Google AI Tools: గూగుల్ ఏఐతో విద్యలో విప్లవం.. తెలివిగా నేర్చుకునే కొత్త శకం ప్రారంభం!
ఈ వార్తాకథనం ఏంటి
ఒకప్పుడు విద్య అంటే పుస్తకాల పేజీలు తిప్పుకుంటూ చదవడం, చేతితో నోట్లు రాయడం, అర్థం కాని విషయాలను కంఠస్థం చేసుకోవడం అనే కఠినమైన ప్రక్రియగా ఉండేది. అయితే కాలం మారింది. ఇప్పుడు కృత్రిమ మేధస్సు (AI) విద్యా రంగంలో కొత్త యుగానికి నాంది పలికింది. నేటి విద్యార్థులు కేవలం కష్టపడటమే కాకుండా, తెలివిగా నేర్చుకునే మార్గాలను అవలంబిస్తున్నారు..
Details
గూగుల్ విద్యార్థుల కోసం నూతన ఆఫర్‌
ప్రపంచవ్యాప్తంగా విద్యార్థులకు అత్యాధునిక సాంకేతిక సౌకర్యాలు అందించాలనే లక్ష్యంతో గూగుల్ ముందుకు వచ్చింది. సంస్థ తాజాగా ప్రకటించిన వివరాల ప్రకారం, భారతదేశంలో ఇప్పటికే రెండు మిలియన్లకు పైగా విద్యార్థులు Google AI Pro Student Offer కింద ఉచితంగా సదుపాయాలను పొందుతున్నారు. ఈ ఆఫర్‌ ద్వారా విద్యార్థులు గూగుల్ అభివృద్ధి చేసిన అత్యాధునిక AI టూల్స్‌ను ఒక సంవత్సరం పాటు ఉచితంగా ఉపయోగించుకోవచ్చు. గూగుల్ ప్రకారం, ఈ సాధనాలు కేవలం ప్రశ్నలకు సమాధానాలు ఇవ్వడానికే కాకుండా, విద్యార్థులు విషయాన్ని లోతుగా అర్థం చేసుకోవడంలో, ఆలోచనలను విస్తరించుకోవడంలో కీలక పాత్ర పోషిస్తాయి. వీటి రూపకల్పనలో మానవుల నేర్చుకునే శాస్త్రీయ విధానాలను ఆధారంగా తీసుకున్నట్లు సంస్థ తెలిపింది.
Details
మూడు ప్రధాన ఏఐ సాధనాలు - విద్యలో విప్లవం
గూగుల్ ఇటీవల విద్యార్థుల కోసం రూపొందించిన మూడు ముఖ్యమైన ఏఐ సాధనాలు Gemini, NotebookLM, Google Search. ఇవి విద్యలో కొత్త మార్పులకు దారి తీశాయి. 1. Gemini - విద్యార్థికి తెలివైన మార్గదర్శి Gemini సాధనం విద్యార్థులకు గైడ్‌లా పనిచేస్తుంది. ఇది కేవలం సమాధానం చెప్పడం కాదు, సమస్యను చిన్న దశల్లో విభజించి, విద్యార్థి స్వయంగా ఆలోచించేలా మార్గనిర్దేశం చేస్తుంది. ఉదాహరణకు, ఒక ఫిజిక్స్‌ కాన్సెప్ట్‌ అర్థం కాకపోతే "ఇది సమాధానం" అని చెప్పకుండా, "ఈ పాయింట్‌ మార్చితే ఏమవుతుంది?" అని ప్రశ్నిస్తూ, ఆలోచనాత్మకంగా నేర్పిస్తుంది.
Details
కెమెరా సపోర్ట్‌ ద్వారా నేరుగా మాట్లాడి నేర్చుకునే అవకాశం
Smart Prep టూల్స్‌ ద్వారా విద్యార్థులు పరీక్షలకు సులభంగా సిద్ధమవచ్చు. తమ క్లాస్‌ నోట్స్‌, ఫోటోలు లేదా టైప్‌ చేసిన టెక్స్ట్‌ను ఆధారంగా తీసుకుని ఫ్లాష్‌కార్డ్స్‌, క్విజ్‌లు, స్టడీ గైడ్స్‌ వెంటనే సృష్టించవచ్చు. ఇక Gemini Live ఫీచర్‌తో వాయిస్‌, కెమెరా సపోర్ట్‌ ద్వారా నేరుగా మాట్లాడి నేర్చుకునే అవకాశం ఉంటుంది. ఉదాహరణకు, జియోమెట్రీ ప్రాబ్లమ్‌పై కెమెరా చూపించి 'తర్వాతి దశ ఏంటి?' అని అడిగితే, అది దశల వారీగా వివరణ అందిస్తుంది.
