Einstein's theory: ఐన్ స్టీన్ సిద్ధాంతాన్ని సవాలు చేస్తూ.. కొత్తరకమైన బ్లాక్ హోల్స్ గుర్తించిన శాస్త్రవేత్తలు
ఈ వార్తాకథనం ఏంటి
బ్లాక్ హోల్స్ అనేవి విశ్వంలో అత్యంత రహస్యమైన గ్రహాంతర రాక్షసాలు. వీటి నుంచి కాంతి కూడా బయటపడదు. ఇటీవల విడుదలైన ఎం-87 (M87), మన గెలాక్సీ అయిన మిల్కీ వేయ్‌ మధ్యలో ఉన్న బ్లాక్ హోల్ చిత్రాలు శాస్త్రవేత్తలను ఆశ్చర్యపరిచాయి. ఇవి ఈవెంట్ హొరైజన్ టెలిస్కోప్ (EHT) సహకార బృందం సేకరించిన విప్లవాత్మక దృశ్యాలు.
వివరాలు
ఐన్ స్టీన్ సిద్ధాంతాన్ని పరీక్షించడానికి కొత్త మార్గం
భౌతిక శాస్త్రవేత్తలు ఇప్పుడు బ్లాక్ హోల్స్ నీడల ఆకారాన్ని మరింత ఖచ్చితంగా పరిశీలించే కొత్త పద్ధతి రూపొందించారు. దీని ద్వారా ఐన్‌స్టీన్ ప్రతిపాదించిన "సాధారణ సాపేక్షతా సిద్ధాంతం" ఇతర గరవిత్త్య సిద్దాంతాలతో పోలుస్తున్నారు. బ్లాక్ హోల్స్ చుట్టు ఉన్న అత్యంత విచిత్రమైన పరిస్థితుల్లో కొత్త భౌతిక శాస్త్ర అంశాలు వెలుగులోకి వచ్చే అవకాశం ఉందని పరిశోధకులు భావిస్తున్నారు.
వివరాలు
ఎక్కడ పరిశోధన జరిగింది?
ఈ అధ్యయనం జర్మనీలోని గ్యోథే విశ్వవిద్యాలయం, ఫ్రాంక్‌ఫర్ట్ లో జరిగింది. ఇందులో చైనా, షాంఘైలోని Tsung-Dao Lee Institute కు చెందిన శాస్త్రవేత్తలు కూడా కీలకంగా పనిచేశారు. ఈ పరిశోధన ఫలితాలు తాజాగా "నేచర్ ఆస్ట్రానమీ" అనే ప్రతిష్ఠాత్మక జర్నల్‌లో ప్రచురించారు. ఈ గ్లోబల్ రీసర్చ్ టీమ్‌లో ఖగోళశాస్త్రం, కంప్యూటేషన్, సిద్ధాంత భౌతిక శాస్త్ర నిపుణులు కలిసి పనిచేయడం విశేషం. ఇది బ్లాక్ హోల్స్‌పై ఉన్న ఆసక్తి ప్రపంచవ్యాప్తంగా ఎంత కీలకమో మరోసారి నిరూపించింది.
వివరాలు
శాస్త్రవేత్తలు ఏమి కనుగొన్నారు?
పరిశోధకులు కంప్యూటర్ సాయంతో బ్లాక్ హోల్స్ చుట్టూ ఉన్న పదార్ధం, చుంభక క్షేత్రాలు ఎలా ఉండబోతాయో 3D మోడల్స్ రూపంలో తీర్చిదిద్దారు. అలాగే, వేరువేరు గురుత్వ ఆకర్షణ సిద్ధాంతాల ప్రకారం బ్లాక్ హోల్ నీడలు ఎలా కనిపిస్తాయో కూడా "కృత్రిమ చిత్రాల" రూపంలో రూపొందించారు. ఈ నూతన పద్ధతి ద్వారా ప్రస్తుతం ఉన్న టెలిస్కోపులు గుర్తించలేని చిన్న చిన్న భేదాలు కూడా భవిష్యత్తులో గుర్తించే అవకాశం ఉంది. ప్రస్తుతం లభించిన ఈవెంట్ హొరైజన్ టెలిస్కోప్ చిత్రాలు ఐన్‌స్టీన్ సిద్దాంతానికి అనుకూలంగానే ఉన్నప్పటికీ, "వింత బ్లాక్ హోల్స్" వంటి ఇతర సిద్దాంతాలు కూడా ఇంకా పూర్తిగా తప్పు కాలేదని శాస్త్రవేత్తలు చెబుతున్నారు.
వివరాలు
కొత్త టెలిస్కోపులు అవసరం
ఇక ముందు బ్లాక్ హోల్స్ నీడలను ఇంకా ఎక్కువ స్పష్టంగా చూడాలంటే అధిక తీక్షణత కలిగిన కొత్త టెలిస్కోపులు అవసరం. అందుకనే EHT ప్రాజెక్ట్‌లోకి మరిన్ని భూమిపై,అంతరిక్షంలో టెలిస్కోపులను చేర్చే ప్రణాళిక ముందుంది. ఈ కొత్త పరికరాలతో బ్లాక్ హోల్స్ వైవిధ్యాన్ని సిద్ధాంతాల ఆధారంగా స్పష్టంగా వేరు చేయవచ్చు. ఈ రాబోయే పరిశోధనలు కొన్ని గురుత్వాకర్షణ సిద్ధాంతాలను పూర్తిగా నిర్ధారించే అవకాశం ఉంది. అదే సమయంలో, కొన్ని ఇతర సిద్ధాంతాలను పూర్తిగా ఖండించే పరిస్థితి కూడా రావచ్చు. మొత్తానికి.. అత్యంత తీవ్రమైన పరిస్థితుల్లో భౌతిక శాస్త్ర నియమాలను పరీక్షించడానికి బ్లాక్ హోల్స్ భవిష్యత్తులో ప్రధాన ప్రయోగశాలలవుతున్నాయి.