Jio: జియో వినియోగదారులు ఎటువంటి యాప్ లేకుండా కాల్స్ రికార్డ్ చేయవచ్చు.. ఎలాగంటే ..?
టెలికాం దిగ్గజం రిలయన్స్ జియో ఇటీవలే Jio PhoneCall AI అనే సరికొత్త ఆర్టిఫిషియల్ ఇంటెలిజెన్స్ (AI) పవర్డ్ సర్వీస్‌ను ప్రారంభించింది. ఈ కొత్త AI ఫీచర్ కంపెనీ 'కనెక్టెడ్ ఇంటెలిజెన్స్' చొరవలో భాగమని జియో తెలిపింది. Jio PhoneCall AI ఫీచర్ సహాయంతో, Jio వినియోగదారులు ఏదైనా కాల్‌ని రికార్డ్ చేయవచ్చు, అనువదించవచ్చు, ట్రాన్సలేట్ కూడా చేయవచ్చు. ఈ రికార్డింగ్ , ట్రాన్సలేట్ డేటాను ఎప్పుడైనా యాక్సెస్ చేయవచ్చు.
Jio PhoneCall AIని ఎలా ఉపయోగించాలి?
Jio PhoneCall AI ఫీచర్‌ని ఉపయోగించడానికి, మీరు 1800-732-673కి డయల్ చేసి, కొనసాగుతున్న కాల్‌లో కాన్ఫరెన్స్ కాల్‌గా కనెక్ట్ చేయాలి. ఇప్పుడు మీరు కాల్‌ని రికార్డ్ చేయడానికి. ట్రాన్సలేట్ చేయడానికి '1'ని నొక్కాలి. దీని తర్వాత, సంభాషణ సమయంలో, Jio PhoneCall AI మాట్లాడే పదాలను వింటుంది. వాటిని టెక్స్ట్‌గా మారుస్తుంది. ఈ ఫీచర్ కాల్ రికార్డ్ చేయబడిందని కాలర్‌కు కాలానుగుణంగా తెలియజేస్తుంది.
మీరు రికార్డింగ్‌ని ఎలా వినగలరు?
కాల్ డిస్‌కనెక్ట్ అయిన తర్వాత, Jio PhoneCall AI అన్ని రికార్డింగ్‌లు, ట్రాన్స్‌క్రిప్షన్‌లు, సారాంశాలు, అనువాదాలను Jio AI క్లౌడ్‌లో సేవ్ చేస్తుంది. మీరు అక్కడి నుండి ఎప్పుడైనా ఈ ఫైల్‌లను సులభంగా యాక్సెస్ చేయగలరు. మీకు కాల్ కావాలంటే మీరు '2'ని నొక్కడం ద్వారా ట్రాన్స్‌క్రిప్షన్‌ను పాజ్ చేయగల సామర్థ్యాన్ని పొందుతారు. '1'ని నొక్కడం ద్వారా పునఃప్రారంభించగలరు. సంభాషణ ముగిసినప్పుడు మీరు '3'ని నొక్కడం ద్వారా AI ఫోన్ కాల్‌ని ముగించవచ్చు.
