జీఎస్ఎల్వీ ప్రయోగం సక్సెస్.. నింగిలోకి విజయంతంగా ప్రవేశపెట్టిన శాస్త్రవేత్తలు
ఈ వార్తాకథనం ఏంటి
భారత్ అంతరిక్ష పరిశోధన సంస్థ (ఇస్రో) మరో అరుదైన ఘనతను సాధించింది. సతీశ్ ధవన్ స్పేస్ షార్ నుంచి మరో రాకెట్ ప్రయోగం సక్సెస్ అయింది.
ఉదయం 10.42 గంటలకు జీఎస్ఎల్వీ-ఎఫ్ 12 వాహన నౌక ద్వారా ఎన్‌వీఎస్-01 ఉపగ్రహాన్ని నింగిలోకి తీసుకెళ్లారు. దీంతో ఈ ప్రయోగం విజయవంతమైనట్లు ఇస్రో వెల్లడించింది.
సోమవారం నిర్వహించిన ఇస్రో నిర్వహించిన ఈ ప్రయోగం విజయవంతం కావడంతో పూర్తి స్థాయిలో నావిగేషన్ వ్యవస్థ అందుబాటులోకి రానుంది. 12 ఏళ్ల పాటు ఈ ఉపగ్రహం సేవలు అందించనుంది.
ఇక త్వరలోనే నావిక్ పేరుతో దేశీయ నావిగేషన్ సేవలు ప్రారంభం కానున్నాయి.
Details
ప్రయోగ పనులను పర్యవేక్షించి ఇస్రో చైర్మన్
ప్రయోగానికి ముందుగా నిర్వహించే కౌంట్ డౌన్ ప్రక్రియ ఆదివారం ఉదయం 7.12 గంటలకు ప్రారంభం కాగా.. ఇది నిరంతరాయంగా 27.30 గంటల కొనసాగిన తర్వాత షార్ లోని రెండో ప్రయోగ వేదిక నుంచి రాకెట్ నింగిలోకి దూసుకెళ్లింది.
అదే విధంగా భారతదేశానికి చెందిన రెండో తరం నావిక్ ఉపగ్రహాల్లో ఎన్ వీఎస్-01 మొదటిది కావడం విశేషం.
ఈ ఉపగ్రహం వల్ల భూమి, జల, వాయు మార్గాల స్థితి గతులు, దిక్కులు తెలియజేయడం, వాహనచోదకులకు దిశా నిర్దేశం చేయడం, ఇంటర్నెట్ తో అనుసంధానం లాంటి ఎన్నో సౌకర్యాలను అందుబాటులోకి తీసుకురానుంది.
ఈ ప్రయోగ పనులను ఇస్రో చైర్మన్ డాక్టర్ ఎస్. సోమనాథ్ పర్యవేక్షించారు.