NEO ప్రాజెక్ట్ తో భూమికి ఉల్క నుండి రక్షణకు ప్రాధాన్యత ఇస్తున్న NASA
US అంతరిక్ష సంస్థ NASA ఎట్టకేలకు గ్రహశకలాల నుండి రక్షణకు ప్రాధాన్యతనిస్తోంది. ప్లానెటరీ సొసైటీ NEO సర్వేయర్ ప్రాజెక్ట్‌ను 2028లో ప్రారంభించాలని ప్రణాళికలు వేస్తుంది. NEO సర్వేయర్ అనేది భూమితో ఢీకొనే అవకాశం ఉన్న సమీపంలో ఉన్న గ్రహశకలాలు, ఇతర చిన్న వస్తువుల కోసం వెతికే ఉపగ్రహం. అసలు NASA 2020 నాటికి 140 మీటర్ల కంటే పెద్దవిగా అంచనా వేయబడిన 25,000 భూమికి దగ్గరగా ఉండే శకలాలను 90% కనుగొనాలని గడువు విధించింది. అయితే, అది 37% మాత్రమే పూర్తయింది. NEO సర్వేయర్ ప్రక్రియను వేగవంతం చేయాలని లక్ష్యంగా పెట్టుకున్నారు. ఇది భూమి నుండి మనం స్పష్టంగా చూడలేని అంతరిక్ష ప్రాంతాలను స్కాన్ చేస్తుంది.
$1.2 బిలియన్లకు ఈ ప్రాజెక్ట్ ను చేజిక్కించుకున్న NASA
NASA 2005 నుండి ఈ NEO సర్వేయర్‌పై ఆసక్తి కనబరుస్తుంది. అయితే, బ్యూరోక్రసీ కారణంగా కొన్ని ఆటంకాలు వచ్చాయి. ఏజెన్సీకి బడ్జెట్ సమస్యలు వచ్చి ప్రాజెక్ట్ బడ్జెట్‌ను రద్దు చేసింది. అయితే, NASA మళ్లీ ఇటీవలే ప్రాజెక్ట్‌ను $1.2 బిలియన్లకు కైవసం చేసుకుంది. NEO సర్వేయర్ అంటే 50cm-వెడల్పు గల స్పేస్ టెలిస్కోప్, ఇది భూగ్రహం నుండి టెలిస్కోపుల ద్వారా చూడలేని శకలాలను చూడగలదు. ఇన్‌ఫ్రారెడ్ గ్రహశకలాల వేడి ద్వారా అవి ఉండే చోటును తెలియజేస్తాయి. ఇది భూమి నుండి 1.5 మిలియన్ కిలోమీటర్లు వద్ద ఎక్కువ ఇంధనాన్ని ఉపయోగించకుండా ఉండగలదు. NEO సర్వేయర్ భవిష్యత్తులో NEOల కోసం చూస్తుండగా, NASA ఇప్పటికే తన మొదటి గ్రహ రక్షణ పరీక్షను నిర్వహించింది.
