Samsung Android XR Glasses: శాంసంగ్‌ ఆండ్రాయిడ్ XR గ్లాసెస్‌ - ఖరారైన ప్రీ ఆర్డర్ తేదీలు
ఈ వార్తాకథనం ఏంటి
టెక్ ప్రియులు ఎప్పటి నుంచో ఎదురుచూస్తున్న శాంసంగ్‌ తొలి ఆండ్రాయిడ్ XR గ్లాసెస్‌కు ఎట్టకేలకు ప్రీ-ఆర్డర్ తేదీ ఖరారైంది. నవంబర్ 12, 2026 నుంచి వీటి ప్రీ-ఆర్డర్లు ప్రారంభం కానున్నాయి. శాంసంగ్‌, గూగుల్‌ కలిసి అభివృద్ధి చేస్తున్న ఈ గ్లాసెస్‌ను తొలుత Warby Parker సంస్థ 'Intelligent Eyewear' పేరుతో అందుబాటులోకి తీసుకురానుంది. సెలవుల సీజన్‌లో వినియోగదారులకు డెలివరీలు ప్రారంభమవుతాయని సంస్థ సహ వ్యవస్థాపకుడు డేవ్ గిల్బోవా వెల్లడించారు. అయితే ఖచ్చితమైన షిప్పింగ్ తేదీని మాత్రం ఇంకా ప్రకటించలేదు.
Details
గెలాక్సీ XR హెడ్‌సెట్‌లకు భిన్నంగా
ఈ కొత్త గ్లాసెస్‌ Google Android XR ప్లాట్‌ఫామ్‌పై పనిచేస్తాయి. Qualcomm హార్డ్‌వేర్‌ను ఉపయోగించనున్నాయి.
అయితే Samsung Galaxy XR హెడ్‌సెట్‌లా వీటిలో బిల్ట్‌-ఇన్ డిస్‌ప్లే ఉండదు. వినియోగ విధానంలో ఇవి Meta Ray-Ban స్మార్ట్ గ్లాసెస్‌కు దగ్గరగా ఉండనున్నాయి.
శాంసంగ్‌ రెండు వేరియంట్లను సిద్ధం చేస్తున్నట్లు సమాచారం. ఒక మోడల్‌లో కెమెరా ఉంటుంది.
మరో మోడల్‌లో కెమెరా ఉండదు. రెండు వెర్షన్లలోనూ స్పీకర్లు, మైక్రోఫోన్లు ఉండి ఆడియో, వాయిస్ కమాండ్లు, కాల్స్‌కు ఉపయోగపడతాయి.
Details
కెమెరా మోడల్‌లో ప్రత్యేక ఫీచర్
కెమెరా ఉన్న వేరియంట్‌లో రికార్డింగ్‌ జరుగుతున్నప్పుడు చుట్టుపక్కల వారికి తెలియజేసేందుకు LED ఇండికేటర్‌ ఉండనుంది.
దీంతో ప్రైవసీ విషయంలోనూ కొంత స్పష్టత ఉండే అవకాశం ఉంది. ఈ గ్లాసెస్‌ను శాంసంగ్‌ Warby Parkerతో పాటు Gentle Monsterతో కలిసి అభివృద్ధి చేస్తోంది.
Gentle Monster వెర్షన్‌ ప్రీ-ఆర్డర్లు ఎప్పుడు మొదలవుతాయన్నది మాత్రం ఇంకా తెలియలేదు. రెండు సంస్థలు ఒకే Android XR ప్లాట్‌ఫామ్‌పై పనిచేస్తున్నందున దాదాపు ఒకే సమయంలో మార్కెట్‌లోకి వచ్చే అవకాశం ఉందని భావిస్తున్నారు.
Details
ధరపై ఇంకా సస్పెన్స్
ప్రస్తుతం ఈ గ్లాసెస్‌ ధరను శాంసంగ్‌ అధికారికంగా ప్రకటించలేదు. అయితే గతంలో కంపెనీ 'reasonably premium' ధరలో అందుబాటులోకి వస్తాయని సూచించింది.
తొలి దశలో అమెరికా, దక్షిణ కొరియా మార్కెట్లకే పరిమితం అయ్యే అవకాశం ఉంది. నవంబర్ 12న Warby Parker Intelligent Eyewear ప్రీ-ఆర్డర్లు మొదలైన తర్వాత ధరతో పాటు మరిన్ని వివరాలు బయటకు వచ్చే అవకాశం ఉంది.
Meta Ray-Ban స్మార్ట్ గ్లాసెస్‌కు గట్టి పోటీ ఇచ్చేలా ఈ డివైజ్‌ సిద్ధమవుతుందా అనేది ఇప్పుడు ఆసక్తికరంగా మారింది.