Elon Musk: ఎక్స్‌లో లైక్ బటన్ నొక్కితే చాలు.. పోస్టు చేసిన వారికి ఒక డాలర్ పంపొచ్చు!
ఈ వార్తాకథనం ఏంటి
సోషల్ మీడియా వేదిక ఎక్స్‌లో మరో కొత్త ఫీచర్ అందుబాటులోకి రానుంది. పోస్టులకు లైక్ చేయడంతోపాటు వాటిని ప్రచురించిన వారికి నేరుగా డబ్బులు పంపే సదుపాయాన్ని తీసుకొచ్చేందుకు సంస్థ యోచిస్తోంది. ఈ విషయాన్ని ఎక్స్ అధినేత ఎలాన్ మస్క్ అక్టోబర్ 25న ప్రకటించారు. లైక్ బటన్‌ను కొద్దిసేపు నొక్కి ఉంచడం (లాంగ్ ప్రెస్) ద్వారా సంబంధిత పోస్టును ప్రచురించిన వారికి ఒక డాలర్ పంపవచ్చని ఆయన వెల్లడించారు. ఈ ఫీచర్ అందుబాటులోకి వస్తే కంటెంట్ క్రియేటర్లకు టిప్స్ ఇవ్వడంతోపాటు, నచ్చిన పోస్టులు పెట్టే వారికి ఆర్థికంగా మద్దతు అందించే అవకాశం ఉంటుంది. ప్రస్తుతం ఎక్స్‌లో వినియోగదారులు పోస్టులకు లైక్ చేయడం, కామెంట్లు పెట్టడం, షేర్ చేయడం ద్వారా తమ స్పందనను తెలియజేస్తున్నారు.
వివరాలు
1 డాలర్ టిప్ ఎలా పనిచేస్తుందంటే..
కొత్త సదుపాయంతో నేరుగా నగదు పంపే అవకాశం కూడా లభించనుంది.
ప్రత్యేకంగా చెల్లింపుల కోసం మరో బటన్‌ను ఉపయోగించాల్సిన అవసరం లేకుండా, లైక్ బటన్‌తోనే డబ్బులు పంపవచ్చనేది ఈ ఫీచర్‌లోని ముఖ్యమైన అంశం.
అమెరికాలో ఎక్స్ మనీ సేవలు ఇప్పటికే అధికారికంగా ప్రారంభమయ్యాయి.
వీటి ద్వారా వినియోగదారులు ఒకరి నుంచి మరొకరికి డబ్బులు బదిలీ చేసుకోవచ్చు.
అంతేకాకుండా, ఎక్స్ వీసా డెబిట్ కార్డు ద్వారా డిజిటల్ చెల్లింపులు కూడా చేయవచ్చు.
అయితే, ఈ సేవలను ఉపయోగించుకోవడానికి నిర్దిష్ట అర్హత ప్రమాణాలను పాటించాల్సి ఉంటుంది.
వివరాలు
1 డాలర్ టిప్ ఎలా పనిచేస్తుందంటే..
ఎక్స్ మనీ ద్వారా పోస్టులకు లైక్ ఇచ్చే సమయంలో సాధారణ లైక్ బటన్‌ను కొద్దిసేపు నొక్కి ఉంచితే, ఆ పోస్టును ప్రచురించిన వ్యక్తికి ఒక డాలర్ టిప్‌గా పంపే సదుపాయాన్ని తీసుకురావాలని ప్రతిపాదించారు.
అయితే, ఈ ఫీచర్ పూర్తిస్థాయిలో ఎప్పటి నుంచి అందుబాటులోకి వస్తుంది? దీనిని ఎవరెవరు ఉపయోగించుకోవచ్చు? అనే విషయాలపై ఎక్స్ ఇంకా స్పష్టత ఇవ్వలేదు.
ప్రస్తుతం ఎక్స్ మనీ సేవలు అమెరికాకే పరిమితమయ్యాయి. భారత్‌లో ఈ సేవలను ఎప్పుడు ప్రారంభిస్తారనే దానిపై సంస్థ ఎలాంటి అధికారిక ప్రకటన చేయలేదు.
ట్విట్టర్ పోస్ట్ చేయండి
ఎలాన్ మస్క్ చేసిన ట్వీట్
We’re adding long press on like to send someone $1 via 𝕏 Money
— Elon Musk (@elonmusk) October 25, 2026