మేకప్: కళ్ళకింద చర్మానికి ఎలాంటి పదార్థాలున్న ప్రొడక్టులు వాడకూడదో చూడండి
ఈ వార్తాకథనం ఏంటి
చర్మ సంరక్షణ కోసం వాడే వస్తువుల్లో కంటి కింద భాగం కోసం వాడే సాధనాలు చాలా ముఖ్యమైనవి. ఎందుకంటే కళ్ళకింద చర్మం చాలా సున్నితంగా ఉంటుంది.
అందువల్ల మీరు వాడే సాధనాల్లో ఉండే పదార్థాలు కళ్ళకు హాని కలిగించవచ్చు. అలాంటి పదార్థాలున్న సాధనాలను పక్కన పెట్టాలి. ఎలాంటి పదార్థాలున్న వస్తువులు వాడకూడదో ఇక్కడ చూద్దాం.
సాలిసిలిక్ ఆసిడ్:
చర్మ సంరక్షణకు సాలిసిలిక్ ఆసిడ్ బాగా పనిచేస్తుంది. కాకపోతే కళ్ళకింద చర్మానికి మాత్రం ఇది మేలు చేయదు. దీని కారణంగా కళ్ళకింద చర్మం ఎర్రబడటం, దురద, మంటలు పుట్టడం కలుగుతుంది.
రెటినాల్:
చర్మ సాధనాల్లో ఈ పదార్థం ఉంటుంది. దీన్ని కళ్లకింద చర్మానికి మర్దన చేసినట్లయితే చర్మం పొడిబారుతుంది.
చర్మ సంరక్షణ
కంటికింద చర్మానికి వాడే సాధనాల్లో ఉండకూడని పదార్థాలు
ఆల్కహాల్:
కళ్ళకింద చర్మానికి వాడే ప్రోడక్టుల్లో ఉండకూడని మరో పదార్థం ఆల్కహాల్. దీని కారణంగా చర్మంలోని తేమ మాయమై పొడిబారుతుంది. ఒక్కోసారి పూర్తి పొడిగా మారిపోయి నొప్పి కలిగే అవకాశం ఉంది.
ప్యారబెన్స్:
ఈ పదార్థం దాదాపు ప్రతీ చర్మ సంరక్షణ సాధనాల్లో ఉంటుంది. ప్యారబెన్స్ కారణంగా కంటికింద చర్మానికి దురద కలుగుతుంది. ఒక్కోసారి చర్మం ఎర్రగా మారిపోతుంది. కొన్నిసార్లు చర్మం ఉబ్బుతుంది కూడా. అందుకే వీటిని పక్కన పెట్టండి.
స్టెరాయిడ్స్:
కళ్ళకింద చర్మం సున్నితంగా ఉంటుందని ఇంతకుముందే చెప్పుకున్నాం. స్టెరాయిడ్స్ ఉన్న సాధనాలను వాడితే మరింత సున్నితంగా మారిపోతుంది. ముఖం మీద ఇతర భాగాలకు ఇలాంటి పదార్థాలు బాగానే పనిచేస్తాయి. కానీ కళ్ళకింద చర్మానికి అంతగా ఉపయోగపడవు. పైగా నష్టం చేస్తాయి.