Apple: అమ్మకాల్లో నిరాశ.. యాపిల్‌ నెక్స్ట్‌ మోడల్ నిలిపివేత!
ఈ వార్తాకథనం ఏంటి
ప్రపంచ టెక్‌ దిగ్గజం యాపిల్‌ (Apple) వెనుకడుగు వేసింది. 2025లో విడుదలైన 'ఐఫోన్‌ ఎయిర్‌' (iPhone Air) అమ్మకాలు అంచనాలకు తగ్గట్లేకపోవడంతో, కంపెనీ తదుపరి తరం ఐఫోన్‌ ఎయిర్‌ విడుదలను వాయిదా వేసినట్లు సమాచారం. 2026 విడుదల చేయాలనే ప్రణాళికలను యాపిల్‌ తాత్కాలికంగా నిలిపివేసిందని 'ది ఇన్‌ఫర్మేషన్‌' పత్రిక సోమవారం నివేదించింది.
Details
తేలికైన డిజైన్‌.. కానీ ఆకర్షణ కోల్పోయిన మోడల్
యాపిల్‌ 2025లో పరిచయం చేసిన ఐఫోన్‌ ఎయిర్‌ను కంపెనీ ఫ్లాగ్‌షిప్‌ స్మార్ట్‌ఫోన్‌లలో అత్యంత స్లిమ్‌, తేలికైన మోడల్‌గా రూపొందించింది. అయితే చిన్న బ్యాటరీ కెపాసిటీ, తగ్గించిన కెమెరా ఫీచర్లు వినియోగదారులను ఆకట్టుకోలేకపోయాయి. మార్కెట్‌ విశ్లేషకుల ప్రకారం డిజైన్‌ సొగసుగా ఉన్నప్పటికీ, వినియోగదారులు ఫీచర్లలో రాజీ పడటానికి ఇష్టపడలేదని పేర్కొన్నారు. యాపిల్‌ సాధారణంగా ప్రతేడాది కొత్త మోడల్‌ను విడుదల చేసే వ్యూహాన్ని అనుసరిస్తూ వస్తుంది. అయితే ఈసారి ఎయిర్‌ మోడల్ విక్రయాలు నిరాశ కలిగించడంతో కంపెనీ వ్యూహంలో మార్పులు చేయాల్సి వచ్చింది.
Details
చైనాలో నియంత్రణా అవరోధాలు
ఐఫోన్‌ ఎయిర్‌ చైనా మార్కెట్లో మరో సవాల్‌ ఎదుర్కొంది. ఈ మోడల్‌ను యాపిల్‌ eSIM మాత్రమే ఉన్న వెర్షన్‌గా విడుదల చేసింది. ఫిజికల్‌ సిమ్‌ ట్రే లేకపోవడంతో స్థానిక టెలికాం సంస్థల అనుమతుల కోసం వేచి చూడాల్సి వచ్చింది. దీంతో చైనాలో ప్రీ-ఆర్డర్లు ఆలస్యమయ్యాయి. ఇది యాపిల్‌ ఫుల్‌ డిజిటల్‌ కనెక్టివిటీ వైపు తీసుకుంటున్న ముందడుగే అయినా, **చైనా నియంత్రణా ప్రక్రియలు మార్కెట్లో దెబ్బతీశాయి.
Details
ఐఫోన్‌ ఎయిర్‌ ప్రధాన ఫీచర్లు
డిస్‌ప్లే: 6.5 అంగుళాల ProMotion 120Hz Super Retina XDR బ్రైట్‌నెస్‌: గరిష్ఠంగా 3,000 nits, మెరుగైన అవుట్‌డోర్‌ విజిబిలిటీ రక్షణ: కొత్త Ceramic Shield 2 గ్లాస్‌ — 3 రెట్లు ఎక్కువ స్క్రాచ్‌ రెసిస్టెన్స్‌ ప్రాసెసర్‌: A19 Pro చిప్‌ (iPhone 17 Pro మాదిరిగా), 6-core CPU + 5-core GPU AI పనితీరు: పూర్వతరం కంటే మూడు రెట్లు వేగంగా న్యూరల్‌ ప్రాసెసింగ్‌ కెమెరా: 48MP సింగిల్‌ రియర్‌ లెన్స్‌, 2x ఆప్టికల్‌ టెలిఫోటో జూమ్‌ సెల్ఫీ కెమెరా: 18MP ఆటోఫోకస్‌ ఫ్రంట్‌ కెమెరా
Details
అమ్మకాలు దెబ్బతినడంతో వ్యూహం మార్పు
సాంకేతికంగా అత్యుత్తమ ఫీచర్లు ఉన్నప్పటికీ తక్కువ బ్యాటరీ సామర్థ్యం, కెమెరా పరిమితులు, eSIM సమస్యలు ఇవన్నీ కలసి ఈ మోడల్ మార్కెట్‌ ప్రదర్శనను దెబ్బతీశాయి. ఇందువల్ల యాపిల్‌ తన తదుపరి ఐఫోన్‌ ఎయిర్‌ విడుదలను కనీసం ఒక సంవత్సరం వెనక్కి జరిపే అవకాశం ఉందని పరిశ్రమ వర్గాలు అంచనా వేస్తున్నాయి. యాపిల్‌ తేలికపాటి ఫోన్లను పరిచయం చేయడం వినూత్న ఆలోచనే అయినప్పటికీ, మార్కెట్‌ వినియోగదారులు బ్యాటరీ, కెమెరా ఫీచర్లకు ప్రాధాన్యత ఇస్తారు. ఆ అంశాల్లో ఎయిర్‌ వెనుకబడిందని టెక్‌ అనలిస్ట్‌ జోసెఫ్‌ హార్వే పేర్కొన్నారు. .