WhatsApp : భారత్‌లో 99.67 లక్షల వాట్సాప్ ఖాతాలు బ్యాన్‌.. కారణమిదే?
ఈ వార్తాకథనం ఏంటి
మెటా యాజమాన్యంలోని ప్రముఖ మెసేజింగ్‌ యాప్‌ వాట్సాప్ (WhatsApp) జనవరి 2025లో 99.67 లక్షల భారతీయ ఖాతాలను నిషేధించింది. ఈ ఖాతాల్లో 13.27 లక్షల అకౌంట్లను వినియోగదారుల నుంచి ఫిర్యాదు లేకుండానే నిలిపివేశారని కంపెనీ వెల్లడించింది. ప్లాట్‌ఫారమ్ భద్రతను బలోపేతం చేయడానికి, స్పామ్, స్కామ్‌లను నిరోధించడానికి ఈ చర్యలు తీసుకున్నట్లు వాట్సాప్ తెలిపింది. ఖాతాలను ఎందుకు నిషేధించారు? వాట్సాప్ ప్రకారం 2021 ఐటీ నిబంధనలను ఉల్లంఘించిన ఖాతాలను నిలిపివేశారు. నిషేధానికి కారణమైన ప్రధాన అంశాలు స్పామ్ మెసేజీలు పంపడం చట్టవిరుద్ధ సందేశాలు, నకిలీ వార్తలు షేర్ చేయడం మోసపూరిత లావాదేవీల్లో పాల్గొనడం తప్పుదారి పట్టించే సమాచారం వ్యాప్తి చేయడం చట్టవిరుద్ధ కంటెంట్‌ పంపడం
Details
వాట్సాప్ భద్రతా వ్యవస్థ
వాట్సాప్ మూడు అంచెల భద్రతా వ్యవస్థను అమలు చేస్తోంది 1.రిజిస్ట్రేషన్ సమయంలో ఖాతా ధృవీకరణ ఖాతా క్రియేట్‌ చేసే సమయంలో ధృవీకరించే ప్రక్రియ. 2. అనుమానాస్పద ఖాతాలను బ్లాక్ చేయడం స్పామ్ లేదా అనుమానాస్పద ప్రవర్తనను గుర్తించి ఖాతాను తక్షణమే బ్లాక్ చేస్తారు. 3. స్పామ్ సందేశాలను ట్రాక్ చేయడం పెద్ద సంఖ్యలో సందేశాలు పంపే ఖాతాలను ట్రాక్ చేసి నిలిపివేస్తారు. వినియోగదారులు ఒక ఖాతాను బ్లాక్ చేస్తే, వాట్సాప్ ఆ ఖాతాను నిశితంగా పరిశీలిస్తుంది
Details
మీ ఖాతా బ్లాక్ కాకుండా ఉండాలంటే
స్పామ్ లేదా బల్క్‌ మెసేజింగ్‌ పంపకండి తప్పుదారి పట్టించే లేదా నకిలీ సమాచారాన్ని వ్యాప్తి చేయొద్దు. చట్టవిరుద్ధమైన కంటెంట్‌ను షేర్ చేయడాన్ని నివారించండి. అనుమానాస్పద మెసేజ్ వస్తే వెంటనే అప్రమత్తం అవ్వండి. వాట్సాప్ భద్రతా నిబంధనలు ఉల్లంఘిస్తే ఖాతా నిలిపివేయబడే ప్రమాదం ఉంది.