iPhone 17 Pro Max: ఆపిల్ ఐఫోన్ 17 ప్రో మాక్స్ లీక్‌.. డిజైన్,ధర,కెమెరా ఫీచర్లు ఇవేనా..లాంచ్ ఎప్పుడంటే..?
ఈ వార్తాకథనం ఏంటి
అతి త్వరలో ఆపిల్ కొత్త ఐఫోన్ 17 సిరీస్‌ను విడుదల చేయబోతుంది. ఈ కొత్త లైనప్‌లో ముఖ్యంగా ఐఫోన్ 17 ప్రో మాక్స్ మోడల్‌ను లాంచ్ చేయనున్నారు. లీక్‌ డేటాను పరిశీలిస్తే, ఐఫోన్ 17 ప్రో మాక్స్ డిజైన్, ఫీచర్లు పాత మోడల్స్‌తో పోల్చితే మరింత ఆధునీకరించబడి, అప్‌గ్రేడ్‌లతో వస్తుందని అంచనా వేస్తున్నారు. ఐఫోన్ 17 అల్ట్రాగారీ బ్రాండ్‌ పేరుతో కూడా ఆవిర్భవించే అవకాశం ఉంది. రీడిజైన్ చేయబడిన బాడీతో పాటు, అద్భుతమైన కెమెరా సిస్టమ్‌తో ఈ ఫోన్ మార్కెట్లోకి రానుంది.
వివరాలు
లాంచ్ టైమ్‌లైన్ (అంచనా):
ఐఫోన్ 17,ఐఫోన్ 17 ఎయిర్,ఐఫోన్ 17 ప్రో, ఐఫోన్ 17 ప్రో మాక్స్ సెప్టెంబర్ 2025లో మార్కెట్లోకి విడుదల అయ్యే అవకాశముంది. అయితే,ఆపిల్ అధికారికంగా ఎటువంటి ఖచ్చితమైన విడుదల తేదీని ఇంకా ప్రకటించలేదు. ఫీచర్లు, స్పెసిఫికేషన్లు (అంచనా): ఐఫోన్ 17 ప్రో మాక్స్ 6.9 అంగుళాల సూపర్ రెటినా XDR డిస్‌ప్లేతో 120Hz రిఫ్రెష్ రేట్ కలిగి ఉంటుంది. దీనిలో ఆపిల్ A19 ప్రో చిప్ ఉండి,12GB RAM ఉండే అవకాశం ఉంది. ఈ ఫోన్ iOS19 ఆపరేటింగ్ సిస్టమ్‌తో విడుదల కానుందని అంచనా. ఫోటోగ్రఫీ పరంగా చూస్తే,48మెగాపిక్సెల్ ట్రిపుల్ బ్యాక్ కెమెరా సెటప్ ఇందులో ఉండబోతుంది. సెల్ఫీ, వీడియో కాల్స్ కోసం 24 మెగాపిక్సెల్ ఫ్రంట్ కెమెరా కూడా ఉంది.
వివరాలు
డిజైన్ (అంచనా):
ఫోన్ వేడి నియంత్రణ కోసం స్టీమ్ కూలింగ్ రూమ్ ఉండొచ్చని భావిస్తున్నారు. బ్యాటరీ పరంగా 4,685mAh సామర్థ్యం కలిగిన బ్యాటరీ ఇస్తారు. ఐఫోన్ 17 ప్రో మాక్స్‌లో పిక్సెల్-స్టయిల్ కెమెరా బార్ ఉండే అవకాశం ఉంది. LiDAR సెన్సార్, మైక్రోఫోన్, ఫ్లాష్‌ను సదరు బార్ సైడ్‌లో కలపవచ్చు. ఆపిల్ పాత టైటానియం ఫ్రేమ్ బదులుగా అల్యూమినియం ఫ్రేమ్ ఇవ్వొచ్చని అంచనా. భారతదేశంలో ధర (అంచనా): భారత మార్కెట్లో ఈ ఫోన్ ప్రారంభ ధర సుమారు రూ.1,44,900 గా ఉండే అవకాశముంది. లీక్‌ డేటా ఆధారంగా ధరలపై వివిధ అంచనాలు వెలువడుతున్నాయి.