Arattai: అరట్టై సెర్చ్ ఫీచర్లో నూతన మార్పులు.. వారానికోసారి అప్డేట్స్ ప్లాన్!
ఈ వార్తాకథనం ఏంటి
జోహో సంస్థ మెసేజింగ్ ప్లాట్ఫామ్ 'అరట్టై'లో సెర్చ్ ఫీచర్ను మరింత మెరుగుపరిచినట్లు కంపెనీ సహ వ్యవస్థాపకుడు శ్రీధర్ వేంబు వెల్లడించారు. ఈ మార్పులు ఉత్పత్తి వినియోగ అనుభవాన్ని (user experience) మరింత మెరుగుపరచే దిశగా చేపట్టిన చర్యల్లో భాగమని తెలిపారు. సెర్చ్ ఫీచర్లో కీలక మార్పులు తాజా అప్డేట్పై ఆయన X (ట్విట్టర్)లో వివరాలు వెల్లడిస్తూ, సెర్చ్ సిస్టమ్ను నిరంతర పరిశీలన, మార్పుల ద్వారా అభివృద్ధి చేసినట్లు చెప్పారు. ఈ ఫీచర్ను విడుదల చేసే ముందు టీమ్ దీని పనితీరుపై ప్రత్యేకంగా దృష్టి సారించి, ఖచ్చితత్వం (accuracy), సులభ వినియోగం (usability)పై దృష్టి పెట్టినట్లు పేర్కొన్నారు.
వివరాలు
యూజర్లకు లాభం ఏమిటి?
ఈ అప్డేట్తో చాట్లలో సందేశాలు (messages) షేర్ చేసిన ఫైళ్లు (files) ఇతర సమాచారాన్ని త్వరగా గుర్తించడం మరింత సులభంగా మారనుంది. మెసేజింగ్ ప్లాట్ఫామ్లలో సెర్చ్ ఫీచర్ కీలక పాత్ర పోషిస్తుండగా, ఈ మార్పులు యూజర్లకు వేగవంతమైన, ఖచ్చితమైన ఫలితాలను అందించడంలో సహాయపడతాయని కంపెనీ భావిస్తోంది. మొత్తంగా 'అరత్తై'లో చేసిన ఈ మెరుగుదలలు వినియోగదారుల అనుభవాన్ని మరింత సౌకర్యవంతంగా మార్చే దిశగా కీలక అడుగుగా భావిస్తున్నారు.