Apple Fitness+: భారత్లోకి ఆపిల్ ఫిట్నెస్ ప్లస్ లాంచ్… ట్రైనర్తో వర్కౌట్లు, రియల్టైమ్ ట్రాకింగ్
ఈ వార్తాకథనం ఏంటి
ఆపిల్ తన ఫిట్నెస్, వెల్నెస్ సబ్స్క్రిప్షన్ సేవ **Apple Fitness+**ను భారత్లో అధికారికంగా ప్రారంభించింది. ఈ సేవ ద్వారా యూజర్లకు ట్రైనర్ల నేతృత్వంలో వర్కౌట్ వీడియోలు అందుబాటులో ఉంటాయి. వ్యాయామం చేస్తున్న సమయంలోనే రియల్ టైమ్లో హార్ట్రేట్, కాలరీలు వంటి వివరాలను ట్రాక్ చేసుకోవచ్చు. Apple Fitness యాప్ ద్వారా తమ ఫిట్నెస్ లక్ష్యాల వైపు ఎంత ముందుకు వెళ్తున్నారో కూడా తెలుసుకోవచ్చు. తాజా లాంచ్తో Apple Fitness+ ఇప్పుడు ప్రపంచవ్యాప్తంగా 49 దేశాల్లో అందుబాటులోకి వచ్చింది.
వివరాలు
సబ్స్క్రిప్షన్ ధరలు, ఫ్యామిలీ షేరింగ్ ఆప్షన్
Apple Fitness+ నెలకు రూ.149 లేదా సంవత్సరానికి రూ.999 సబ్స్క్రిప్షన్తో అందిస్తోంది. అయితే ఇది Apple One బండిల్లో మాత్రం లేదు. అంటే, యూజర్లు దీన్ని విడిగా సబ్స్క్రైబ్ చేసుకోవాల్సి ఉంటుంది. ఒక సబ్స్క్రిప్షన్ను ఐదుగురు కుటుంబ సభ్యులతో షేర్ చేసుకునే అవకాశం ఉంది. అలాగే, ఆపిల్ లేదా ఆపిల్ అధీకృత రిసెల్లర్ దగ్గర అర్హత కలిగిన Apple డివైస్ను కొత్తగా కొనుగోలు చేసే వారికి మూడు నెలల ఉచిత ట్రయల్ కూడా అందిస్తోంది.
వివరాలు
12 రకాల వర్కౌట్లు అందుబాటులో..
Apple Fitness+లో మొత్తం 12 రకాల యాక్టివిటీలు ఉన్నాయి. వీటిలో మెడిటేషన్, స్ట్రెంగ్త్ ట్రైనింగ్, యోగా, కిక్బాక్సింగ్, సైక్లింగ్, మైండ్ఫుల్ కూల్డౌన్ వంటి వర్కౌట్లు ఉన్నాయి. ఒక్కో సెషన్ ఐదు నిమిషాల నుంచి 45 నిమిషాల వరకు ఉంటుంది. ఈ సేవ ఐఫోన్తో పని చేస్తుంది. అంతేకాదు, Apple Watch లేదా AirPods Pro 3 వాడితే హార్ట్రేట్, ఖర్చైన కాలరీలు వంటి వివరాలను రియల్ టైమ్లో చూడవచ్చు.
వివరాలు
పర్సనలైజేషన్, Apple Music ఇంటిగ్రేషన్
Apple Fitness+ యాప్లో యూజర్లు తమకు నచ్చినట్లు వ్యాయామ ప్లాన్లను సెట్ చేసుకునే అవకాశం ఉంది. ముందే సిద్ధంగా ఉన్న ప్లాన్లను ఎంచుకోవచ్చు లేదా తాము ఇష్టపడే వర్కౌట్ టైప్, వ్యవధి, వారంలో రోజులు, ట్రైనర్ల ఆధారంగా కొత్త ప్లాన్ను తయారు చేసుకోవచ్చు. అదేవిధంగా, ఈ యాప్ Apple Musicతో అనుసంధానమై ఉంటుంది. వర్కౌట్ చేస్తూ హిప్-హాప్, ఆర్ అండ్ బీ, లాటిన్ గ్రూవ్స్ లాంటి ఎనర్జిటిక్ పాటలు వినొచ్చు.
వివరాలు
గైడెడ్ మెడిటేషన్, 'టైమ్ టు వాక్' ఫీచర్
వర్కౌట్లతో పాటు Apple Fitness+లో గైడెడ్ మెడిటేషన్ సెషన్లు కూడా ఉన్నాయి. ఇవి ముఖ్యంగా ప్రశాంతత, మంచి నిద్ర వంటి అంశాలపై దృష్టి పెడతాయి. ఐఫోన్, Apple Watchలో ఉన్న 'టైమ్ టు వాక్' ఫీచర్ ద్వారా నడక అలవాటును ప్రోత్సహించేలా రూపొందించారు. ఇందులో ప్రసిద్ధ వ్యక్తులు చెప్పే కథలు, ఫోటోలు, పాటలు ఉంటాయి. డ్యాడీ యాంకీ, కమిలా కబెల్లో, షాన్ మెండెస్ వంటి సెలబ్రిటీలు ఇందులో పాల్గొన్నారు.