Honor Win Series: పవర్ బ్యాంక్కు గుడ్బై.. 10,000mAh బ్యాటరీతో HONOR WIN సిరీస్ ఎంట్రీ!
ఈ వార్తాకథనం ఏంటి
స్మార్ట్ ఫోన్ మార్కెట్లో మరో భారీ సంచలనానికి హానర్ (HONOR) సంస్థ సిద్ధమవుతోంది. ఇప్పటికే డిసెంబర్ 26న చైనాలో HONOR WIN, HONOR WIN RT స్మార్ట్ఫోన్లను విడుదల చేయనున్నట్లు కంపెనీ అధికారికంగా ప్రకటించింది. తాజాగా వెల్లడైన వివరాల ప్రకారం, ఈ WIN సిరీస్ ఫోన్లు ఏకంగా 10,000mAh భారీ బ్యాటరీతో స్మార్ట్ఫోన్ పరిశ్రమలోకి అడుగుపెట్టనున్నాయి. ఈ స్థాయి బ్యాటరీ సామర్థ్యంతో రాబోతున్న మొదటి స్మార్ట్ఫోన్లుగా HONOR WIN సిరీస్ నిలవనుంది. ఇది హానర్ ఇటీవల విడుదల చేసిన HONOR X70 (8300mAh బ్యాటరీ) కంటే కూడా అధిక సామర్థ్యం కలిగి ఉండటం విశేషం. ఈ ఫోన్లలో హానర్ స్వయంగా అభివృద్ధి చేసిన Qinghai Lake సిలికాన్ కార్బన్ బ్యాటరీ టెక్నాలజీని ఉపయోగిస్తున్నారు.
Details
3D అల్ట్రాసోనిక్ ఫింగర్ప్రింట్ సెన్సార్
ఈ బ్యాటరీతో ఐదు గంటల పాటు నిరంతర గేమింగ్ చేసినా సగానికి పైగా బ్యాటరీ మిగులుతుందని కంపెనీ వెల్లడించింది. ముఖ్యంగా గేమింగ్ యూజర్ల అవసరాలను దృష్టిలో పెట్టుకుని ఈ బ్యాటరీ డిజైన్ చేయబడింది. భద్రత, సౌకర్యాల విషయంలోనూ హానర్ ప్రత్యేక శ్రద్ధ చూపింది. HONOR WIN సిరీస్లో 3D అల్ట్రాసోనిక్ ఫింగర్ప్రింట్ సెన్సార్ ఉంటుంది. ఇది తడి చేతులతోనూ పనిచేస్తూ కేవలం 0.14 సెకన్లలోనే ఫోన్ను అన్లాక్ చేస్తుంది. అదేవిధంగా ఈ ఫోన్లు IP68, IP69, IP69K డస్ట్ అండ్ వాటర్ రెసిస్టెన్స్ రేటింగ్స్తో వస్తుండటంతో రఫ్ అండ్ టఫ్ వినియోగానికి మరింత భద్రతను అందించనున్నాయి. పర్ఫార్మెన్స్ విషయంలో ఈ సిరీస్ పూర్తిస్థాయి ఫ్లాగ్షిప్ స్పెసిఫికేషన్లతో రానుంది.
Details
డిస్ప్లే విషయంలో రాజీ పడని హానర్
HONOR WIN, WIN RT ఫోన్లు Snapdragon 8 Gen 5 మొబైల్ ప్లాట్ఫామ్ పై పనిచేస్తాయి. వీటిలో 16GB వరకు LPDDR5X Ultra RAM, 1TB వరకు UFS 4.1 స్టోరేజ్ అందుబాటులో ఉంటుంది. కంపెనీ వెల్లడించిన సమాచారం ప్రకారం, ఈ ఫోన్లు AnTuTu బెంచ్మార్క్లో 44,09,382 స్కోర్ సాధించాయి. గేమింగ్ సమయంలో వేడి సమస్యను నియంత్రించేందుకు ఇంటర్నల్ కూలింగ్ ఫ్యాన్ను కూడా అందిస్తున్నారు. అలాగే HONOR Surround Subwoofer 2.0తో కూడిన డ్యుయల్ 1216 సిమెట్రికల్ స్పీకర్లు ఉండటంతో, యూజర్లకు ఇమర్సివ్ గేమింగ్ ఆడియో అనుభవం లభించనుంది. డిస్ప్లే విషయంలోనూ హానర్ ఎలాంటి రాజీ పడలేదు.
Details
డిసెంబర్ 26న అధికారిక లాంచ్
లీకుల ప్రకారం, ఈ ఫోన్లు 6.83 ఇంచుల 1.5K రిజల్యూషన్తో 120Hz ఫ్లాట్ డిస్ప్లేను కలిగి ఉండనున్నాయి. కెమెరా విభాగంలో పెద్ద సెన్సార్తో 50 మెగాపిక్సెల్ మెయిన్ కెమెరా అందించే అవకాశముంది. డిసెంబర్ 26న జరిగే అధికారిక లాంచ్కు ముందే ధరలు సహా మరిన్ని ఫీచర్ల వివరాలు వెల్లడయ్యే అవకాశం ఉంది. మొత్తంగా భారీ బ్యాటరీ, శక్తివంతమైన ఫ్లాగ్షిప్ ప్రాసెసర్, గేమింగ్పై ప్రత్యేక దృష్టితో HONOR WIN సిరీస్ స్మార్ట్ఫోన్ మార్కెట్లో కొత్త ప్రమాణాలను నెలకొల్పేలా కనిపిస్తోంది.