ఒక్కో డాట్ బాల్‌కు 500 మొక్కలు.. బీసీసీఐ ఎన్ని వేల చెట్లు నాటునుందో తెలుసా?
ఈ వార్తాకథనం ఏంటి
పర్యావరణ పరిరక్షణలో భాగంగా బీసీసీఐ ఐపీఎల్ 2023 ఫ్లే ఆఫ్స్ లోని ఒక్కో డాట్ బాల్ కు 500 చెట్లు నాటాలని భావించింది. టాటా కంపెనీతో భాగస్వామ్యంతో ఈ మొక్కలను నాటనున్నట్లు బీసీసీఐ ప్రకటించింది. దీంతో ఫ్లే ఆఫ్స్‌ల సమయంలో డాట్ బాల్ స్థానంలో గ్రీన్‌టీ ఇమేజ్‌ను గ్రాఫిక్ గా ఉపయోగించారు. ప్రస్తుతం ఐపీఎల్ సీజన్ ముగిసింది. మరి ఫ్లే ఆఫ్స్‌లో ఎన్ని డాట్ బాల్స్ నమోదయ్యాయి? ఎన్ని చెట్లు నాటనున్నారో? తెలుసుకుందాం.. గుజరాత్ టైటాన్స్, చైన్నై సూపర్ కింగ్స్ మధ్య జరిగిన తొలి క్వాలిఫయర్ మ్యాచులో 84 డాట్ బాల్స్ నమోదయ్యాయి. లక్నో సూపర్ జెయింట్స్, ముంబై ఇండియన్స్ మధ్య్ జరిగిన ఎలిమినేటర్ మ్యాచులో 96 డాట్ బాల్స్ పడ్డాయి.
Details
1 లక్షా 46వేల మొక్కలను నాటనున్న బీసీసీఐ
ఇక ముంబై ఇండియన్స్, గుజరాత్ టైటాన్స్ మధ్య జరిగిన 2వ క్వాలిఫయర్ మ్యాచులో కేవలం 67 డాట్ బాల్స్, చైన్నై సూపర్ కింగ్స్, గుజరాత్ టైటాన్స్ మధ్య జరిగిన ఫైనల్ మ్యాచులో మొత్తం 54 డాట్ బాల్స్ నమోదు అయ్యాయి. అయితే ఈ నాలుగు మ్యాచులకు కలిపి మొత్తం 292 డాట్ బాల్స్ వచ్చాయి. 292 x 500 లెక్కల ప్రకారం బీసీసీఐ(BCCI) మొత్తం 1 లక్షా 46 వేల మొక్కలు నాటనుంది. బీసీసీఐ ఇలాంటి కార్యక్రమం చేపట్టడంపై సోషల్ మీడియా వేదికగా నెటిజన్లు ప్రశంసలు కురిపిస్తున్నారు.