Abhishek Sharma: అభిషేక్ శర్మ సూపర్ సెంచరీ.. కేవలం 32 బంతుల్లోనే!
ఈ వార్తాకథనం ఏంటి
దక్షిణాఫ్రికా పర్యటనకు ముందు టీ20 సిరీస్‌కు టీమిండియా సిద్ధమవుతున్న వేళ... అభిషేక్ శర్మ అద్భుత శతకంతో తన ఫామ్‌ను గట్టిగా తెలియజేశాడు. సయ్యద్ ముస్తాక్ అలీ ట్రోఫీ ఎలైట్ 2025లో భాగంగా హైదరాబాద్‌లో జరుగుతున్న బెంగాల్-పంజాబ్ మ్యాచ్‌లో అతడు కేవలం 32 బంతుల్లోనే ధాటిగా సెంచరీ నమోదు చేశాడు. టాస్ గెలిచిన పంజాబ్ బ్యాటింగ్ ఎంచుకోగా, 17 ఓవర్లు పూర్తయ్యే సమయానికి కేవలం రెండు వికెట్ల నష్టానికి 266 పరుగులు భారీ స్కోరు దిశగా దూసుకెళ్తోంది. ఈ దూకుడుకి ప్రధాన కారణం అభిషేక్ శర్మ అద్భుత ఇన్నింగ్స్‌. అతడు 51 బంతుల్లో 148* పరుగులతో క్రీజులో అదరగొడుతున్నాడు.
Details
రాణించిన ప్రభుమాన్ సింగ్
ఈ ఇన్నింగ్స్‌లో ఇప్పటికే 16 సిక్స్‌లు, 8 ఫోర్లు నమోదు చేసి బెంగాల్ బౌలర్లను చిత్తు చేస్తున్నాడు. అభిషేక్‌కు తొలి వికెట్‌లో ఉత్తమ సహకారం అందించిన ప్రబు సిమ్రన్ సింగ్ 35 బంతుల్లో 70 పరుగులు (8 ఫోర్లు, 4 సిక్స్‌లు) చేసి ఔటయ్యాడు. అనంతరం వచ్చిన అన్‌మోల్‌ప్రీత్ సింగ్ కేవలం 11 పరుగులు చేసి వెనుదిరిగాడు. ప్రస్తుతం రమణ్‌దీప్ సింగ్ 11 బంతుల్లో 31 పరుగులతో (2 ఫోర్లు, 3 సిక్స్‌లు) అతనికి తోడుగా క్రీజులో ఉన్నాడు. బెంగాల్ బౌలర్లలో ఆకాశ్ దీప్, ప్రదీప్త ప్రమాణిక్ తలో వికెట్ దక్కించుకున్నారు.