India vs Pakistan: అభిషేక్ శర్మ, తిలక్ వర్మ విధ్వంసం.. పాకిస్థాన్ ముందు భారీ లక్ష్యం!
ఈ వార్తాకథనం ఏంటి
ఏషియన్ గేమ్స్ 2026 క్రికెట్ ఫైనల్లో టీమిండియా, పాకిస్థాన్ జట్లు తలపడుతున్నాయి. ఈ మ్యాచ్‌లో టాస్ గెలిచిన టీమిండియా తొలుత బ్యాటింగ్ ఎంచుకుంది. నిర్ణీత ఇన్నింగ్స్‌లో భారత జట్టు 6 వికెట్ల నష్టానికి 211 పరుగులు చేసింది. దీంతో పాకిస్థాన్ ముందు 212 పరుగుల లక్ష్యాన్ని ఉంచింది. భారత్ తరఫున కాటేరమ్మకొడుకు అభిషేక్ శర్మ, తిలక్ వర్మ హాఫ్ సెంచరీలతో అదరగొట్టారు. మ్యాచ్ ఆరంభంలోనే అభిషేక్ శర్మ పాకిస్థాన్ బౌలర్లపై విరుచుకుపడ్డాడు. కేవలం 28 బంతుల్లో 61 పరుగులు చేసి పాకిస్థాన్‌కు చుక్కలు చూపించాడు. చివర్లో తిలక్ వర్మ 51 పరుగులతో బౌలర్లపై విరుచుకుపడ్డాడు.
వివరాలు
వైభవ్ సూర్యవంశీకి 15 పరుగులు
భారత్ ఇన్నింగ్స్‌ను 15 ఏళ్ల వైభవ్ సూర్యవంశీ, అభిషేక్ శర్మ ప్రారంభించారు. ఈ జోడీ టీమిండియాకు బలమైన ఆరంభాన్ని అందించింది.
అయితే వైభవ్ తన ఇన్నింగ్స్‌ను ఎక్కువసేపు కొనసాగించలేకపోయాడు. సామ్ అయూబ్ బౌలింగ్‌లో వికెట్ కీపర్ ఉస్మాన్ ఖాన్ క్యాచ్ పట్టడంతో వైభవ్ ఔటయ్యాడు.
వైభవ్ 9 బంతులు ఎదుర్కొని రెండు సిక్సర్లతో 15 పరుగులు చేశాడు. అతను ఔటయ్యే సమయానికి టీమిండియా స్కోరు 28/1గా ఉంది.
వివరాలు
సంజూ శామ్సన్ స్వల్ప స్కోరుకే ఔట్
వైభవ్ సూర్యవంశీ తర్వాత క్రీజులోకి వచ్చిన సంజూ శామ్సన్ కూడా ఎక్కువసేపు నిలవలేకపోయాడు. అహ్మద్ డానియల్ బౌలింగ్‌లో కేవలం 2 పరుగులకే పెవిలియన్‌కు చేరాడు.
దీంతో అభిషేక్ శర్మ మరింత దూకుడుగా బ్యాటింగ్ చేశాడు. కేవలం 20 బంతుల్లోనే హాఫ్ సెంచరీ పూర్తి చేసుకున్నాడు.
అయితే 61 పరుగుల వద్ద అతని అద్భుత ఇన్నింగ్స్ ముగిసింది. మొత్తం 28 బంతులు ఎదుర్కొన్న అభిషేక్.. 3 ఫోర్లు, 7 సిక్సర్లతో 61 పరుగులు చేశాడు.
అతని స్ట్రైక్ రేట్ 217గా నమోదైంది. అరాఫత్ మిన్హాస్ బౌలింగ్‌లో వికెట్ కీపర్ ఉస్మాన్ ఖాన్ స్టంప్ చేయడంతో అభిషేక్ పెవిలియన్‌కు చేరాడు.
వివరాలు
ఇషాన్ కిషన్, శ్రేయస్ అయ్యర్ ఔట్
అభిషేక్ తర్వాత క్రీజులోకి వచ్చిన ఇషాన్ కిషన్ కూడా ఎక్కువసేపు నిలవలేకపోయాడు. అరాఫత్ మిన్హాస్ బౌలింగ్‌లోనే ఔటైన ఇషాన్.. 18 బంతుల్లో 3 ఫోర్లతో 20 పరుగులు చేశాడు.
ఆ తర్వాత వరకు నిలకడగా బ్యాటింగ్ చేసిన టీమిండియా కెప్టెన్ శ్రేయస్ అయ్యర్ కూడా పెవిలియన్‌కు చేరాడు.
అబ్రార్ అహ్మద్ బౌలింగ్‌లో క్యాచ్ ఇచ్చి ఔటైన శ్రేయస్.. 24 బంతుల్లో 2 ఫోర్లతో 21 పరుగులు చేశాడు.
శ్రేయస్ అయ్యర్ ఔటయ్యే సమయానికి టీమిండియా స్కోరు 14.1 ఓవర్లలో 5 వికెట్ల నష్టానికి 133 పరుగులుగా ఉంది.
అంతకుముందు అభిషేక్ శర్మ ఔటైనప్పుడు 7.5 ఓవర్లలో 3 వికెట్ల నష్టానికి 93 పరుగులు చేసింది.
వివరాలు
చివర్లో తిలక్ వర్మ, శివమ్ దూబే ధనాధన్
మ్యాచ్ మధ్యలో వరుస వికెట్లతో టీమిండియా కాస్త తడబడింది. అయితే చివరి ఓవర్లలో శివమ్ దూబే, తిలక్ వర్మ వేగంగా బ్యాటింగ్ చేసి జట్టును భారీ స్కోరు దిశగా తీసుకెళ్లారు.
అహ్మద్ డానియల్ బౌలింగ్‌లో శివమ్ దూబే క్యాచ్ ఇచ్చి ఔటయ్యాడు. దూబే 15 బంతుల్లో రెండు ఫోర్లు, రెండు సిక్సర్లతో 27 పరుగులు చేశాడు.
మరోవైపు తిలక్ వర్మ అద్భుతంగా బ్యాటింగ్ చేస్తూ ఎట్టకేలకు 22 బంతుల్లో 51 పరుగులు పూర్తి చేశాడు.
అతని వేగవంతమైన ఇన్నింగ్స్‌తో టీమిండియా 6 వికెట్ల నష్టానికి 211 పరుగులు చేసింది. దీంతో ఏషియన్ గేమ్స్ క్రికెట్ ఫైనల్లో పాకిస్థాన్ ముందు **212 పరుగుల లక్ష్యాన్ని** ఉంచింది.