Meta: ఏఐలో దూసుకెళ్తున్న మెటా.. యూజర్ల పనులు చూసుకునే స్మార్ట్ అసిస్టెంట్పై ఫోకస్
ఈ వార్తాకథనం ఏంటి
మెటా కంపెనీ యూజర్ల రోజువారీ జీవితాన్ని సులభతరం చేయడానికి కొత్తగా ఒక అధునాతన ఆర్టిఫిషియల్ ఇంటెలిజెన్స్ (AI) అసిస్టెంట్ను రూపొందిస్తున్నట్లు సమాచారం. ఈ విషయాన్ని ఫైనాన్షియల్ టైమ్స్ వెల్లడించింది. కంపెనీ రూపొందిస్తున్న ఈ డిజిటల్ సహాయకుడు అత్యంత వ్యక్తిగతీకరించిన విధంగా పని చేస్తుందని చెబుతున్నారు. దీనికి మెటా రూపొందించిన కొత్త "మ్యూజ్ స్పార్క్ ఏఐ " మోడల్ శక్తినిస్తుంది. ఇదే సమయంలో "హ్యాచ్" అనే కోడ్నేమ్తో ఒక అంతర్గత AI ఏజెంట్ను కూడా కంపెనీ అభివృద్ధి చేస్తోంది.
వివరాలు
చాట్ బాక్స్ కంటే అడ్వాన్స్ టెక్నాలజీ..
ఈ కొత్త ఏఐ అసిస్టెంట్ ప్రధాన లక్ష్యం మెటా బిలియన్ల మంది యూజర్ల రోజువారీ పనులను నిర్వహించడం. ప్రస్తుతం ఈ టూల్ను కొంతమంది ఎంపిక చేసిన ఉద్యోగులతో అంతర్గతంగా పరీక్షిస్తున్నారు. ఈ ప్రాజెక్ట్ ద్వారా ఓపెన్ఏఐ రూపొందించిన "ఓపెన్ క్లా" వంటి ఉత్పత్తిని తీసుకురావాలని మెటా భావిస్తోంది. ఓపెన్ క్లా.. ప్రత్యేకత ఏమిటంటే.. ఇది అనేక హార్డ్వేర్, సాఫ్ట్వేర్ టూల్స్తో కనెక్ట్ అవుతూ, తక్కువ మానవ జోక్యంతో డేటా నుంచి నేర్చుకుంటూ పనిచేస్తుంది. ఇది సాధారణ చాట్బాట్స్ కంటే మరింత అడ్వాన్స్డ్గా ఉంటుంది.
వివరాలు
జూన్ నెలాఖరు వరకూ టార్గెట్..
ఇదిలా ఉంటే ఏఐ అసిస్టెంట్తో పాటు మెటా సంస్థ "హ్యాచ్" అనే అంతర్గత ఏఐ ఏజెంట్పై కూడా శిక్షణ ఇస్తోంది. ఈ ప్రాజెక్ట్ కూడా ఓపెన్ క్లా స్ఫూర్తితోనే రూపొందించబడుతోంది. జూన్ నెలాఖరులోగా దీనిపై అంతర్గత పరీక్షలను పూర్తి చేయాలని కంపెనీ లక్ష్యంగా పెట్టుకుంది. వినియోగదారులకు అందించే సేవలతో పాటు కంపెనీ అంతర్గత అవసరాల కోసం కూడా AIను అభివృద్ధి చేయాలన్న మెటా సంకల్పాన్ని ఇది స్పష్టం చేస్తోంది.
వివరాలు
అద్భుతమైన ఫీచర్..
ఇవి కాకుండా, మెటా తన ఇన్స్టాగ్రామ్ ప్లాట్ఫామ్ కోసం కూడా ఒక కొత్త "ఏజెంటిక్ షాపింగ్ టూల్"పై పని చేస్తోంది. ఈ ఫీచర్ ద్వారా యూజర్లకు మరింత సులభమైన షాపింగ్ అనుభవాన్ని అందించాలని కంపెనీ భావిస్తోంది. ఈ సంవత్సరంలో నాలుగో త్రైమాసికం ప్రారంభానికి ముందే ఈ ఫీచర్ను విడుదల చేయాలని లక్ష్యంగా పెట్టుకుంది.