Apple: ఆపిల్ సిరీని AI ఆధారిత చాట్బాట్గా మార్చేందుకు ప్లాన్
ఈ వార్తాకథనం ఏంటి
ఆపిల్ తన వర్చువల్ అసిస్టెంట్ సిరీని పెద్ద మార్పులు చేయడానికి ప్రయత్నిస్తున్నట్లు సమాచారం. బ్లూమ్ఘెర్గ్ పత్రిక రిపోర్ట్ ప్రకారం, యాపిల్ దీర్ఘకాలంగా ఉన్న డిజిటల్ అసిస్టెంట్ సిరీని అధునాతన AI చాట్బాట్గా మార్చే యోచనలో ఉంది. ఇది ఓపెన్ఏఐ ChatGPT, Google Gemini తరహా చాట్బాట్లలా పని చేయనుంది. ఈ మార్పు iOS 27, macOS 27లో మొదలవుతుందని అంచనా, ఇది ఆపిల్ AI వ్యూహంలో పెద్ద మార్పు అని చెప్పవచ్చు.
వివరాలు
కొత్త సిరీ: సంభాషణాత్మక AI
పునరావిష్కరించిన సిరీ, అంతర్గతంగా "Campos" అని పిలవబడుతోంది, iPhone, iPad, Macలో ప్రస్తుత సిరీ అనుభవాన్ని భర్తీ చేస్తుంది. వినియోగదారులు దీన్ని మునుపటి విధంగానే పిలుస్తారు, కానీ ఇంటరాక్షన్ మోడల్ పూర్తిగా వేరుగా ఉంటుంది. కొత్త సిరీ చాట్బాట్-స్టైల్ ఇంటర్ఫేస్ను అనుసరిస్తుంది, ఇది ChatGPT తరహా సంభాషణలు అందిస్తుంది. దీని ద్వారా ఒక సెషన్లో క్రమంగా ఇంతరాక్టివ్గా మాట్లాడగలిగే అవకాశం ఉంటుంది, ఇది గతంలో సిరీకి కష్టం గా ఉండేది.
వివరాలు
సమర్థతలు,ఇంటిగ్రేషన్
కొత్త సిరీ వెబ్ను సర్చ్ చేయడం, కంటెంట్ సృష్టించడం, ఇమేజులు తయారు చేయడం, సమాచారం సారాంశం చేయడం, అప్లోడ్ ఫైళ్ళను విశ్లేషించడం వంటి పనులు చేయగలదు. అలాగే, వ్యక్తిగత డేటాను మరింత సులభంగా వినియోగించగలుగుతుంది, అవసరమైన ఫైళ్లు లేదా సందేశాలను త్వరగా కనుగొని వాటి పై చర్యలు తీసుకోవచ్చు. సిరీ ఆపిల్ ప్రధాన యాప్లతో గాఢంగా ఇంటిగ్రేట్ చేయబడుతుంది. ఉదాహరణకు, ఫోటోలో ఉన్న అంశాల ఆధారంగా ఫోటోను కనుగొనడం లేదా రాబోయే క్యాలెండర్ ఈవెంట్ల ఆధారంగా ఇమెయిల్ డ్రాఫ్ట్ చేయడం వంటి పనులు సహజ భాషా కమాండ్లతో చేయగలుగుతుంది.
వివరాలు
AI అభివృద్ధిలో ఆపిల్ వ్యూహాత్మక మార్పు
సిరీ కోసం పూర్తిగా AI చాట్బాట్ను డెవలప్ చేయడం ఆపిల్ AI వ్యూహంలో పెద్ద మార్పు అని చెప్పవచ్చు. iOS 26లో యాపిల్ సిరీ మరియు Apple Intelligenceలో క్రమానుగత మార్పులపై దృష్టి పెట్టింది, కానీ ఆ మార్పులు ప్రస్తుత ఇంటర్ఫేస్తోనే ఉంటాయి, మెరుగైన ఇంటెలిజెన్స్ కోసం Google Gemini మోడల్స్ను ఆధారంగా తీసుకుంటాయి. మరింత విస్తృతమైన చాట్బాట్ Overhaul iOS 27 కోసం ఉద్దేశించబడింది.
వివరాలు
Gemini AI మోడల్ ఇంటిగ్రేషన్
కొత్త సిరీ చాట్బాట్ Google నుంచి వచ్చిన కస్టమ్ AI మోడల్ ద్వారా శక్తివంతం చేయబడుతుంది. Gemini ఆపిల్ రాబోయే AI ఫీచర్లను నడిపించడానికి భాగంగా ఉంది. యాపిల్ అంతర్గతంగా సిరీ చాట్బాట్ యాప్ను టెస్టింగ్ చేస్తోంది,కానీ వినియోగదారులకు ఆ ఆప్షన్ ఇవ్వాలని ప్రస్తుతంలో యోచించలేదు. దీని స్థానంలో, కొత్త చాట్బాట్ను యాపిల్ ప్రధాన యాప్లలో ఇంటిగ్రేట్ చేయడంపై దృష్టి పెట్టింది.