Year Ender 2024: ఈ ఏడాది శాస్త్రరంగంలో ఆవిష్కృతమైన నవ్వు పుట్టించిన పరిశోధనలు.. వింత అధ్యయనాలు ఇవే..!
ఈ వార్తాకథనం ఏంటి
కొత్త టీకాల రూపకల్పన నుంచి వాతావరణ మార్పుల అన్వేషణ వరకు, శాస్త్రరంగంలో అనేక విప్లవాత్మక ఆవిష్కరణలు చోటు చేసుకున్నాయి.
అయితే, ఈ గంభీరమైన అంశాలకు విరుద్ధంగా, కొన్ని విచిత్రంగా మరియు నవ్వు పుట్టించే పరిశోధనలు కూడా వెలుగులోకి వచ్చాయి.
2023లో అలాంటి ఆసక్తికర పరిశోధన ఫలితాల్లో కొన్ని ఇలా ఉన్నాయి:
వివరాలు
నీటి గుర్రం ఎగరగలదా?
గుర్రం ఎగరదు, కానీ నీటి గుర్రం తక్కువ సేపు గాల్లో తేలుతుందని తెలిసింది.
రాయల్ వెటర్నరీ కాలేజ్ చేసిన అధ్యయనం ప్రకారం, హిప్పోపోటమస్‌లు దాదాపు 3,600 కిలోల బరువున్నప్పటికీ, వేగంగా కదిలే సమయంలో 0.3 సెకండ్ల పాటు గాల్లో తేలి ఉంటాయి.
ఏనుగుల తర్వాత అత్యంత భారీ జంతువులుగా గుర్తింపు పొందిన నీటి గుర్రాలు ఈ ప్రత్యేకతను ప్రదర్శిస్తాయి.
శాస్త్రవేత్తలు ఈ అధ్యయనాన్ని జంతువుల శరీరాకృతి వారి కదలికలపై చూపే ప్రభావాన్ని అర్థం చేసుకోవడంలో భాగంగా చేపట్టారు.
వివరాలు
మల విసర్జన ఆరోగ్య సూచికగా!
మీరు రోజుకు ఎంతసార్లు మల విసర్జన చేస్తారో మీ ఆరోగ్యానికి అది సూచికగా ఉంటుందని తాజా పరిశోధన చెబుతోంది.
ఇన్‌స్టిట్యూట్ ఫర్ సిస్టమ్స్ బయాలజీ పరిశోధకుల అధ్యయన ప్రకారం, రోజుకు ఒకట్రెండు సార్లు మల విసర్జన చేసే వారికి దీర్ఘకాలిక వ్యాధులు తక్కువగా ఉంటాయి.
దీనికి ప్రధాన కారణం, వారి పేగుల్లో ఉండే పీచును పులిపించే బ్యాక్టీరియా అధికంగా ఉండటమే.
మరీ ఎక్కువసేపు మలం నిల్వ ఉండిపోతే, దాని వల్ల ప్రొటీన్‌లు పాడై విషతుల్యాలు శరీరానికి హాని చేస్తాయని తెలిపారు.
వివరాలు
గంటకు 10 లక్షల మైళ్ల వేగంతో నక్షత్రం!
మన పాలపుంతలోని నక్షత్రాలు సాధారణంగా కేంద్రానికి చుట్టూ తిరుగుతాయి. కానీ, అమెరికా అంతరిక్ష సంస్థ నాసా సిటిజన్ సైంటిస్ట్ గుర్తించిన సీడబ్ల్యూఐఎస్‌ఈ జే1249 అనే నక్షత్రం గంటకు 10 లక్షల మైళ్ల వేగంతో కదులుతోంది.
ఈ నక్షత్రం అంత వేగంతో పాలపుంత పరిధిని దాటగలిగే సామర్థ్యం కలిగి ఉంది.
తక్కువ ద్రవ్యరాశి ఉన్న ఈ నక్షత్రం, తెల్ల మరుగుజ్జు నక్షత్రంతో కూడిన ద్వినక్షత్ర వ్యవస్థలో భాగమై ఉండి, నక్షత్ర విస్ఫోటనం వల్ల ఇంత వేగాన్ని పొందిందని శాస్త్రవేత్తలు భావిస్తున్నారు.
వివరాలు
రోబోలకు సజీవ చర్మం!
జపాన్‌లోని టోక్యో విశ్వవిద్యాలయ శాస్త్రవేత్తలు రోబోలకు మనిషి చర్మం వంటి సజీవ కణాలతో రూపొందించిన చర్మాన్ని అభివృద్ధి చేశారు.
ఈ చర్మాన్ని రోబో ముఖాలపై అమర్చగా, అది సహజ కవళికలతో నడుచుకుంది. నవ్వినప్పుడు మనుషుల ముఖభావాల మాదిరిగా కనిపించడం ఈ ప్రయోగానికి ప్రత్యేకత.
ఇది మృదువుగా ఉండడమే కాకుండా, ఎక్కడైనా చర్మం తెగిపోతే అది పునరుద్ధరించుకునే సామర్థ్యం కూడా ఉంది.
భవిష్యత్తులో హ్యూమనాయిడ్ రోబోలకు ఇది గొప్ప ప్రయోజనాన్ని అందించనుంది. అంతేకాదు, ఈ టెక్నాలజీ శస్త్ర చికిత్సలు, ప్లాస్టిక్ సర్జరీల పరిశోధనలకూ ఉపయోగపడుతుంది.