WhatsApp: వాట్సాప్లో భారీ మార్పులు.. వాయిస్ మెసేజ్ ప్లేయర్కు కొత్త లుక్
ఈ వార్తాకథనం ఏంటి
మెటా ఆధీనంలోని వాట్సాప్ త్వరలో తన వాయిస్ మెసేజ్ ప్లేయర్కు కొత్త లుక్ ఇవ్వబోతోంది. 'లిక్విడ్ గ్లాస్' డిజైన్ను వాయిస్ నోట్ ప్లేయర్లో తీసుకురావడానికి కంపెనీ పని చేస్తున్నట్టు సమాచారం. ఈ అప్డేట్తో యూజర్ ఇంటర్ఫేస్ మరింత మోడర్న్గా మారడంతో పాటు వాయిస్ మెసేజ్ వినే అనుభవం కూడా సులభంగా, సౌకర్యవంతంగా మారనుంది. అయితే ఈ ఫీచర్ ప్రస్తుతం డెవలప్మెంట్ దశలో ఉండి, ఇంకా బీటా టెస్టింగ్కు అందుబాటులోకి రాలేదు.
వివరాలు
లిక్విడ్ గ్లాస్ ఇంటర్ఫేస్ ఎలా ఉంటుంది?
ఇటీవల కొన్ని బిజినెస్ యూజర్లకు పరిచయం చేసిన 'లిక్విడ్ గ్లాస్' ఇంటర్ఫేస్లో పారదర్శక ఎలిమెంట్లు, లేయర్డ్ డెప్త్ ఎఫెక్ట్స్ ఉంటాయి. ఈ డిజైన్ యాప్ను మరింత ఆకర్షణీయంగా, వినియోగదారులకు అనుకూలంగా మార్చడమే లక్ష్యంగా రూపొందించారు. ముఖ్యంగా హెడ్డర్లు, ట్యాబ్ బార్లు, యాక్షన్ బటన్ల వంటి UI భాగాల్లో మార్పులు కనిపిస్తాయి. అయితే ఈ ఫీచర్ ఇంకా పూర్తిగా అందరికీ అందుబాటులోకి రాలేదు. యూజర్ అనుభవం మెరుగుపరిచే దిశగా వాట్సాప్ ఇంకా దీనిపై పని చేస్తోంది.
వివరాలు
ప్లేబ్యాక్ బార్లో మార్పులు
ప్రస్తుతం ఉన్న వాయిస్ మెసేజ్ ప్లేబ్యాక్ బార్లో ఎడమవైపు పంపిన వ్యక్తి ప్రొఫైల్ ఫోటో, కుడివైపు ప్లే/పాజ్ కంట్రోల్స్ ఉంటాయి. కానీ ఇది లిక్విడ్ గ్లాస్ డిజైన్కు సరిపడడం లేదు. అందుకే భవిష్యత్తులో వాట్సాప్ ఈ ప్లేబ్యాక్ బార్ను పూర్తిగా మార్చే యోచనలో ఉంది. కొత్త డిజైన్ లిక్విడ్ గ్లాస్ స్టైల్కు అనుగుణంగా ఉండి, యూజర్లకు మరింత కంట్రోల్ అందిస్తుంది.
వివరాలు
రీవైండ్ ఫీచర్ కూడా రాబోతుందా?
కొత్త ప్లేబ్యాక్ బార్తో పాటు మరో కీలక ఫీచర్ కూడా రానుంది. యూజర్లు కేవలం ఒక ట్యాప్తో వాయిస్ మెసేజ్ను 5 సెకన్లు వెనక్కి వెళ్లేలా రీవైండ్ చేయగలుగుతారు. ప్రస్తుతం ఉన్న వాట్సాప్ వెర్షన్లో ఈ సౌకర్యం లేదు. దీంతో వాయిస్ నోట్ను మళ్లీ వినాలనుకున్నప్పుడు మరింత సులభంగా ఉపయోగించుకోవచ్చు. అదే సమయంలో వాయిస్ మెసేజ్ ప్రోగ్రెస్ను ప్రొఫైల్ పిక్ ఆకారానికి సరిపోయేలా సర్క్యులర్ ప్యాటర్న్లో చూపించనున్నారు. దీంతో ప్లేయర్ మరింత మోడర్న్గా, ఆకర్షణీయంగా కనిపించనుంది.