iPhone 15: మళ్లీ తగ్గిన ఐఫోన్ 15 ధర.. ఇప్పుడు అతి తక్కువ ధరకు ఎక్కడ లభిస్తుందో తెలుసా?
ఈ వార్తాకథనం ఏంటి
కొత్త స్మార్ట్ ఫోన్ కొనుగోలు చేయాలనుకునే వారికి ఇది నిజంగా శుభవార్త. ఆపిల్ అభిమానులు ఎంతో ఆసక్తిగా కోరుకునే ఐఫోన్ 15పై మరోసారి భారీ ధర తగ్గింపు లభించింది. ముఖ్యంగా 256GB స్టోరేజ్ వేరియంట్ ధర గణనీయంగా తగ్గడంతో ఈ ఫ్లాగ్షిప్ ఫోన్ ఇప్పుడు తన లాంచ్ ధర కంటే వేల రూపాయలు తక్కువకే అందుబాటులోకి వచ్చింది. రిలయన్స్ డిజిటల్లో కొనసాగుతున్న ప్రత్యేక సేల్ సందర్భంగా, ఈ క్రేజీ స్మార్ట్ఫోన్ను వినియోగదారులు ఆకర్షణీయమైన ధరలో కొనుగోలు చేయవచ్చు. ధర తగ్గింపుతో పాటు అర్హత కలిగిన బ్యాంక్ కార్డులపై అదనపు డిస్కౌంట్ కూడా లభిస్తోంది. ఐఫోన్ 15ను ఆపిల్ మూడు స్టోరేజ్ వేరియంట్లలో విడుదల చేసింది.
Details
512GB వరకు ఇంటర్నల్ స్టోరేజ్
అవి 128GB, 256GB, 512GB. వీటిలో 128GB వేరియంట్పై భారీగా రూ.24,000 వరకు ధర తగ్గింపు అందించారు. ఈ వేరియంట్ను ఆపిల్ రూ.79,900 ప్రారంభ ధరకు మార్కెట్లోకి తీసుకురాగా, ప్రస్తుతం రిలయన్స్ డిజిటల్లో ఇది కేవలం రూ.55,900కే లభిస్తోంది. అంతేకాకుండా రూ.3,000 వరకు బ్యాంక్ డిస్కౌంట్ వర్తింపజేస్తే, తుది ధర రూ.52,900కి తగ్గుతుంది. ఇక 256GB వేరియంట్ విషయానికి వస్తే, దీని లాంచ్ ధర రూ.89,900. తాజా ధర తగ్గింపు తర్వాత ఈ వేరియంట్ ప్రస్తుతం రూ.69,900కే అందుబాటులో ఉంది. అర్హత కలిగిన బ్యాంక్ కార్డుల ద్వారా కొనుగోలు చేస్తే, రూ.4,000 వరకు అదనపు డిస్కౌంట్ పొందవచ్చు.
Details
512GB వరకు ఇంటర్నల్ స్టోరేజ్
దీంతో ఈ వేరియంట్ను కేవలం రూ.65,900కే సొంతం చేసుకునే అవకాశం ఉంది. ఫీచర్ల విషయానికి వస్తే, ఐఫోన్ 15లో డైనమిక్ ఐలాండ్తో కూడిన 6.1 అంగుళాల సూపర్ రెటినా XDR డిస్ప్లేను అందించారు. ఈ స్మార్ట్ఫోన్లో శక్తివంతమైన ఆపిల్ A16 బయోనిక్ చిప్సెట్ అమర్చారు. గరిష్టంగా 512GB వరకు ఇంటర్నల్ స్టోరేజ్ను అందిస్తుంది. భద్రతా పరంగా క్రాష్ డిటెక్షన్, శాటిలైట్ కనెక్టివిటీ వంటి ఆధునిక ఫీచర్లు ఇందులో ఉన్నాయి. సాఫ్ట్వేర్ పరంగా ఐఫోన్ 15, iOS 17తో విడుదల కాగా, భవిష్యత్తులో iOS 26 వరకు అప్డేట్ పొందే అవకాశం ఉంది.
Details
సెల్ఫీలు, వీడియో కాల్స్ కోసం 12 మెగాపిక్సెల్
కెమెరా విభాగంలో డ్యూయల్ రియర్ కెమెరా సెటప్ను అందించారు. ఇందులో 48 మెగాపిక్సెల్ ప్రైమరీ కెమెరాతో పాటు 12 మెగాపిక్సెల్ అల్ట్రా వైడ్ కెమెరా ఉంది. సెల్ఫీలు, వీడియో కాల్స్ కోసం 12 మెగాపిక్సెల్ ఫ్రంట్ ఫేసింగ్ కెమెరాను అందించారు. భారీ ధర తగ్గింపు, బ్యాంక్ డిస్కౌంట్లతో ఐఫోన్ 15 ఇప్పుడు కొనుగోలుదారులకు మరింత ఆకర్షణీయంగా మారింది.