SpaceX : స్పేస్ఎక్స్ ప్రయోగం.. మిషన్ సక్సెస్.. రికవరీ ఫెయిల్
ఈ వార్తాకథనం ఏంటి
స్పేస్ఎక్స్ అత్యంత భారీ రాకెట్ 'స్టార్‌షిప్' ఆరో టెస్ట్ ఫ్లైట్‌ బుధవారం తెల్లవారుజామున టెక్సాస్‌లోని బోకాచికా నుంచి ప్రయోగించారు. ఈ భారీ రాకెట్ వ్యవస్థను చంద్రుని ల్యాండింగ్, మార్స్ మిషన్ల కోసం ప్రత్యేకంగా రూపొందించారు. అయితే ప్రయోగం కొన్ని విజయాలతో పాటు కొన్ని లోపాలను కూడా ఎదుర్కొంది. స్టార్‌షిప్ ప్రయోగంలో ప్రారంభ దశ విజయవంతంగా పూర్తి అయ్యింది. రాకెట్ అధిరోహణ దశను సురక్షితంగా పూర్తి చేసి, అంతరిక్ష ప్రయాణంలో కీలకమైన మార్గాలను పరిశీలించి సక్సెస్ సాధించింది. సూపర్ హెవీ బూస్టర్‌ను లాంచ్ టవర్‌పై సరిగ్గా ల్యాండ్ చేయడానికి స్పేస్ఎక్స్ ప్రయత్నించింది.
Details
మొదటి దశ ప్రయోగం విజయవంతం
కానీ అది లాండింగ్‌ టవర్‌ను తప్పించుకుని, సురక్షితంగా గల్ప్ ఆఫ్ మెక్సికోలో ల్యాండ్ అయింది. రాకెట్‌ను పూర్తిగా తిరిగి పొందే లక్ష్యానికి మరింత మెరుగుదల అవసరమని స్పేస్ఎక్స్ నిపుణులు గుర్తిస్తున్నారు. అమెరికా మాజీ అధ్యక్షుడు డొనాల్డ్‌ ట్రంప్‌, స్పేస్ఎక్స్ వ్యవస్థాపకుడు ఎలాన్ మస్క్ వ్యక్తిగతంగా వీక్షించారు. ఇది మస్క్, ట్రంప్‌ల మధ్య ఉన్న సాన్నిహిత్యాన్ని చాటుతుంది. మొదటి దశ ప్రయోగం విజయవంతం కావడం స్పేస్ఎక్స్ కోసం కీలక మైలురాయిగా నిలుస్తుంది. అయితే రాకెట్ పునర్వినియోగంలో ఇంకా సవాళ్లు ఉన్నాయని స్పష్టం చేస్తోంది. సూపర్ హెవీ బూస్టర్‌ను భూమిపై సక్రమంగా ల్యాండ్ చేయడం పునర్వినియోగ లక్ష్యానికి అత్యంత అవసరం.
Details
మరిన్ని విజయాల కోసం ప్రయత్నాలు
ఈ టెస్ట్‌ఫ్లైట్‌ నుండి పొందిన డేటా స్పేస్‌ఎక్స్‌కి రాబోయే మార్స్ మిషన్ల కోసం అమూల్యమైన మార్గదర్శకాలను అందిస్తుంది. విశ్వ అంతరిక్ష పరిశోధనలో ఇది మరింత మెరుగుదలకు దోహదపడుతుంది. మానవుడి అంతరిక్ష ప్రయాణంలో కొత్త అధ్యాయాలను రాస్తున్న ఈ సంస్థ మరిన్ని విజయాల కోసం ఎదురుచూస్తోంది.