Apple: iOS 27లో మీకు నచ్చిన AI ఎంచుకునే అవకాశం.. ఆపిల్ కీలక నిర్ణయం
ఈ వార్తాకథనం ఏంటి
ఆపిల్ కంపెనీ యూజర్లకు పెద్ద గుడ్ న్యూస్ ఇవ్వబోతోంది. ఇకపై ఆపిల్ డివైస్లలో ఏ ఆర్టిఫిషియల్ ఇంటెలిజెన్స్ (AI) ఉపయోగించాలో యూజర్లే ఎంచుకునే అవకాశం ఇవ్వబోతోంది. ఈ ఫీచర్ iOS 27, iPadOS 27, macOS 27 అప్డేట్స్తో అందుబాటులోకి రానుంది. ఈ అప్డేట్స్ ఈ ఏడాది ఫాల్ సీజన్లో విడుదలయ్యే అవకాశం ఉంది. అదే సమయంలో iPhone 18 Pro మోడల్స్తో పాటు కంపెనీ తొలి ఫోల్డబుల్ ఫోన్ iPhone Ultra కూడా మార్కెట్లోకి రానుంది. ఈ కొత్త అప్డేట్లో థర్డ్ పార్టీ చాట్బాట్స్ కూడా ఆపిల్ ఇంటెలిజెన్స్ ఫీచర్లకు సపోర్ట్ ఇస్తాయి. అంటే Siri, Writing Tools, Image Playground వంటి ఫీచర్లలో ఇతర AI మోడల్స్ ఉపయోగించుకోవచ్చు.
వివరాలు
వేర్వేరు AI మోడల్స్కు వేర్వేరు Siri వాయిస్లు ఎంచుకునే అవకాశం
"Extensions" అనే పేరుతో వచ్చే ఈ AI మోడల్స్ను యూజర్లు App Storeలో ఉన్న యాప్స్ ద్వారా సెలెక్ట్ చేసుకోవచ్చు. ఒకసారి యాప్ ఇన్స్టాల్ చేసిన తర్వాత Settingsలోకి వెళ్లి మీకు నచ్చిన AIని డిఫాల్ట్గా పెట్టుకోవచ్చు. ఇంకా ఆసక్తికరమైన విషయం ఏమిటంటే, వేర్వేరు AI మోడల్స్కు వేర్వేరు Siri వాయిస్లను కూడా ఎంచుకునే అవకాశం ఇస్తోంది ఆపిల్. ఉదాహరణకు ఒక AI మోడల్ ఒక వాయిస్లో స్పందిస్తే, ChatGPT ద్వారా నడిచే Siri మరో వాయిస్లో మాట్లాడే అవకాశం ఉంటుంది. అంతేకాదు, ఆపిల్ ఇప్పటికే Google, Anthropic AI మోడల్స్తో కూడా ఇంటిగ్రేషన్ పరీక్షలు నిర్వహిస్తోంది.
వివరాలు
ఇతర టెక్ కంపెనీలకు భిన్నంగా ఆపిల్ స్ట్రాటజీ
AI రంగంలో ఆధిపత్యం సాధించేందుకు ఆపిల్ తీసుకుంటున్న స్ట్రాటజీ ఇతర టెక్ కంపెనీలకు భిన్నంగా ఉంది. తాము ఒక్కటే బెస్ట్ AI తయారు చేయడం కాకుండా, యూజర్లకు ఎన్నో ఎంపికలు ఇవ్వడంపై దృష్టి పెట్టింది. ఈ అప్డేట్తో పాటు Siriకి కొత్త యాప్, కెమెరాలో Siri మోడ్, ఫోటో ఎడిటింగ్ టూల్స్ అప్డేట్, Wallet యాప్లో కస్టమ్ పాస్ క్రియేషన్ వంటి ఫీచర్లు కూడా రానున్నాయి.