Abhishek sharma: అభిషేక్ శర్మ అరుదైన రికార్డు.. ఒకే ఏడాదిలో 1,000 టీ20 పరుగులు చేసిన తొలి భారత ఓపెనర్‌గా చరిత్ర!
ఈ వార్తాకథనం ఏంటి
టీమిండియా యువ ఓపెనర్ అభిషేక్ శర్మ అంతర్జాతీయ టీ20 క్రికెట్‌లో అరుదైన ఘనత సాధించాడు. ఒకే క్యాలెండర్ ఏడాదిలో 1,000 పరుగులు పూర్తి చేసుకున్న తొలి భారత ఓపెనర్‌గా రికార్డు సృష్టించాడు. న్యూజిలాండ్‌తో జరిగిన రెండో టీ20 మ్యాచ్‌లో 21 బంతులు ఎదుర్కొన్న అభిషేక్ 27 పరుగులు చేశాడు. ఈ ఇన్నింగ్స్‌తోనే అతడు ఈ మైలురాయిని అందుకున్నాడు. ఈ మ్యాచ్‌లో భారత్ నాలుగు వికెట్ల తేడాతో విజయం సాధించింది. అంతర్జాతీయ టీ20ల్లో ఒకే క్యాలెండర్ ఏడాదిలో 1,000 లేదా అంతకంటే ఎక్కువ పరుగులు చేసిన భారత ఆటగాళ్ల జాబితాలో అభిషేక్ శర్మ మూడో ఆటగాడిగా నిలిచాడు. గతంలో సూర్యకుమార్ యాదవ్ 2022లో, ఇషాన్ కిషన్ 2026లో ఈ ఘనత సాధించారు.
వివరాలు
వన్డే క్రికెట్‌లో 1994లో సచిన్ టెండూల్కర్ ఈ ఘనత సాధించాడు
ఇప్పుడు అభిషేక్ కూడా వారి సరసన చేరాడు. అయితే, భారత ఓపెనర్లలో ఒకే ఏడాదిలో ఈ స్థాయిలో పరుగులు చేసిన తొలి ఆటగాడిగా ప్రత్యేక గుర్తింపు సంపాదించాడు.
ఈ ఏడాది ఇప్పటివరకు 36 మ్యాచ్‌లు ఆడిన అభిషేక్ శర్మ మొత్తం 1,012 పరుగులు చేశాడు.
భారత క్రికెట్ చరిత్రలో టెస్టుల్లో ఒకే క్యాలెండర్ ఏడాదిలో 1,000 పరుగులు సాధించిన తొలి ఓపెనర్‌గా సునీల్ గావస్కర్ రికార్డు నెలకొల్పాడు.
అలాగే, వన్డే క్రికెట్‌లో 1994లో సచిన్ టెండూల్కర్ ఈ ఘనత సాధించాడు. తాజాగా టీ20 ఫార్మాట్‌లో అభిషేక్ శర్మ తన పేరును రికార్డుల పుస్తకాల్లో లిఖించుకున్నాడు.