Google Notebook : నోట్స్ నుంచి నేరుగా క్లాస్.. గూగుల్ నోట్బుక్లో సంచలన ఫీచర్
ఈ వార్తాకథనం ఏంటి
గూగుల్ తన ఆర్టిఫిషియల్ ఇంటెలిజెన్స్ ఆధారిత ప్లాట్ఫామ్ 'నోట్బుక్ ఎల్ఎం' (NotebookLM)లో మరో కీలక ఫీచర్ను ప్రవేశపెట్టింది. ఇప్పటివరకు వినియోగదారులు అప్లోడ్ చేసిన ఫైళ్లను ఇద్దరు వ్యక్తులు చర్చించుకునే పాడ్కాస్ట్ స్టైల్ ఆడియోగా మార్చే సౌకర్యం అందుబాటులో ఉండేది. తాజాగా దానికి మరింత మెరుగైన రూపం ఇస్తూ క్లాస్రూమ్ లెక్చర్లా వినిపించే 'లెక్చర్ మోడ్'ను గూగుల్ పరిచయం చేసింది. ఈ లెక్చర్ మోడ్ వెనుక ఉన్న ప్రధాన ఉద్దేశం స్పష్టమే. పాడ్కాస్ట్ ఫార్మాట్ వినడానికి సరదాగా ఉన్నప్పటికీ, విద్యార్థులు లేదా ప్రొఫెషనల్స్ ఏదైనా అంశాన్ని లోతుగా, క్రమపద్ధతిలో అర్థం చేసుకోవాలంటే ఒక లెక్చర్ తరహా వివరణ అవసరం.
Details
లెక్చర్ మోడ్ ప్రత్యేకతలు ఇలా ఉన్నాయి
అందుకే నోట్బుక్ ఎల్ఎంలోని ఈ కొత్త మోడ్, యూజర్లు ఇచ్చిన సమాచారాన్ని ఒక ఉపాధ్యాయుడు తరగతిలో పాఠం చెబుతున్నట్లుగా ఆడియో రూపంలోకి మారుస్తుంది. ఆడియో నిడివి ఎంపిక వినియోగదారులు తమకు అనుకూలంగా ఆడియో వ్యవధిని ఎంచుకునే అవకాశం ఉంది. Short (తక్కువ), Default (సాధారణ), Long (ఎక్కువ) అనే మూడు ఆప్షన్లు అందుబాటులో ఉన్నాయి. 'లాంగ్' మోడ్ను ఎంపిక చేస్తే, సుమారు 30 నిమిషాల పాటు ఒకే స్వరంతో (Single Voice) గంభీరంగా పాఠాన్ని వివరిస్తుంది.
Details
బ్రిటిష్ యాక్సెంట్
తాజా నివేదికల ప్రకారం, ఈ లెక్చర్లను మరింత అధికారికంగా, స్పష్టంగా వినిపించేలా బ్రిటిష్ యాక్సెంట్ను కూడా గూగుల్ అందుబాటులోకి తీసుకురానుంది. దీనివల్ల ఆడియో ఒక అకడమిక్ లెక్చర్ లేదా నిపుణుడు వివరిస్తున్నట్లుగా అనిపిస్తుంది. నిశ్శబ్దమైన అభ్యాసం (Passive Learning) ఈ మోడ్లో అనవసరమైన సంభాషణలు, హాస్యం లేదా మధ్యలో తడబాట్లు ఉండవు. ప్రశాంతమైన, స్థిరమైన స్వరంతో నేరుగా విషయాన్ని వివరిస్తుంది. ప్రయాణాల్లో ఉన్నప్పుడు లేదా ఇతర పనులు చేస్తూనే కొత్త విషయాలు నేర్చుకోవాలనుకునే వారికి ఇది ఎంతో ఉపయోగకరం.
Details
ఇది ఎలా పనిచేస్తుందంటే..?
వినియోగదారులు తమ వద్ద ఉన్న PDF ఫైళ్లు, గూగుల్ డాక్స్ లేదా వెబ్సైట్ లింకులను నోట్బుక్ ఎల్ఎంలో అప్లోడ్ చేసి, 'లెక్చర్ మోడ్'ను ఎంపిక చేయాలి. వెంటనే ఏఐ ఆ సమాచారాన్ని విశ్లేషించి, ఒక క్రమబద్ధమైన పాఠంలా ఆడియోగా రూపొందిస్తుంది. డిజిటల్ విద్యా రంగంలో గూగుల్ తీసుకొచ్చిన ఈ కొత్త మార్పు, నోట్స్ రాసుకోవడం కంటే వినడం ద్వారా నేర్చుకునే వారికి ఒక గొప్ప అవకాశంగా మారనుంది. చదువుతో పాటు వినే అభ్యాసాన్ని ప్రోత్సహించే ఈ ఫీచర్ భవిష్యత్తులో విద్యా విధానాన్ని మరింత సులభతరం చేయనుందని విశ్లేషకులు అభిప్రాయపడుతున్నారు.