IMPRINTU పోర్టబుల్ టాటూ మెషీన్‌ను MWC 2023 లో ప్రదర్శించనున్న LG
ఈ వార్తాకథనం ఏంటి
LG హౌస్‌హోల్డ్ & హెల్త్ కేర్ IMPRINTU అనే పోర్టబుల్ తాత్కాలిక టాటూ ప్రింటర్‌ను ప్రకటించింది. ఈ ప్రింటింగ్ మెషీన్ చర్మం, దుస్తులపై ముద్రించడానికి "సురక్షితమైన, కాస్మెటిక్-గ్రేడ్" టాటూ ఇంక్‌ను ఉపయోగిస్తుంది. ఈ టాటూలు సుమారు ఒక రోజు వరకు ఉంటాయి. దక్షిణ కొరియాకు చెందిన LG హౌస్‌హోల్డ్ & హెల్త్ కేర్ ప్రముఖ బ్యూటీ కంపెనీలలో ఒకటి. IMPRINTU LG H&Hకి ఒక ముఖ్యమైన ప్రాడక్ట్. దాని సమర్థవంతమైన ప్రింటింగ్, విభిన్న డిజైన్ ఆప్షన్స్ తో తాత్కాలిక టాటూ మార్కెట్‌కు సరికొత్త ప్రాడక్ట్ అందించింది. ఈ కొత్త టాటూ ప్రింటర్‌తో ఫ్యాషన్ పరిశ్రమలో అగ్రగామిగా నిలవాలని కంపెనీ భావిస్తోంది. ఈ మెషిన్ 600dpi రిజల్యూషన్‌ తో ఒకే చేతితో ఉపయోగించడానికి సరిపోతుంది.
ఫోన్
ఈ టాటూ ప్రింటర్‌ని ఉపయోగించడానికి మొబైల్ యాప్‌కి కనెక్ట్ చేయాలి
ఈ టాటూ ప్రింటర్‌ని ఉపయోగించడానికి, దీన్ని ముందుగా స్మార్ట్‌ఫోన్‌లోని Imprintu మొబైల్ యాప్‌కి కనెక్ట్ చేయాలి. నచ్చిన ఇమేజ్ డిజైన్‌లను ఎంచుకుని తాత్కాలిక టాటూలను ప్రింట్ చేయవచ్చు. ప్రింట్ చేయడానికి సిద్ధంగా ఉన్న టాటూలను తయారు చేయడానికి 2-3సెకన్ల సమయం పడుతుంది. IMPRINTU EXAONEని ఉపయోగించి డిజైన్‌లను సృష్టిస్తుంది, ఇది LG తాజా మల్టీమోడల్ సూపర్‌జెయింట్ ఆర్టిఫిషియల్ ఇంటెలిజెన్స్ మోడల్. బార్సిలోనాలో జరిగే మొబైల్ వరల్డ్ కాంగ్రెస్ (MWC) 2023లో IMPRINTUని ప్రదర్శిస్తుంది, అప్పుడే బ్రాండ్ ఈ టాటూ ప్రింటర్ ధరను కూడా వెల్లడిస్తుందని భావిస్తున్నారు. ఇది 2023 చివరి నాటికి మొదట దక్షిణ కొరియా, USలో అందుబాటులోకి వచ్చే అవకాశం ఉంది.