Cancer Patients: క్యాన్సర్ బాధితులకు శుభవార్త.. 3 నెలల్లో 5 మంది రోగులను నయం చేసిన వ్యాక్సిన్‌..!
ఈ వార్తాకథనం ఏంటి
హాంకాంగ్‌కు చెందిన శాస్త్రవేత్తలు క్యాన్సర్‌కు విప్లవాత్మక పరిష్కారంగా మారనున్న CAR-T ఇంజెక్షన్ గురించి వెల్లడించారు.
2024 నవంబర్‌లో ఐదుగురు క్యాన్సర్ రోగులకు ఈ ఇంజెక్షన్ అందించగా, వారంతా క్రమంగా కోలుకుంటున్నారని శాస్త్రవేత్తలు తెలిపారు.
ఇంజెక్షన్ తీసుకున్న అనంతరం రోగుల్లో ఏ విధమైన ప్రతిచర్యలు కనిపించాయో వివరించారు.
అంతేకాదు, ఈ చికిత్స ఫలితాలు ఆశాజనకంగా మారడంతో, భవిష్యత్తులో CAR-T ఇంజెక్షన్‌కు ప్రపంచవ్యాప్తంగా భారీగా డిమాండ్ పెరగవచ్చని వారు భావిస్తున్నారు.
వివరాలు
CAR-T ఇంజెక్షన్ ప్రయోగ వివరాలు
సౌత్ చైనా మార్నింగ్ పోస్ట్ ప్రకారం, 2024 అక్టోబర్‌లో చైనీస్ యూనివర్సిటీ ఆఫ్ హాంకాంగ్‌లో ఈ ప్రయోగాత్మక చికిత్సను ఐదుగురు క్యాన్సర్ రోగులపై నిర్వహించారు.
వారిలో, ఒకరు 73 సంవత్సరాలు, మరొకరు 71 సంవత్సరాలు, మూడవ వ్యక్తి 67 సంవత్సరాలు, నాల్గవ రోగి 15 సంవత్సరాలు, ఐదవ వ్యక్తి 5 సంవత్సరాలు వయస్సు కలిగి ఉన్నారు.
ఫిబ్రవరి నాటికి ఆశాజనకమైన ఫలితాలు 2025 ఫిబ్రవరి నాటికి, ఈ ఐదుగురు రోగులు క్యాన్సర్ నుంచి గణనీయమైన ఉపశమనం పొందారని శాస్త్రవేత్తలు తెలిపారు.
వారంతా ఆరోగ్యంగా ఉన్నారని, అంతేకాదు, రోగుల అనుభవాలను కూడా శాస్త్రవేత్తలు నమోదు చేసుకున్నారు.
వివరాలు
CAR-T ఇంజెక్షన్ ఖర్చు
ఓ క్యాన్సర్ రోగి లీ చుంగ్ తన అనుభవాన్ని పంచుకుంటూ, "ఇంజెక్షన్ ప్రక్రియకు కొద్దిపాటి నిమిషాలు మాత్రమే పట్టింది. అందులోనూ, తక్కువ సమయంలోనే నాలో రిలాక్సేషన్ మొదలైంది. ఇప్పుడు నొప్పి లేనట్లుగా అనిపిస్తోంది. వ్యాధి వేగంగా తగ్గుతూ ఉంది, నా ఆరోగ్య పరిస్థితి క్రమంగా మెరుగవుతోంది" అని పేర్కొన్నారు.
ఈ వైద్యపద్ధతి ఆశాజనకంగా మారడంతో, CAR-T ఇంజెక్షన్ క్యాన్సర్ రోగులకు ఒక వరంగా నిలుస్తుందని హాంకాంగ్ శాస్త్రవేత్తలు అభిప్రాయపడ్డారు.
ప్రస్తుతం ఈ టీకా సాధారణ ప్రజలకు అందుబాటులో లేదు. హాంకాంగ్‌లో CAR-T ఇంజెక్షన్ ఖర్చు సుమారు రూ. 3 కోట్లు కాగా, ఇతర దేశాల్లో దీని ఖర్చు మరింత ఎక్కువగా ఉండే అవకాశం ఉంది.
వివరాలు
చికిత్స తర్వాత ప్రత్యేక జాగ్రత్తలు
ఈఇంజెక్షన్ ఇచ్చిన వెంటనే రోగిని 7 రోజులు ఐసియులో ఉంచాల్సిన అవసరం ఉంది.
ఈ చికిత్స సమయంలో కొన్ని దుష్ప్రభావాలు కనిపించవచ్చు,వాటిని అదుపు చేయడానికి ప్రత్యేక చికిత్స అవసరమని నివేదిక వెల్లడించింది.
ప్రస్తుతానికి ఈ ఇంజెక్షన్ కాలేయం,ఊపిరితిత్తుల క్యాన్సర్‌కు మాత్రమే ప్రభావవంతంగా పని చేస్తుందని పరిశోధనల్లో తేలింది.
భారతదేశంలో CAR-T చికిత్స
భారతదేశంలో 2023లో IIT బాంబే ఆధ్వర్యంలో CAR-T చికిత్స ప్రారంభమైంది.NexCAR-19 అనే స్వదేశీ పరిజ్ఞానంతో భారతీయ రోగులకు ఈ వైద్యం అందుబాటులోకి తెచ్చారు.
కేంద్ర ప్రభుత్వం "Made in India" కార్యక్రమం కింద తక్కువ ధరకు క్యాన్సర్ చికిత్స అందించడానికి ప్రయత్నిస్తోంది.
ప్రఖ్యాత నేచర్ మ్యాగజైన్ ప్రకారం, భారతదేశంలో CAR-T థెరపీ రక్త క్యాన్సర్‌కు గణనీయమైన ఫలితాలను అందిస్తున్నట్లు నిరూపితమైంది.