బరువు పెరుగుతామనే భయం లేకుండా స్వీట్స్ ఎలా ఎంజాయ్ చేయాలో తెలుసుకోండి
ఈ వార్తాకథనం ఏంటి
బరువు తగ్గాలనుకునేవారు కొన్ని ఆహారాలను పక్కన పెట్టాల్సి ఉంటుంది. అందులో స్వీట్స్ తప్పకుండా ఉంటుంది.
స్వీట్స్ తినడం వల్ల బరువు పెరుగుతామనే భయం అందరికీ ఉంటుంది. కానీ స్వీట్స్ చూస్తే తినకుండా ఉండలేని వారు కూడా చాలామంది ఉంటారు.
ప్రస్తుతం బరువు తగ్గాలనే ఆలోచనలో ఉన్న మీరు స్వీట్స్ ఎలా ఎంజాయ్ చేయాలో ఇక్కడ తెలుసుకుందాం.
తక్కువ తినండి:
స్వీట్స్ తినాలన్న కోరిక మీలో పెరిగిపోయి నోరు ఊరుతుంటే దాన్ని చంపుకోకండి. మీకు ఇష్టమైన స్వీట్ తినండి. కానీ తక్కువ తినండి.
అంటే ఉదాహరణకు మీకు గులాబ్ జామున్ ఇష్టమైతే ఒకేసారి ఐదు గులాబ్ జామున్ తినకండి, కేవలం ఒకటి మాత్రమే తినండి.
Details
శారీరక శ్రమతో ఎక్స్ ట్రా కేలరీలను కరిగించాలి
తక్కువ కేలరీలు గల స్వీట్స్ తినండి:
స్వీట్స్ లో కూడా తక్కువ కేలరీలు గల స్వీట్స్ దొరుకుతాయి. ముఖ్యంగా పండ్లతో తయారు చేసిన స్వీట్స్ తక్కువ కేలరీలతో ఉంటాయి. కావాలంటే మీరు ఫ్రూట్ సలాడ్ తినవచ్చు. అలాగే చక్కెర తక్కువగా ఉన్న లేదా చక్కెర అసలు లేని స్వీట్స్ తీసుకోండి.
స్వీట్స్ పంచుకోండి:
స్వీట్స్ తినేటప్పుడు మీతో పాటు ఆ స్వీట్స్ ని నలుగురితో పంచుకోండి. దీనివల్ల మీరు తక్కువగా తింటారు. అలాగే అందరితో కలిసి తినడం వల్ల ఆనందంగా కూడా ఉంటుంది.
శారీరక శ్రమ చేయండి:
స్వీట్స్ తినడం వల్ల మీలోకి చేరిన ఎక్స్ ట్రా కేలరీలను శారీరక శ్రమ ద్వారా కరిగించేయండి. రోజులో 20నిమిషాల పాటు నడవడం అలవాటు చేసుకోండి.