Samsung Galaxy Unpacked: శాంసంగ్ లవర్స్కు గుడ్న్యూస్.. గెలాక్సీ ఈవెంట్ డేట్ ఫిక్స్- ఎప్పుడంటే?
ఈ వార్తాకథనం ఏంటి
ఎప్పుడెప్పుడో ఎదురుచూస్తున్న గెలాక్సీ ఈవెంట్‌పై శాంసంగ్ కీలక ప్రకటన చేసింది. ఈ సంస్థ సెప్టెంబర్‌లో ఈ ప్రత్యేక కార్యక్రమాన్ని నిర్వహించనుందని ధృవీకరించింది. ఈ ఈవెంట్‌లో కొత్త స్మార్ట్‌ఫోన్లు, ట్యాబ్లెట్లు విడుదల చేసే అవకాశం ఉంది. మరిన్ని వివరాలు ఇలా ఉన్నాయి: గెలాక్సీ ఈవెంట్ తేది, సమయం: ఈ కొత్త గెలాక్సీ ఈవెంట్ సెప్టెంబర్ 4, 2025న ఉదయం 5:30 ETకి, అంటే భారత కాలమానం ప్రకారం మధ్యాహ్నం 3 గంటలకు ప్రారంభం అవుతుంది. ఇది వర్చువల్ ఫార్మాట్‌లో ఉంటుంది. ఈ కార్యక్రమంలో శాంసంగ్ కొన్ని కొత్త ఉత్పత్తులను లాంచ్ చేయవచ్చని భావిస్తున్నారు. ఈ వివరాలు శాంసంగ్ తన న్యూస్‌రూమ్ పోస్ట్‌లో వెల్లడించింది.
వివరాలు
ప్రత్యేక కార్యక్రమాలు:
శాంసంగ్ ప్రకారం, సెప్టెంబర్ 4న గెలాక్సీ వర్చువల్ ఈవెంట్, మరియు సెప్టెంబర్ 5న IFA బెర్లిన్‌లో ప్రెస్ కాన్ఫరెన్స్,ఎగ్జిబిషన్ బూత్ కూడా నిర్వహించబడుతుంది. ఈ కార్యక్రమాల్లో వినియోగదారులు గెలాక్సీ ఎకోసిస్టమ్ గ్లింప్స్‌ను చూడగలుగుతారు. ఈ ఈవెంట్‌లో ఏం ఏం లాంఛ్ చేయొచ్చు?: Samsung Galaxy S25 FE: శాంసంగ్ తన ఫ్లాగ్‌షిప్ ఫోన్ సిరీస్‌లో కొత్త ఫోన్‌ను Galaxy S25 FE పేరుతో విడుదల చేయవచ్చని ఊహిస్తున్నారు. ఇందులో 6.7 అంగుళాల ఫుల్ HD+ AMOLED 2X డిస్‌ప్లే ఉండవచ్చు, మరియు 120Hz రిఫ్రెష్ రేట్ సపోర్ట్‌ ఉంటుంది. ప్రాసెసర్‌గా Exynos 2400 చిప్ ఉపయోగించవచ్చని టెక్ నిపుణులు భావిస్తున్నారు.
వివరాలు
Galaxy Tab S11 సిరీస్:
ఈ ఫోన్ Android 16 ఆధారంగా One UI 8లో రన్ అవుతుంది. బేస్ వేరియంట్‌లో 8GB RAM,128GB స్టోరేజ్ ఉండవచ్చని అంచనా.4900mAh బ్యాటరీతో 45W ఫాస్ట్ ఛార్జింగ్,25W వైర్‌లెస్ ఫాస్ట్ ఛార్జింగ్ కూడా ఉంటుందని భావిస్తున్నారు. ధర,పూర్తి ఫీచర్స్ కోసం ఇంకా వేచి చూడాలి. ఫోన్‌తో పాటు శాంసంగ్ కొత్త టాబ్లెట్ సిరీస్‌ను కూడా విడుదల చేయవచ్చని సూచనలు ఉన్నాయి. ఇందులో Galaxy Tab S11 మరియు Tab S11 Ultra పేర్లతో రెండు AI-ఆధారిత టాబ్లెట్లు ఉండవచ్చని టెక్ నివేదికలు చెబుతున్నాయి. వీటికి మీడియాటెక్ డైమెన్సిటీ 9400+ చిప్‌సెట్ ఉంటుందని అంచనా. AI పనితీరులో మెరుగుదల కోసం ఇది ఉపయోగపడుతుంది. ఈసారి ప్లస్ వెర్షన్ టాబ్లెట్ విడుదల కాకపోవచ్చని భావిస్తున్నారు.
వివరాలు
వినియోగదారులకు శాంసంగ్ ఆఫర్:
శాంసంగ్ అధికారిక వెబ్‌సైట్ లేదా Shop Samsung యాప్ ద్వారా కొత్త గెలాక్సీ టాబ్లెట్‌ను రిజర్వ్ చేస్తే $50 (~₹4,400) క్రెడిట్ పొందవచ్చని పేర్కొన్నారు. ఈ క్రెడిట్ రిజర్వ్ చేసిన పరికరంపై వర్తించదు, కానీ ఇతర శాంసంగ్ డివైజ్‌లు—ఫోన్‌లు, బడ్స్, వాచ్‌లు—కొనడానికి ఉపయోగించవచ్చు. మరిన్ని వివరాలకు శాంసంగ్ న్యూస్‌రూమ్‌ని సందర్శించవచ్చు.