చేయకూడదని కూడా ఆచార్యుడు స్పష్టం చేశాడు.
వివరాలు
మూర్ఖులతో సంబంధం వల్ల మీరు అసంతృప్తి,నిరాశగా ఉంటారు
ఏ విషయమైనా మూర్ఖులకు వివరించేందుకు ప్రయత్నించకూడదు. అలా చేస్తే మీ విలువైన సమయం వృథా అవుతుంది. ఎందుకంటే మూర్ఖులు ఎవరి మాట వినడానికీ, అర్థం చేసుకోవడానికీ సిద్ధంగా ఉండరు. అందువల్ల వారితో సంబంధం పెట్టుకోవడం వల్ల మీరు అసంతృప్తిగా, నిరాశగా ఉంటారు. అలాగే చెడు ఆలోచనలు కలిగిన స్త్రీలతో కూడా దూరంగా ఉండాలని చాణిక్యుడు హెచ్చరిస్తాడు. అలాంటి స్త్రీల వల్ల ఇంట్లో తగాదాలు, కలహాలు ఏర్పడతాయి. వారు జీవితాన్ని సమస్యలతో నింపుతారు. అందుకే చెడు ఆలోచనలతో ఉన్న మహిళల నుంచి దూరంగా ఉండడం మేలని ఆయన సూచించారు.