India vs Pak: 2028 ఒలింపిక్స్.. భారత్ వర్సెస్ పాక్ మ్యాచ్ లేనట్లేనా?
ఈ వార్తాకథనం ఏంటి
అంతర్జాతీయ క్రికెట్ అభిమానుల కోసం భారత్-పాకిస్థాన్‌ మ్యాచ్ ఎల్లప్పుడూ పండగ లాంటిదనే చెప్పొచ్చు. కానీ 2028 ఒలింపిక్స్‌లో ఈ మ్యాచ్ జరగడం కాస్త అసాధ్యమే అనిపిస్తోంది. ఐసీసీ కొత్తగా రూపొందించిన నియమాల ప్రకారం, భారత్-పాక్ మ్యాచ్ (India vs Pakistan) జరుగుతుందో లేదో స్పష్టత లేదు. ఈ ఏడాదే 128 సంవత్సరాల తర్వాత ఒలింపిక్స్‌లో క్రికెట్‌ను తిరిగి చేర్చారు. 2028లో లాస్‌ ఏంజెలెస్‌ వేదికగా జరగనున్న ఒలింపిక్స్‌లో క్రికెట్‌ను ఎటువంటి ఫార్మాట్‌లో నిర్వహించాలనే అంశంపై ఐసీసీ గ్లోబల్ స్థాయిలో కొన్ని నియమాలు రూపొందించింది. తాజాగా దుబాయ్‌లో జరిగిన సమావేశంలో ఈ నియమాలను తుది రూపం ఇచ్చారు. ఆరు జట్లు (పురుషులు, మహిళలు వేరు) ఈ టోర్నీలో పాల్గొననున్నారు.
Details
జట్లు ప్రధానంగా ప్రాంతీయ అర్హత ఆధారంగా ఎంపిక
ఐసీసీ ప్రకారం, జట్లు ప్రధానంగా ప్రాంతీయ అర్హత ఆధారంగా ఎంపిక చేయబడతాయి. ఆసియా, ఓషియానియా, యూరప్, ఆఫ్రికా రీజియన్లలో టాప్‌లో ఉన్న జట్లు నేరుగా ఒలింపిక్స్‌కు అర్హత సాధిస్తాయి. ఆతిథ్య దేశానికి ఒక స్థానం కేటాయించబడుతుంది. మిగతా ఆరో జట్టు కోసం క్వాలిఫయర్‌ రౌండ్‌ నిర్వహించనున్నారు. ప్రస్తుతం ర్యాంకుల ప్రకారం ఆసియా నుంచి భారత్, ఓషియానియా నుంచి ఆస్ట్రేలియా, ఆఫ్రికా నుంచి దక్షిణాఫ్రికా, యూరప్ నుంచి ఇంగ్లాండ్‌ ప్రత్యర్థిగా అర్హత సాధించే అవకాశం ఉంది. అమెరికా మరియు వెస్టిండీస్‌ లాంటి దేశాలు ఆతిథ్యంగా ఉన్న కారణంగా, ఈ రెండు జట్లలో ఒకదాన్ని మాత్రమే ఎంపిక చేస్తారు. మరో ఆరో జట్టు క్వాలిఫయర్‌ రౌండ్‌లో నిర్ణయించబడుతుంది.
Details
ఒక్కో రీజియన్‌ నుంచి ఒక్కో జట్టు ఎంపిక
ఒలింపిక్స్ గ్లోబల్ ఈవెంట్‌ కాబట్టి, అన్ని రీజియన్ల నుంచి ప్రతినిధులను చేర్చడం కోసం ఒక్కో రీజియన్‌ నుంచి ఒక్కో జట్టును ఎంపిక చేసి క్వాలిఫయర్‌ రౌండ్‌ నిర్వహించవచ్చని ఐసీసీ భావిస్తోంది. ఈ విధంగా, ఆసియాలో ర్యాంకింగ్స్‌ ప్రకారం పాక్‌కు అర్హత సాధించుకునే అవకాశాలు చాలా తక్కువగా ఉన్నాయి. అలా అయితే, 2028లో భారత్-పాక్ మ్యాచ్ జరగకపోవచ్చని అంచనాలు వ్యక్తమవుతున్నాయి. ఇతర వైపు, ఈ ఒలింపిక్స్‌లో క్రికెట్ 1900 తర్వాత తొలిసారిగా, అలాగే128ఏళ్ల తర్వాత తిరిగి చోటు పొందనుంది. పురుషులు, మహిళలు టి20 ఫార్మాట్‌లో బరిలోకి దిగనున్నారు. 1900లో ఫ్రాన్స్‌లో జరిగిన ఒలింపిక్స్‌లో క్రికెట్ కేవలం ఒక మ్యాచ్ మాత్రమే జరిగిందని తెలుసుకోవడం ఆసక్తికరం. ఆ రెండు రోజుల మ్యాచ్‌లో బ్రిటన్ విజేతగా నిలిచింది.