IPL-2026: మరో 7 రోజులు మాత్రమే.. ఈ సీజన్లో ధోనీ బ్రేక్ చేయగల 7 రికార్డులివే..
ఈ వార్తాకథనం ఏంటి
ఐపీఎల్ 2026 ప్రారంభానికి ఇంకా వారం రోజులు మాత్రమే మిగిలి ఉండగా, మహేంద్ర సింగ్ ధోనీపై అభిమానుల దృష్టి అంతా నిలిచింది. చెన్నై సూపర్ కింగ్స్కు ప్రతీకగా నిలిచిన ధోనీ ఈ సీజన్లో పలు కీలక రికార్డులను బద్దలు కొట్టే అవకాశముంది. ఇదే ఆయనకు చివరి సీజన్ కావొచ్చన్న చర్చల మధ్య ఈ రికార్డులు మరింత ఆసక్తిని పెంచుతున్నాయి. భారత క్రికెట్లో ధోనీకి ప్రత్యేక గుర్తింపు ఉంది. మరి ఈ సీజన్ లో ఆయన కొన్ని రికార్డులను తిరగరాసే అవకాశం ఉంది. ఆ సంగతులు ఏంటో ఇప్పుడు చూద్దాం.
వివరాలు
ఐపీఎల్లో 250కి పైగా మ్యాచ్లు..
ఇప్పటికే ఐపీఎల్లో 250కి పైగా మ్యాచ్లు ధోనీ ఆడాడు. ఈ సీజన్లో 260 మ్యాచ్ల మైలురాయిని చేరుకునే అవకాశం ఉంది. ఇది లీగ్ చరిత్రలో అరుదైన ఘనతగా నిలవొచ్చు. అలాగే కెప్టెన్గా 130కి పైగా విజయాలు సాధించిన ఆయన, మరికొన్ని విజయాలతో తన రికార్డును తిరగ రాస్తాడని అభిమానులు ఎదురుచూస్తున్నారు.
వివరాలు
వికెట్ కీపర్గా అదిరిపోయే రికార్డ్స్
వికెట్ కీపర్గా కూడా ధోనీ ఇప్పటికే 180కి పైగా డిస్మిసల్స్ నమోదు చేశాడు. ఈ సీజన్లో 200 డిస్మిసల్స్ మైలురాయిని అందుకోవచ్చు. ఇది ఐపీఎల్లో అరుదైన ఘనతగా నిలుస్తుంది. సిక్సర్ల జోరు: బ్యాటింగ్లో కూడా ధోనీ 5,000 పరుగులకు దగ్గరగా ఉన్నారు. ఈ సీజన్లో ఆ మైలురాయిని చేరే అవకాశం ఉంది. అలాగే 230కి పైగా సిక్సర్లు కొట్టిన ఆయన, 250 సిక్సర్ల క్లబ్లో చేరే అవకాశం ఉంది.
వివరాలు
అత్యధిక మ్యాచులు ఆడిన రికార్డ్ ధోనికే సొంతం
చెన్నై సూపర్ కింగ్స్ తరపున అత్యధిక మ్యాచ్లు ఆడిన ఆటగాడిగా ధోనీ రికార్డు నెలకొల్పాడు. అయితే ఈ సీజన్తో 200 మ్యాచ్ల మైలురాయిని చేరే అవకాశం ఉంది. ఒకే జట్టుకు ఇన్ని మ్యాచ్లు ఆడటం ప్రత్యేక రికార్డుగా నిలుస్తుంది. కెప్టెన్గా 5 ట్రోఫీలు: ఇక సీఎస్కే ఈ సీజన్లో టైటిల్ గెలిస్తే, ధోనీ కెప్టెన్గా 6 ఐపీఎల్ ట్రోఫీలు గెలిచిన చరిత్ర సృష్టించే అవకాశం ఉంది. దీంతో ఈ సీజన్ ధోనీ కెరీర్లో మరో ప్రత్యేక అధ్యాయంగా నిలిచే అవకాశముంది. మరి ఈ రికార్డులు ధోనీ సాధిస్తాడని ఆయన ఫ్యాన్స్ ఎంతగానో ఎదురుచూస్తున్నారు.