Samsung: శాంసంగ్‌ ట్రై-ఫోల్డ్ ఫోన్ గెలాక్సీ జెడ్ ఫోల్డ్ 7.. మార్కెట్లోకి ఎంట్రీ ఎప్పుడంటే?
ఈ వార్తాకథనం ఏంటి
ఫోల్డబుల్‌ ఫోన్ల ట్రెండ్‌ కొనసాగుతూనే ఉంది! టెక్నాలజీ మార్కెట్‌లో మడత ఫోన్ల ప్రభావం కొనసాగుతున్న నేపథ్యంలో, ఇప్పుడు ట్రై-ఫోల్డబుల్‌ మొబైల్‌ సెగ్మెంట్‌లోకి ప్రముఖ బ్రాండ్ హువావే అడుగుపెట్టింది.
ఇదే మార్గంలో మరో ప్రముఖ కంపెనీ శాంసంగ్‌ కూడా దూసుకుపోతోంది. శాంసంగ్‌ తమ కొత్త ట్రై-ఫోల్డబుల్‌ ఫోన్‌ను "Galaxy G Fold" పేరుతో వినియోగదారులకు అందించేందుకు సన్నద్ధమవుతోంది.
వివరాలు
శాంసంగ్‌ టెక్నాలజీకి కొత్త ఆవిష్కరణ!
గత సంవత్సరం నిర్వహించిన శాంసంగ్‌ డెవలపర్‌ కాన్ఫరెన్స్‌ (SDC) లో, ఈ ట్రై-ఫోల్డబుల్‌ ఫోన్ ప్రాథమిక నమూనాను తొలిసారిగా ప్రదర్శించారు.
అప్పటి నుండి, శాంసంగ్‌ ఈ టెక్నాలజీ అభివృద్ధిపై క్రియాశీలంగా పని చేస్తోంది.
ఇదే సమయంలో, మరికొన్ని టెక్‌ సంస్థలు కూడా ఈ విభాగంలో ప్రవేశించేందుకు సిద్ధమవుతున్నాయి.
ఈ నేపథ్యంలో, ఈ ఏడాది జులైలో శాంసంగ్‌ తమ ట్రై-ఫోల్డబుల్‌ ఫోన్‌ను మార్కెట్లోకి విడుదల చేయాలని యోచిస్తోంది.
అయితే, ఈ ఫోన్లు పరిమిత సంఖ్యలో మాత్రమే అందుబాటులోకి వచ్చే అవకాశముంది.
వివరాలు
హువావే మోడల్‌కి భిన్నంగా శాంసంగ్‌ ట్రై-ఫోల్డబుల్‌ డిజైన్!
హువావే విడుదల చేసిన Mate XT మోడల్‌తో పోల్చితే, Galaxy G Fold కొంత భిన్నంగా ఉండనుంది.
ఇందులో 6.54 అంగుళాల ఔటర్‌ డిస్‌ప్లే, అలాగే 9.96 అంగుళాల ఇంటర్‌ స్క్రీన్‌ ఉండేలా రూపకల్పన చేస్తున్నారు.
అయితే, దీని బరువు హువావే మోడల్‌తో సమానంగా ఉండొచ్చని భావిస్తున్నారు.
ఈ డివైస్‌లో అండర్-డిస్‌ప్లే కెమెరా టెక్నాలజీకి అవకాశం తక్కువగా కనిపిస్తోంది.
అయితే, హోల్-పంచ్‌ కటౌట్, స్లీక్‌ డిజైన్, ఆకర్షణీయమైన లుక్‌ తో మార్కెట్‌లో అడుగుపెట్టనుంది.
వివరాలు
జూలైలో భారీ లాంచ్‌!
ఈ ఏడాదిలో ఫోల్డబుల్‌ ఫోన్ల విభాగంలో శాంసంగ్‌ విశేష ప్రణాళికలు సిద్ధం చేస్తోంది.
జులైలో నిర్వహించనున్న ప్రత్యేక ఈవెంట్‌లో ట్రై-ఫోల్డబుల్‌ Galaxy G Fold ను అధికారికంగా విడుదల చేయనుంది.
అంతేకాకుండా, Galaxy Z Flip 7 FE మోడల్‌ను కూడా అదే వేదికపై లాంచ్‌ చేసే అవకాశముంది.