ocean subsea research: 40 సంవత్సరాల తర్వాత ప్రారంభమైన తొలి ఓపెన్-ఓషన్ సముద్రగర్భ పరిశోధనా నివాస కేంద్రం
ఈ వార్తాకథనం ఏంటి
న్యూ సైంటిస్ట్ కొలాబ్, సముద్ర ఇంజినీరింగ్ సంస్థ DEEP కలిసి, నాలుగు దశాబ్దాల తర్వాత నిర్మించబడిన తొలి ఓపెన్-ఓషన్, పరిసర పీడన (Ambient Pressure) ఆధారిత సముద్రగర్భ పరిశోధనా నివాస కేంద్రం వాంగార్డ్ ఏర్పాటు ప్రక్రియను పరిచయం చేస్తున్నాయి. ఈ ప్రాజెక్టు అమెరికాలోని ఫ్లోరిడా కీస్ తీరానికి సమీపంలో ఉన్న టెన్నెస్సీ రీఫ్ వద్ద అమలు చేయబడింది. సాధారణంగా ఉపరితల డైవింగ్లో పరిశోధకులు పరిమిత సమయం మాత్రమే సముద్రంలో గడపగలుగుతారు. అయితే, Vanguard ఆ పరిమితులను అధిగమించే అవకాశాన్ని శాస్త్రవేత్తలు, పరిశోధకులకు కల్పిస్తుంది.
వివరాలు
సముద్రగర్భంలోనే ఎక్కువ కాలం నివసిస్తూ పరిశోధనలు..
ఈ నివాస కేంద్రంలో ప్రవేశం, నిష్క్రమణ కోసం ప్రత్యేకంగా రూపొందించిన ఇంటిగ్రేటెడ్ మూన్ పూల్ (Integrated Moon Pool) వ్యవస్థ ఉంది. దీని ద్వారా సముద్రగర్భంలోనే ఎక్కువ కాలం నివసిస్తూ, సముద్ర జీవావరణంలో ప్రత్యక్షంగా పరిశోధనలు నిర్వహించే అవకాశం లభిస్తుంది. ఈ కేంద్రంలో నివసించే అక్వానాట్లు (Aquanauts) ప్రతిరోజూ 6 నుంచి 8 గంటల పాటు సముద్రగర్భ పరిశోధనా డైవ్లు నిర్వహించగలరు. అలాగే సేకరించిన శాస్త్రీయ నమూనాలను ఉపరితలానికి తీసుకురాకుండానే, నివాస కేంద్రంలోనే విశ్లేషించి ప్రాసెస్ చేయగలుగుతారు. ఈ వినూత్న సాంకేతికతతో సముద్ర పరిశోధనలో కొత్త అధ్యాయానికి నాంది పలుకుతూ, మానవుడు సముద్ర వాతావరణంలో మరింత సమర్థవంతంగా జీవించి, పరిశోధనలు చేసే యుగానికి శ్రీకారం చుడుతోంది.