OpenAI: కృత్రిమ మేధలో కొత్త యుగం.. ఓపెన్‌ఏఐ ఏఐ ఏజెంట్‌ సేవలు ప్రారంభం!
ఈ వార్తాకథనం ఏంటి
ఓపెన్‌ఏఐ ప్రపంచానికి చాట్‌జీపీటీని పరిచయం చేసి, ఏఐ సేవల్లో విప్లవాత్మక మార్పులు తీసుకొచ్చింది.
కృత్రిమ మేధను మరింత అభివృద్ధి చేసే దిశగా, తాజాగా 'ఏఐ ఏజెంట్‌' అనే కొత్త సదుపాయాన్ని అందుబాటులోకి తీసుకొచ్చింది.
వర్చువల్ సాయంగా మారే ఈ ఏఐ ఏజెంట్లు, వినియోగదారుల ప్రాంప్ట్‌ల ఆధారంగా ఆన్‌లైన్‌లో ఆటోమెటిక్‌గా పనులను నిర్వహించే సామర్థ్యాన్ని కలిగి ఉంటాయి.
ప్రస్తుతం ఈ సేవలు అమెరికాలో చాట్‌జీపీటీ ప్రో యూజర్లకు మాత్రమే అందుబాటులో ఉండగా, తాజాగా భారత్‌తో పాటు ఆస్ట్రేలియా, బ్రెజిల్, కెనడా, జపాన్, సింగపూర్, దక్షిణ కొరియా, యూకే దేశాల్లోనూ ఈ సేవలు ప్రారంభమయ్యాయి.
అయితే ఐరోపా దేశాల్లో ఈ సేవలు ఇంకా అందుబాటులోకి రాలేదని, త్వరలో అందించేందుకు సన్నాహాలు జరుగుతున్నాయని ఓపెన్‌ఏఐ వెల్లడించింది.
Details
కంప్యూటర్‌-యూజింగ్‌ ఏజెంట్‌ ఆధారంగా పనులు
ఈ ఏఐ ఏజెంట్‌ సంక్లిష్టమైన ఆన్‌లైన్‌ పనులను స్వతంత్రంగా నిర్వహించగలదు. ఇది 'కంప్యూటర్‌-యూజింగ్‌ ఏజెంట్‌' ఆధారంగా పని చేస్తుంది.
జీపీటీ-4o, o3 మోడళ్ల ఆధునిక నైపుణ్యాలతో రూపొందించిన ఈ ఏఐ, ప్రత్యేక బ్రౌజర్‌లో పని చేస్తుంది.
యూజర్లు ఇతర పనుల్లో నిమగ్నమై ఉన్నా, ఇది స్వతంత్రంగా పని చేయగలదు.
టెక్ట్స్‌, ఇమేజ్‌ తరహా ఇన్‌పుట్‌లను స్వీకరించి, లోపాలను సరిదిద్దడం, అనుకోని సవాళ్లను ఎదుర్కోవడం, ఉత్పాదకతను పెంచడం లాంటి పనులను సమర్థవంతంగా నిర్వహించగలదు.
Details
మానవుల ప్రమేయం అవసరం
ఓపెన్‌ఏఐ సీఈఓ శామ్‌ ఆల్ట్‌మన్‌ ఈ ఏఐ ఏజెంట్లు సాఫ్ట్‌వేర్ ఇంజినీర్లకు సాయంగా మారగలవని, వారికి కేటాయించిన పనులను సమర్థవంతంగా పూర్తి చేయగలవని తెలిపారు.
అయితే స్వతంత్రంగా ఆలోచించే సామర్థ్యం వీటికి లేదని, మానవుల ప్రమేయం అవసరమేనని స్పష్టం చేశారు.
దీర్ఘకాలంలో విజ్ఞానానికి సంబంధించిన అన్ని రంగాల్లో ఏఐ ఏజెంట్లు ప్రాముఖ్యత పొందుతాయని ఆయన అభిప్రాయపడ్డారు.