Apple Foldable iPhone:వచ్చే ఏడాది రిలీజ్ కానున్న ఆపిల్ మొదటి ఫోల్డబుల్ ఐఫోన్
ఈ వార్తాకథనం ఏంటి
బ్లూమ్‌బర్గ్ రిపోర్ట్ ప్రకారం, ఆపిల్ తన మొట్టమొదటి ఫోల్డబుల్ ఐఫోన్‌ను మార్కెట్లోకి తీసుకురావడానికి సిద్ధమవుతోంది. 'V68' అనే కోడ్‌నేమ్‌తో కనిపిస్తున్న ఈ డివైస్, శాంసంగ్ ఫోల్డబుల్ మోడళ్లలా బుక్-స్టైల్ ఫోల్డబుల్ ఫార్మాట్‌లో ఉంటుందని సమాచారం. ఇది తెరిచినప్పుడు టాబ్లెట్ సైజ్ స్క్రీన్‌ను అందిస్తుంది. ప్రొడక్షన్ ప్రారంభం 2026 ప్రారంభంలో ఉండగా, ఫాల్ సీజన్‌లో డిబ్యూట్ కానుంది. ఫోల్డబుల్ ఐఫోన్‌లో మొత్తం నాలుగు కెమెరాలు ఉంటాయి. వెనక్కి రెండు, కవర్ పై ఒకటి, లోపలి భాగంలో ఒకటి ఉంటాయి.
సవరణలు
ఫేస్ ఐడీ బదులు టచ్ ఐడీ:
ఫోల్డబుల్ ఐఫోన్ ఫేస్ ఐడీ బదులు, పాత ఐఫోన్ మోడళ్లను గుర్తుచేసే టచ్ ఐడీ ఫీచర్‌తో వస్తుంది. అలాగే, ఇది రాబోయే ఐఫోన్ ఎయిర్ లాగా eSIM మాత్రమే కలిగిన మోడల్ అవుతుంది. డివైస్‌లో ఆపిల్ ఇన్-హౌస్ తయారైన మొట్టమొదటి సెల్యులర్ మోడమ్, 'C2 చిప్' ఉంటుందని చెప్పబడింది. ఇది క్వాల్కమ్ తాజా చిప్‌లతో పోటీ పడే సామర్థ్యం కలిగినదని సమాచారం. ఈ మోడమ్ అదే సమయంలో iPhone 18 Pro సిరీస్‌ను కూడా పవర్ చేస్తుంది.
సాంకేతిక మార్పు
డిస్ప్లే టెక్నాలజీ మార్పు:
ఫోల్డబుల్ ఐఫోన్ కోసం ఆపిల్ ఇటీవల డిస్ప్లే టెక్నాలజీ వ్యూహాన్ని మార్చింది. ప్రారంభంలో 'ఆన్-సెల్ టచ్ సెన్సార్లు' వాడాలని యోచించినప్పటికీ, ఎయిర్ గ్యాప్‌లు,మడతల స్పష్టత సమస్యలను దృష్టిలో ఉంచుకుని, 'ఇన్-సెల్ టచ్ స్క్రీన్'కు మారారు. ఇది సాధారణ ఐఫోన్‌లలో ఇప్పటికే ఉపయోగంలో ఉంది. దీని వలన మడతల స్పష్టత తగ్గి, టచ్ సెన్సిటివిటీ మెరుగవుతుంది. ప్రస్తుతం పరీక్షలలో ఉన్న రంగులు కేవలం బ్లాక్ మరియు వైట్ మాత్రమే, అయితే లాంచ్ కు ముందు కొత్త రంగులు కూడా చేర్చవచ్చని భావిస్తున్నారు.