Noble Prize: మెటల్-ఆర్గానిక్‌ ఫ్రేమ్‌వర్క్స్‌లో పరిశోధనలకుగాను.. రసాయన శాస్త్రంలో ముగ్గురికి నోబెల్
ఈ వార్తాకథనం ఏంటి
రసాయన శాస్త్రంలో గొప్ప అవిష్కారానికి ఈ ఏడాది నోబెల్ బహుమతి (Nobel Prize in Chemistry 2025)ని ప్రకటించారు. మెటల్-ఆర్గానిక్‌ ఫ్రేమ్‌వర్క్స్‌ (MOFs) అభివృద్ధి చేసినందుకు సుసుము కిటాగవా, రిచర్డ్ రాబ్సన్‌, ఒమర్‌ ఎం. యాఘీల్‌లకు ఈ బహుమతి అందించనున్నట్లు రాయల్ స్వీడిష్ అకాడమీ ఆఫ్ సైన్సెస్ అధికారికంగా తెలిపింది. ఈ ముగ్గురు శాస్త్రవేత్తలు కొత్త రకాల మాలిక్యూలర్ నిర్మాణాలను (molecular architectures) రూపొందించడంలో ముఖ్యపాత్ర వహించారని ఈ నిర్ణయం లో పేర్కొన్నారు. గతేడాది ముగ్గురికి ఈ అవార్డు దక్కింది. డేవిడ్ బేకర్, డెమిస్ హసాబిస్, జాన్ జంపర్‌లే, వీరు ప్రోటీన్లపై చేసిన విప్లవాత్మక పరిశోధనలకై గుర్తింపు పొందారు.
వివరాలు
వృద్ధ శాస్త్రవేత్తగా జాన్ బీ. గూడ్‌ఎనఫ్
1901 నుండి 2024 మధ్య, రసాయన శాస్త్రంలో నోబెల్ బహుమతులు మొత్తం 116 సార్లు ప్రకటించగా ఇప్పటివరకు 195 మంది దీనిని అందుకున్నారు. ఈ ప్రక్రియలో కొన్ని విశేష రికార్డులు కూడా చోటు చేసుకున్నాయి. జాన్ బీ. గూడ్‌ఎనఫ్ 97 ఏళ్ల వయసులో రసాయన శాస్త్రంలో నోబెల్ పొందిన వృద్ధ శాస్త్రవేత్తగా నిలిచారు. మరొకవైపు, ఫ్రెడెరిక్ జొలియెట్ 35 ఏళ్ల వయసులో నోబెల్ బహుమతి పొందిన అత్యంత చిన్న వయస్కుడిగా గుర్తింపు పొందాడు. అంతేకాక, ఫ్రెడెరిక్ సాంగెర్‌, బ్యారీ షార్ప్‌లెస్‌లు రెండు సార్లు రసాయన శాస్త్రంలో నోబెల్ పొందిన అరుదైన ఘనతను సాధించారు.
వివరాలు
అక్టోబర్ 13 వరకు కొనసాగనున్న నోబెల్ పురస్కారాల ప్రకటనలు
మరోవైపు, అక్టోబర్ 6 న (సోమవారం) ప్రారంభమైన నోబెల్ పురస్కారాల ప్రకటనలు అక్టోబర్ 13 వరకు కొనసాగనున్నాయి. ఈ షెడ్యూల్ ప్రకారం, వైద్య శాస్త్రంలో విజేతలను తొలి రోజు ప్రకటించగా, మంగళవారం భౌతికశాస్త్రంలో విజేతలను ప్రకటించగా.. నేడు రసాయనశాస్త్రంలో నోబెల్ గ్రహీతల పేర్లు వెల్లడించారు. భవిష్యత్తులో గురువారం సాహిత్యంలో, శుక్రవారం శాంతి బహుమతుల్లో, అక్టోబర్ 13న అర్థశాస్త్రంలో విజేతల పేర్లు ప్రకటించనున్నారు. ఆల్‌ఫ్రెడ్ నోబెల్ వర్ధంతి రోజైన డిసెంబర్ 10న విజేతలకు నేరుగా అవార్డులు అందిస్తారు.