CHOCOLATE DAY : ఇవాళ ప్రపంచ చాక్లెట్ దినోత్సవం.. ఒక్కో దేశంలో ఒక్కో తేదీ!
ఈ వార్తాకథనం ఏంటి
ప్రతేడాది జూలై 7న అంతర్జాతీయ చాక్లెట్ దినోత్సవాన్ని ప్రపంచవ్యాప్తంగా జరుపుకుంటారు. ఈ దినోత్సవం ఉద్దేశం చాక్లెట్ తినడం వల్ల కలిగే ఆరోగ్య ప్రయోజనాలపై అవగాహన పెంపొందించడం. చరిత్రలోకి వెళ్తే 1550 జూలై 7న యూరప్‌లో తొలిసారిగా చాక్లెట్ తయారయిందని నమ్మబడుతోంది. ఆ స్థాయిలో చాక్లెట్‌కు గుర్తింపుగా 2009 జూలై 7న మొదటిసారిగా ప్రపంచ చాక్లెట్ దినోత్సవం నిర్వహించారు. అయితే చాక్లెట్ దినోత్సవం తేదీ దేశాన్ని బట్టి భిన్నంగా ఉంటుంది. ఉదాహరణకు:
Details
లాట్వియాలో జూలై 11న
పశ్చిమ ఆఫ్రికాలో కోకో ఉత్పత్తిలో రెండో స్థానంలో ఉన్న ఘనా, ఫిబ్రవరి 14న చాక్లెట్ దినోత్సవాన్ని జరుపుకుంటుంది. లాట్వియాలో జూలై 11న ఈ దినోత్సవాన్ని నిర్వహిస్తారు. అలాగే జనవరి 10న బిట్టర్‌స్వీట్ చాక్లెట్ డే, జూలై 28న మిల్క్ చాక్లెట్ డే, సెప్టెంబరు 22న వైట్ చాక్లెట్ డే, డిసెంబరు 16న చాక్లెట్ కవర్డ్ ఎవరీథింగ్ డే వంటి ప్రత్యేక దినోత్సవాలూ ఉన్నాయి. ఈ విధంగా, చాక్లెట్‌కు సంబంధించిన పండుగలు సంవత్సరంలో వివిధ రోజులలో వేర్వేరు దేశాల్లో జరుపుకుంటూ, ప్రజలలో ఆరోగ్యంతో కూడిన ఆనందాన్ని పంచుతున్నాయి.