Details
2. NotebookLM - పరిశోధనలో సహాయకుడు
NotebookLM పరిశోధన, ప్రాజెక్టులు లేదా రీసెర్చ్‌ పేపర్‌లపై పనిచేసే విద్యార్థులకు ప్రత్యేకంగా ఉపయోగపడుతుంది. పెద్ద డాక్యుమెంట్లు లేదా పేపర్లను అప్‌లోడ్‌ చేస్తే, అవి సులభమైన భాషలో ఆడియో లేదా వీడియో సమరీలుగా మారుస్తుంది. విద్యార్థులు వాటిని వినిపించుకోవచ్చు, చూసుకోవచ్చు. అదనంగా మైండ్ మ్యాప్‌లు ద్వారా ఆలోచనల మధ్య సంబంధాలను విజువల్‌గా చూపిస్తుంది, తద్వారా విషయం లోతుగా అర్థమవుతుంది. తమ నోట్స్‌, PDFs, స్లైడ్స్‌ అప్‌లోడ్‌ చేస్తే, NotebookLM వాటి ఆధారంగా ఫ్లాష్‌కార్డ్స్‌, క్విజ్‌లు, స్టడీ గైడ్స్‌ తయారు చేస్తుంది. ఈ విధంగా సిలబస్‌ను పూర్తిగా ఇంటరాక్టివ్ లెర్నింగ్ అనుభవంగా మార్చేస్తుంది.
Details
3. Google Search - తెలివైన విద్యా సహాయకుడు
ఇటీవల గూగుల్ సెర్చ్ కూడా ఏఐ సపోర్ట్‌తో మరింత బలపడింది. Lens in AI Mode ద్వారా విద్యార్థులు పుస్తకం లేదా డయాగ్రామ్‌ ఫోటో తీసి దాని గురించి నేరుగా ప్రశ్నలు అడగవచ్చు. ఉదాహరణకు, కెమిస్ట్రీ స్ట్రక్చర్‌ ఫోటో తీసి ఇది ఎలా రియాక్ట్ అవుతుంది? అని అడిగితే, గూగుల్ వెంటనే వివరణాత్మక సమాధానం ఇస్తుంది. అలాగే Search Live తఫీచర్‌ ద్వారా విద్యార్థులు వాయిస్‌ లేదా కెమెరా సాయంతో రియల్‌టైమ్‌ లెర్నింగ్ సపోర్ట్‌ పొందవచ్చు.
Details
విద్యలో కొత్త దిశ
ఈ ఏఐ సాధనాలు విద్యను మరింత ఆసక్తికరంగా, సులభంగా, ఇంటరాక్టివ్‌గా మార్చాయి. విద్యార్థులు ఇప్పుడు తమ స్వంత నోట్స్‌ ఆధారంగా నేర్చుకోవచ్చు, ఆడియో-విజువల్‌ పద్ధతుల్లో అర్థం చేసుకోవచ్చు, భాషా అడ్డంకులను సులభంగా అధిగమించవచ్చు. అయితే చాణక్యుడి మాటల మాదిరిగానే, కృషి, దృష్టి, క్రమశిక్షణతో నేర్చుకోవడం మాత్రం విద్యార్థులే చేయాలి. ఏఐ సాధనాలు మార్గనిర్దేశం చేస్తాయి కానీ, నిజమైన విద్య మానవ ఆత్మవిశ్వాసం, ఉత్సాహం, పట్టుదలపై ఆధారపడినదే. మొత్తం మీద గూగుల్ ఏఐ టూల్స్‌ విద్యా రంగంలో విప్లవాత్మక మార్పులకు నాంది పలికాయి. ఇవి విద్యను సులభతరం చేస్తూనే, ఆలోచనాత్మకంగా, సృజనాత్మకంగా మార్చుతున్నాయి. కానీ విద్యార్థి ఉత్సాహం, మానవ మద్దతు, భావోద్వేగం మాత్రం ఎప్పటికీ ప్రత్యామ్నాయం లేనివే.