Apple: ఆపిల్ వాచ్ సిరీస్ 10 ప్రారంభం.. ధర, ఫీచర్లు ఎలా ఉన్నాయంటే..?
ఆపిల్ అభిమానులు ఎంతో ఆత్రుతగా ఎదురుచూసిన ఆపిల్ గ్లోటైమ్ ఈవెంట్ ప్రారంభమైంది. ఈ ఈవెంట్‌లో ఆపిల్ సీఈఓ టిమ్ కుక్, కొత్త ఆపిల్ వాచ్ 10ను ప్రవేశపెట్టారు.ఈ కొత్త ఆపిల్ వాచ్ అత్యంత సన్నని డిజైన్‌తో భారీ స్క్రీన్‌లతో వస్తోంది. ఇప్పుడు, ఆపిల్ వాచ్ సిరీస్ 10 ఫీచర్ల గురించి పూర్తిగా తెలుసుకుందాం. కొత్త ఆపిల్ వాచ్ సిరీస్ 10లో,సిరీస్ 9తో పోలిస్తే 10 శాతం సన్నని 9.7 మిల్లీమీటర్ల మందంతో,40 శాతం అధిక బ్రైట్‌నెస్ కలిగిన వైడ్ యాంగిల్ OLED స్క్రీన్ ఉంది. ఇది ఆపిల్ వాచ్‌ల్లో ఇప్పటివరకు ఉన్న అతిపెద్ద స్క్రీన్,వినియోగదారులకు మెసేజ్‌లను పంపడం, ఈ-మెయిల్‌లను చెక్ చేయడం వంటి పనులు సులభంగా చేయడం కూడా ఈ సిరీస్ ప్రత్యేకత.
స్లీప్ అప్నియా వంటి ఆరోగ్య సమస్యలను గుర్తించగలదు
ఆపిల్ వాచ్ 10వ వెర్షన్ దాదాపు 10 సంవత్సరాల తరువాత స్మార్ట్‌వాచ్‌లోని అప్‌డేట్లను సూచిస్తుంది. మొదట్లో ఈ వాచ్‌ను ఫ్యాషన్ యాక్సెసరీగా ప్రమోట్ చేసినా, ఇప్పుడు హెల్త్, ఫిట్‌నెస్ సాధనంగా మారింది. కొత్త సిరీస్‌లో ఫోన్ కాల్స్ కోసం "డబుల్ ట్యాప్" గెచర్, బ్రైట్‌నెస్ స్క్రీన్, S9 SiP (ప్యాకేజీలో సిస్టమ్) వంటి ఆధునిక ఫీచర్లు ఉన్నాయి. అలాగే, సిరి రిక్వెస్టులను సులభంగా ప్రాసెస్ చేయగలదు. అంతేకాకుండా, స్లీప్ అప్నియా వంటి ఆరోగ్య సమస్యలను గుర్తించగలదు. స్లీప్ ట్రాకింగ్ ఫీచర్ ఆధారంగా, ఆపిల్ వాచ్ వినియోగదారుల నిద్ర వ్యవహారాన్ని పర్యవేక్షించగలదు. ఇది 30 నిమిషాల్లో 80 శాతం ఛార్జ్ అయ్యే ఫాస్ట్ ఛార్జింగ్ ఫీచర్‌ను కలిగి ఉంది.
$399 నుండి ప్రారంభం
ఈ సిరీస్ 10లోని మోడల్స్ నీటి నిరోధకత కలిగి ఉండి, 20 మీటర్ల లోతులో కూడా హై-స్పీడ్ వాటర్ స్పోర్ట్స్‌కు అనుకూలంగా ఉంటాయి. సిరీస్ 10 మోడల్స్ స్టెయిన్‌లెస్ స్టీల్, టైటానియం మెటీరియల్స్‌తో లభిస్తాయి. ఈ నెల 20న ఆపిల్ వాచ్ సిరీస్ 10 అధికారికంగా అందుబాటులోకి రానుంది, సెప్టెంబర్ 9నుండి ప్రీ-ఆర్డర్స్ ప్రారంభం కానున్నాయి. ఈ వాచ్ జీపీఎస్ 44ఎమ్ఎమ్ వెర్షన్ ధర 399 డాలర్లు (సుమారు రూ. 33,498) ఉండగా, జీపీఎస్ ప్లస్ సెల్యులార్ వెర్షన్ ధర 499 డాలర్లు (సుమారు రూ. 41,894) గా ఉంది. ఆపిల్ వాచ్ సిరీస్ 10 ప్రీ-ఆర్డర్‌లు సెప్టెంబర్ 9 నుండి మొదలవుతాయి, అధికారికంగా సెప్టెంబర్ 20న మార్కెట్లో విడుదల అవుతుంది.
