OpenAI: జీపిటి-5.1 విడుదల చేసిన ఓపెన్‌ఏఐ
ఈ వార్తాకథనం ఏంటి
ఓపెన్‌ఏఐ తమ జీపిటి-5 సిరీస్‌లో మరో పెద్ద అప్‌గ్రేడ్‌గా జీపిటి-5.1ని అధికారికంగా విడుదల చేసింది. ఈ కొత్త మోడల్‌ను కంపెనీ "ఇంకా తెలివైనది, నమ్మదగినది, ఇంకా ఎక్కువగా మాట్లాడగలది" అని వర్ణించింది. ఓపెన్‌ఏఐ సీఈఓ సామ్ ఆల్ట్‌మాన్‌ 'ఎక్స్' (మాజీ ట్విట్టర్) లో తన ఆనందాన్ని వ్యక్తం చేస్తూ, ముఖ్యంగా ఇన్‌స్ట్రక్షన్ ఫాలోయింగ్ (సూచనల అనుసరణ) అడాప్టివ్ థింకింగ్ (పరిస్థితికి తగ్గ ఆలోచన) సామర్థ్యాల్లో గణనీయమైన అభివృద్ధి జరిగిందని తెలిపారు.
వివరాలు
రెండు కొత్త మోడళ్లు: GPT-5.1 ఇన్‌స్టంట్, GPT-5.1 థింకింగ్
జీపిటి-5 సిరీస్‌ను విస్తరిస్తూ, ఓపెన్‌ఏఐ GPT-5.1 ఇన్‌స్టంట్ మరియు GPT-5.1 థింకింగ్ అనే రెండు కొత్త మోడళ్లను పరిచయం చేసింది. ఇన్‌స్టంట్ మోడల్ "ఇంకా ఆప్యాయంగా, తెలివిగా, వినియోగదారుల సూచనలను సరిగ్గా అర్థం చేసుకునేలా" రూపొందించబడగా, థింకింగ్ మోడల్ సాదాసీదా పనుల నుంచి క్లిష్టమైన విశ్లేషణాత్మక పనుల వరకు సమర్థంగా నిర్వహించగలదని కంపెనీ తెలిపింది. ఈ కొత్త మోడళ్లను తొలుత Pro, Plus, Go, Business ప్లాన్‌లలో ఉన్న చెల్లింపు వినియోగదారులకు అందుబాటులోకి తేవాలని, తర్వాత ఉచిత వినియోగదారులకు విడుదల చేయనున్నట్లు ఓపెన్‌ఏఐ పేర్కొంది.
వివరాలు
చాట్‌జీపిటి వ్యక్తిత్వ ఎంపికలకూ కొత్త రూపం
చాట్‌జీపీటీలో ఇప్పటికే ఉన్న వ్యక్తిత్వ (preset personality) ఎంపికలను కూడా మెరుగుపరుస్తున్నట్టు ఓపెన్‌ఏఐ తెలిపింది. ఇప్పటివరకు ఉన్న Default, Friendly (మునుపటి Listener), Efficient (మునుపటి Robot) మోడ్‌లతో పాటు, ఇప్పుడు మూడు కొత్త టోన్‌లు — Professional, Candid, Quirky — అందుబాటులోకి వస్తాయి. ఇవి అన్ని మోడళ్లలో కూడా వర్తిస్తాయి. అంతేకాకుండా, వినియోగదారులు సెట్టింగ్స్‌లో నేరుగా చాట్‌జీపిటి ప్రవర్తనను తాము కోరిన విధంగా సర్దుబాటు చేసుకునే అవకాశం కూడా పొందుతారు.
వివరాలు
గణితం, కోడింగ్‌లో మెరుగైన పనితీరు
కొత్త జీపిటి-5.1 మోడల్ గణితం మరియు కోడింగ్ పనుల్లో AIME 2025, Codeforces బెంచ్‌మార్క్‌లలో అద్భుతంగా రాణించిందని కంపెనీ తెలిపింది. ఇది అవసరంలేని సాంకేతిక పదజాలాన్ని తగ్గించి, భావాలను సరళంగా, సులభంగా అర్థమయ్యేలా వివరించడం ద్వారా స్పష్టతను పెంచిందని పేర్కొన్నారు. ప్రారంభ దశలో ఇది చెల్లింపు వినియోగదారులకు అందుబాటులో ఉంటుంది. అనంతరం ఎంటర్‌ప్రైజ్, ఎడ్యుకేషన్ ప్లాన్ వినియోగదారులు ఏడు రోజుల ముందుగానే యాక్సెస్ పొందగలరు. ఆ తర్వాత, జీపిటి-5.1 అన్ని వినియోగదారులకు డిఫాల్ట్ మోడల్‌గా మారనుంది.