You Are Happiest at 47: 'వృద్ధాప్యం కాదు.. అసలు సంతోషం 47ఏళ్లలోనే!'.. తాజా సర్వేలో సంచలన విషయాలు
ఈ వార్తాకథనం ఏంటి
వయసు పెరుగుతుంటే సంతోషం తగ్గిపోతుందనుకోవడం తప్పు అంటోంది తాజా అధ్యయనం. TePe నిర్వహించిన సర్వే ప్రకారం, జీవితంలో అత్యంత ఆనందంగా ఉండే వయసు 47 అని తేలింది. ముఖ్యంగా 40ల చివర్లో వ్యక్తులు ఎక్కువ సంతోషంగా, నమ్మకంగా ఉంటారని వెల్లడైంది. ఈ దశలో చాలా మంది అనారోగ్యకర వాతావరణాలను దూరం చేసుకుని, తమ ఆరోగ్యంపై ఎక్కువ దృష్టి పెడతారని నిపుణులు చెబుతున్నారు. తమ శరీరం ఎలా పనిచేస్తుందో, తాము ఎలా ఫీల్ అవుతున్నామో అర్థం చేసుకునే స్థాయికి చేరుతారని వివరించారు. మొత్తం 2,000 మందిపై చేసిన ఈ సర్వేలో, 40 ఏళ్ల తర్వాత జీవితం మెరుగవుతుందని సగం మంది అభిప్రాయపడ్డారు.
వివరాలు
69కే వృద్ధాప్యం.. కొత్త అధ్యయనం షాకింగ్
ఇదే సమయంలో వారు ఆరోగ్యకరమైన ఆహారాన్ని ఎంచుకోవడంలో ముందుంటారని, జీవనశైలిలో మార్పులు వస్తాయని తెలిపారు. యువతలో ఉన్నట్లుగా పార్టీలు, మద్యం అలవాట్లు తగ్గిపోతాయని, కుటుంబంతో గడపడం, పిల్లలు లేదా మనవళ్లతో గడపడం వల్ల యాక్టివ్గా ఉంటారని చెప్పారు. అంతేకాకుండా, ఇతరులను సంతోషపెట్టే ప్రయత్నం తగ్గి, తమపై దృష్టి పెడతారని పేర్కొన్నారు. సోషల్ మీడియాలో కూడా 40లలో ఉన్న మహిళలు, పురుషులు తమ జీవితాన్ని ఈ దశలోనే అత్యంత సంతోషంగా అనుభవిస్తున్నామని పంచుకుంటున్నారు. ఇదే సమయంలో మరో అధ్యయనం ప్రకారం, 69 ఏళ్ల వయసులోనే 'వృద్ధాప్యం'గా భావిస్తారని వెల్లడైంది.