Google Search Upgrade: గూగుల్ సెర్చ్‌లో భారీ అప్గ్రేడ్.. ఇక క్లిష్టమైన ప్రశ్నలకు బెస్ట్ ఆన్సర్స్
ఈ వార్తాకథనం ఏంటి
గూగుల్ సెర్చ్‌ ఇప్పుడు మరింత తెలివిగా మారుతోంది. ఒకే ప్రశ్నలో చాలా అంశాలు ఉండటం, చాలా స్పెసిఫిక్‌గా వివరాలు అడగడం లేదా టైపింగ్‌లో తప్పులు రావడం వంటి సందర్భాల్లోనూ అర్థాన్ని గుర్తించి మెరుగైన సమాధానాలు ఇచ్చేలా కొత్త అప్గ్రేడ్ అందుబాటులోకి వచ్చింది. Gemini 4 Hydrogen మోడల్‌ను సెర్చ్‌లోకి తీసుకురావడం ద్వారా ఈ మార్పులు చేసినట్లు గూగుల్ తెలిపింది. తన సెర్చ్‌ వ్యవస్థలో ఇప్పటివరకు చేసిన అతిపెద్ద మోడల్‌ మెరుగుదలల్లో ఇదొకటిగా కంపెనీ పేర్కొంది.
Details
యూజర్‌ ఉద్దేశాన్ని వేగంగా గుర్తించే టెక్నాలజీ
Hydrogen ప్రత్యేకత వేగంతో పాటు సంక్లిష్టమైన పనులను అర్థం చేసుకోవడంలో ఉంది.
గతంలోని Gemini 3.8 Flashతో పోలిస్తే ఇది టాస్క్‌లను 2.5 రెట్లు వేగంగా పూర్తి చేస్తుందని గూగుల్ చెబుతోంది.
ఒక ప్రశ్నలోని ప్రతి భాగాన్ని విడిగా అర్థం చేసుకుని అవసరమైన సమాచారాన్ని వెతికే సామర్థ్యం కూడా మెరుగుపడింది.
ముఖ్యంగా తప్పుగా టైప్ చేసిన పదాల వెనుక ఉన్న ఉద్దేశాన్ని గుర్తించడంలో ఇది మరింత మెరుగ్గా పనిచేస్తుంది.
దీంతో యూజర్లు ప్రశ్నను కచ్చితమైన పదాల్లో కాకుండా తమ సహజమైన ఆలోచనా విధానంలోనే అడిగినా ఉపయోగకరమైన ఫలితాలు వచ్చే అవకాశం ఉంది.
Details
సెర్చ్‌లో ఇక విజువల్‌ ఆన్సర్స్ కూడా ఎక్కువే
Hydrogen కారణంగా Google ఆర్టిఫిషియల్‌ ఇంటెలిజెన్స్‌ మోడ్‌లో మరిన్ని చిత్రాలు, పోలిక పట్టికలు, స్ట్రక్చర్డ్‌ రిజల్ట్స్‌, కస్టమ్‌ టూల్స్‌ వంటి విజువల్‌ సమాధానాలు కనిపించనున్నాయి.
ఒక పెద్ద ప్రశ్నను చిన్న చిన్న ఉపప్రశ్నలుగా విభజించి వెబ్‌లో విస్తృతంగా సమాచారం వెతికే 'ఫ్యాన్‌-అవుట్‌' విధానాన్ని కూడా ఈ మోడల్‌ మెరుగుపరుస్తుందని కంపెనీ తెలిపింది.
Hydrogenకు Low, Medium, High, XHigh అనే నాలుగు థింకింగ్‌ స్థాయిలు ఉన్నాయి. ఈ అప్‌డేట్‌ ప్రపంచవ్యాప్తంగా Google Search వినియోగదారులకు అందుబాటులోకి వస్తోంది.