iPhone 17 series: ఐఫోన్ 17 సిరీస్ అధికారికంగా విడుదల.. ప్రత్యేకతలు ఇవే!

వ్రాసిన వారు Jayachandra Akuri

Sep 09, 2025

11:35 pm

ఈ వార్తాకథనం ఏంటి

కుపెర్టినోలో సెప్టెంబర్ 9న జరిగిన ఈవెంట్‌లో ఆపిల్ ఐఫోన్ 17 సిరీస్‌ను అధికారికంగా ఆవిష్కరించింది. ఈసారి కొత్త డిజైన్, అధునాతన ఫీచర్లు, సన్నని బెజెల్స్, ప్రత్యేక AI లక్షణాలను అందుబాటులోకి తీసుకొచ్చింది. అదనంగా కొత్త రంగు ఎంపికలు కూడా వినియోగదారుల ముందుకు వచ్చాయి. ఐఫోన్ 17 ముఖ్య ఫీచర్లు కొత్త ఐఫోన్ 17 6.3 అంగుళాల ప్రోమోషన్ డిస్ప్లేతో (120Hz రిఫ్రెష్ రేట్) లభిస్తోంది. ఎల్లప్పుడూ ఆన్‌లో ఉండే స్క్రీన్ ఫీచర్‌ను కూడా కలిగి ఉంది. ఇందులోని A19 ప్రాసెసర్ వేగవంతమైన పనితీరును అందిస్తుంది. 24MP ఫ్రంట్ కెమెరా, మెరుగైన బ్యాటరీ 25W వైర్‌లెస్ మాగ్‌సేఫ్ ఛార్జింగ్ సపోర్ట్ ప్రత్యేక ఆకర్షణలు.

Details

ఐఫోన్ 17 ప్రో

ఐఫోన్ 17 ప్రోలో డిజైన్, పనితీరులో ప్రధాన మార్పులు చేశారు. ప్రకాశవంతమైన డిస్ప్లే, క్షితిజ సమాంతర కెమెరా బార్, అల్యూమినియం-గ్లాస్ మిశ్రమ బాడీతో మరింత ప్రీమియం లుక్ ఇచ్చారు. వేగవంతమైన Wi-Fi 7 చిప్ను జోడించారు. అలాగే 48MP టెలిఫోటో లెన్స్ 8x ఆప్టికల్ జూమ్ మరియు 8K వీడియో రికార్డింగ్ సౌకర్యాన్ని అందిస్తుంది. ఐఫోన్ 17 ప్రో మాక్స్ ఈ సిరీస్‌లో అత్యంత శక్తివంతమైన మోడల్ ఐఫోన్ 17 ప్రో మాక్స్. ఇది 5,088mAh బ్యాటరీతో వస్తుంది. కొత్త 48MP టెలిఫోటో లెన్స్, ప్రకాశవంతమైన డిస్ప్లే A19 ప్రాసెసర్ వల్ల గేమింగ్, మల్టీ టాస్కింగ్ మరింత సులభం అవుతుంది. ముదురు నీలం, నారింజ వంటి కొత్త రంగు ఎంపికలు వినియోగదారులను ఆకట్టుకుంటాయి.

Details

కెమెరా ప్రత్యేకతలు

అన్ని మోడళ్లలోనూ 48MP ప్రైమరీ కెమెరాని అందించారు. అధునాతన నైట్ మోడ్, తక్కువ కాంతిలో ఫోటోగ్రఫీ మెరుగుపరచబడ్డాయి. ప్రో మాక్స్‌లోని ప్రత్యేక టెలిఫోటో లెన్స్ మెరుగైన జూమ్ అనుభవాన్ని ఇస్తుంది. అదనంగా, AI ఆధారిత ఇమేజ్ ప్రాసెసింగ్ టెక్నాలజీతో ఫోటోలు, వీడియోలు సహజంగా, పదునుగా కనబడతాయి. ధర & లభ్యత ఐఫోన్ 17 అమెరికాలో ప్రారంభ ధర $799 (భారతదేశంలో సుమారు రూ.79,900). ఐఫోన్ 17 ప్రో ధర $1,199, ప్రో మాక్స్ ధర $1,299 (భారతదేశంలో వరుసగా రూ.1.29 లక్షలు, రూ.1.49 లక్షలు). ప్రీ-ఆర్డర్లు సెప్టెంబర్ 12 నుంచి ప్రారంభమవుతాయి. స్టోర్లలో ఫోన్లు సెప్టెంబర్ 19 నుంచి లభ్యం కానున్నాయి.