భారతదేశంలో అందుబాటులోకి వచ్చిన GPT-4తో ChatGPT ప్లస్
OpenAI ఫిబ్రవరిలో, కంపెనీ అనేక ప్రయోజనాలతో చాట్‌బాట్ ప్రీమియం వెర్షన్, ChatGPT ప్లస్‌ను పరిచయం చేసింది. OpenAI ఇప్పుడు భారతదేశంలో ChatGPT ప్లస్ అందుబాటులోకి తెస్తున్నట్లు ప్రకటించింది. ప్రపంచంలో ChatGPT వినియోగదారులలో రెండవ స్థానంలో ఉన్నారు భారతీయులు. భారతదేశంలో ChatGPT ప్లస్ ధర $20 (దాదాపు రూ. 1,650). ఇప్పటికే చాట్‌బాట్ కు 100 మిలియన్లకు పైగా వినియోగదారులు ఉన్నారు. ChatGPT, ChatGPT ప్లస్ రెండూ ఒకే సేవను అందిస్తాయి, అయితే ప్రీమియం వెర్షన్‌లో అదనపు ఫీచర్లు ఉన్నాయి. ప్రీమియం వినియోగదారులు కొత్త ఫీచర్లకు ప్రాధాన్యత యాక్సెస్‌ను కూడా పొందుతారు. ఆఫర్‌లో ఉన్న అదనపు ఫీచర్‌లతో పాటు, OpenAI ఈ వారం ప్రారంభంలో (LLM), GPT-4ని విడుదల చేసింది. ఇది ChatGPT ప్లస్ సబ్‌స్క్రైబర్‌లకు మాత్రమే అందుబాటులో ఉంటుంది.
సబ్స్క్రిప్షన్ కోసం కార్డు ద్వారా మాత్రమే చెల్లించాలి
ChatGPT ప్లస్ సబ్‌స్క్రైబర్‌లకు అన్ని సమయాల్లో కూడా చాట్‌బాట్‌కి యాక్సెస్‌ ఉంటుంది. ChatGPT ప్లస్ ధర ఇతర దేశాలతో సమానంగా భారతదేశంలో ఉంది. అయితే, ఎక్కువ వినియోగదారులకు చేరుకునేలా తక్కువ-ధర ప్లాన్ ఆప్షన్ల కోసం అన్వేషిస్తున్నట్లు కంపెనీ ఒక బ్లాగ్ పోస్ట్‌లో పేర్కొంది. ChatGPT ప్లస్‌కు సభ్యత్వం పొందడానికి, https://chat.openai.com/chatకి వెళ్ళాలి. ఇప్పటికే సభ్యులు కాకపోతే సైన్ అప్ చేయాలి. లాగిన్ అయిన తర్వాత, ఎడమ వైపు మెను బార్‌లో 'Upgrade to Plusని క్లిక్ చేయాలి. తర్వాత వివరాలను నమోదు చేయచ్చు. కార్డు ద్వారా మాత్రమే చెల్లించగలరు. GSTతో, మొత్తం ధర $23.60 (దాదాపు రూ. 1,950) ఉంటుంది.
