AI talent war: AI టాలెంట్ వార్.. మెటాకు మరో ఆపిల్ ఎగ్జిక్యూటివ్
ఈ వార్తాకథనం ఏంటి
ప్రస్తుతంలో కృత్రిమ మేధ నిపుణుల కోసం డిమాండ్ గణనీయంగా పెరిగింది. ఈ నిపుణులను తమ కంపెనీలలో చేరుస్తుకోవడానికి టెక్ సంస్థలు గట్టి పోటీ పడుతున్నాయి. ఇందులో మెటా (Meta) సంస్థ మరింత వేగంగా, దూకుడుగా ముందుకు వస్తోంది. తాజాగా, ఆపిల్ (Apple)లో ఒక కీలక ప్రాజెక్ట్ హెడ్గా పని చేస్తున్న కే యాంగ్ ఆ సంస్థను వీడనున్నారని వార్తలు చెబుతున్నాయి. ఆయన రాజీనామా చేసి మెటాలో చేరనున్నట్లు సమాచారం. ఈ వివరాలను బ్లూమ్‌బర్గ్ ఒక కథనంలో వెల్లడించింది. కే యాంగ్ ఇటీవలే యాపిల్‌లో ఆన్సర్‌, నాలెడ్జ్‌ అండ్‌ ఇన్ఫర్మేషన్ విభాగానికి హెడ్గా నియమితులయ్యారు. ఈ విభాగం, యాపిల్ పర్సనల్ అసిస్టెంట్ 'సిరి'ని అప్‌గ్రేడ్ చేయడానికి అత్యంత ముఖ్యమైన ప్రాజెక్ట్.
వివరాలు
మైక్రోసాఫ్ట్‌కి వెళ్లిన గూగుల్ డీప్‌మైండ్ ప్రాజెక్ట్‌లో పని చేస్తున్న 24 మంది ఇంజినీర్లు
ఈ సందర్భంలో ఆయన ఆ సంస్థను వీడుతున్నారని విశేషంగా చెప్పవచ్చు. ఇప్పటివరకు యాపిల్, మెటా లేదా కే యాంగ్ ఏవీ అధికారికంగా స్పందించలేదు. కే యాంగ్ లింక్డ్‌ఇన్ ప్రకారం 2019 నుండి యాపిల్‌లో పనిచేస్తున్నారు. కృత్రిమ మేధ నిపుణులను నిలబెట్టుకోవడం టెక్ సంస్థలకు పెద్ద సమస్యగా మారింది. కొద్దిరోజుల క్రితం గూగుల్ డీప్‌మైండ్ ప్రాజెక్ట్‌లో పని చేస్తున్న 24 మంది ఇంజినీర్లు, రీసెర్చర్లు భారీ ప్యాకేజీలతో మైక్రోసాఫ్ట్‌కి చేరారు. మెటా ఈ నియామకాల విషయంలో మరింత శక్తివంతంగా వ్యవహరిస్తోంది.కోట్ల రూపాయల ఆఫర్లు వేసి నిపుణులను తనకు ఆకర్షిస్తోంది. థింకింగ్ మెషీన్లను బిలియన్‌ డాలర్లకు కొనుగోలు చేసేందుకు ప్రయత్నించినప్పటికీ, వ్యవస్థాపకురాలు మీరా మురాటీ దానిని తిరస్కరించారు.
వివరాలు
మెటా కూడా ఏఐ రేసులో దూకుడుగా వ్యవహరిస్తోంది
దీంతో ఆ కంపెనీలోని 50 మంది కీలక ఉద్యోగులను తమ సంస్థలోకి లాగేసుకుంది. మెటా కూడా ఏఐ రేసులో దూకుడుగా వ్యవహరిస్తోంది. గూగుల్, మైక్రోసాఫ్ట్‌, ఓపెన్‌ఏఐ వంటి సంస్థల కీలక బృందాల ఇంజినీర్లకు భారీ ఆఫర్లు ఇస్తూ, టాప్ టాలెంట్ను ఆకర్షిస్తోంది. ఈ క్రమంలో కే యాంగ్‌ను కూడా తన బృందంలో చేరిస్తున్నట్లు తెలుస్తోంది.